بسيطة ربنا يعوض متشلش في قلبك هو كده كل ما يشوفك هيتكسف ويحس بالذل
عرض للطباعة
بسيطة ربنا يعوض متشلش في قلبك هو كده كل ما يشوفك هيتكسف ويحس بالذل
معلش قدر الله وما شاء فعل، وفعلا المفروض كان قالك وما انكرش
للأسف غالبيه الناس معندهاش الشجاعه و معندهاش ثقافه الاعتذار و الاعتراف بالخطأ .
و الله انا من شهر كنت موصل والدي للدكتور و من سرعتي وانا بركن عشان ألحق معاد الدكتور خبطت في اكصدام اسكودا قديمه و كسرت للراجل قطعه من الفانوس الخلفي و الباب الخلفي يمين عندي اتخبط . انا مبقاش هاممني عربيتي ...نزلت بصيت علي عربيه الراجل ...لان حرام هوه ملوش ذنب ... المهم فضلت واقف شويه و فكرت اعمل ايه ... حطيتله قطعه الفانوس المكسوره تحت المساحات عنده و كتبتله ورقه بعتذر فيها و برجوه يقبل اعتذاري و حطيت رقم موبايلي و قلتله مستعد لاصلاح ما اتلفته ....
لازم ننمي ثقافه الاعتراف بالخطأ و الاعتذار بيننا .... و الا عليه العوض .
الاعتذار كان واجب عليه وليس الانكار !!!!
الناس بقت وحشه كده ليه ؟؟
الحمد لله انها جت كده بسيطه انا مثلا بابين انبعجوا للداخل وفانوس خلفي يمين اتكسر الخ كل خبطه لوحدها والعربيه هي ركنه تحت في السليم والحمد لله جت علي كده انا بشوف الناس من فوق تفضل ترجع وهي بتركن وما يقفش الا لما يحس انه خبط العربية اللي وراه الناس اتعودت علي كده مع ان المكان ممكن يدخل عربيتن ورا بعض ويا سلام بقي لو العربيه اللي بتركن شيروكي ومركبه العجل الاحتياط علي الباب الخلفي ويلمس بوظ عربيتك قله ادب يوميه
معلش متزعلش
والله العماره الي فيها ما بيعديش شهر غير لما العربيه تتخبط وهي في الجراح من كتر الزحمه وحاجات تزعل
اهمال غريب ومفيش اعتذار ومره اتكسر الاكصدام والفانوس الخلفي وهي راكنه في الشارع من سواق تاكسي وطلع يجري
من فتره كنت في شارع متفرع من الهرم ولقيت لانوس راكنه في الشارع وشويه متشردين طالعين من المدرسه وبيشخبطوا على عربيه راكنه ومقضينها روحت نازل من العربيه ومتجه عليهم انت بتعمل ايه يلا انت وهو بزهيق كانها عربيتي كله طلع يجري وللاسف بهدلوا عربيه الواد
شكرا ليكم بس نفسي الناس اخلاقها تتعدل
في واحد انهارده بيقولي حاجة عجيبة. بيقولي اغلي مية و اصبها على الاكصدام و ازقه من جوه .. حد جرب الموضوع ده
ممكن ترده بايدك من جوة الاكصدام
معلش الحمد لله اللى جت على قد كدة
امال تعمل اية بقى لو انت جوة عربيتك وجارك بيرجع بعربيتة وحك بردة العربية زى كدة , ولون العربية عندة مميز ( اخضر ) محدش لونة زية فى الشارع كلة , وانا اصلا كنت قاعد جوة العربية , لقيتها اتهزيت من الخبطة
ونزلت اقولة مش تخلى بالك , يقولى انا مخبطكش , ويحلف بالله , روحت متنرفز علية وقولتلة واقسم بالله خبطنى ومكان خبطتك اهوة فى عربيتك وعربيتى , وانا ماقولتكلش اعملهالى انا بس اللى نرفزنى منك انك خبطت ومافيش اى اعتذار قولتة , وخلاص كان فاضلى تكة واضربة اصلا عشان عمال يحلف بس
لقيتة بيقولى معلش مخدش بالى روحت قايلة حصل خير
وانا معايا ال polish روحت مطلعة والحمد لله مافيش أثر
ناس تحرق الدم الصراحة
الادب والذوق اختفوا من على وجه الارض
لسه حاصل معانا موقف برده وجيراننا فى العماره اللى قدامنا والست اللى خبطتنا اول ما خبطتلنا العربيه قبل ما بابا ينزلها قالت للبواب متكفله بأى فلوس وهربت زى الفار بحجه انها تلحق شغلها المهم بقى انهم لما زهقوا من زننا على فلوسنا بقى راحوا قالبين على الوش العربجى ومش اى عربجى ده عربجى قذر
ده لينك الموضوع بتاعى هنا http://www.nilemotors.net/Nile/422004-a.html
القذاره وقله الادب بقت طبع خلاص المؤدبين دول بقوا منقرضين
وبالمناسبه الست دى برده كانت عايزه تهرب ومفكرتش تشوف دى عربيه مين لولا البواب قفشها وقالها اقفى هنا تكسرى للناس عربياتها وتهربى ؟