الموضوع: التقييم المبدئى لاداء السيارة الهيونداى ix35 موديل 2013 (تجهيزات الفئة الثانية)

المشاركة الأصلية كتبت بواسطة mohyeldin1974

الف مبروك وربنا يتقبل عتذر لان التهنئه متأخره بس بقالى فتره مدخلتش على النت
ياريت تعرفنا اخر الاخبار واحساسك بالعربيه بعد التجربه لانى المفروض على اخر الاسبوع اقرر وبصراحه محتار جدا بينها وبين الاسترا الكوزمو
افيدنى افادكم الله

الف شكر يا باشا وعقبال حضرتك،بالنسبة لاخبارى مع العربية وبعد التجربة(حوالى600كيلو)، معلش انا استخدامى خفيف خصوصاً وانى كنت مسافر حوالى12يوم .
العربية من حيث العفشة والعزل والتكييف والسحب والتوازن والفرامل ممتازة،والحمد لله مرتاح معاها جداً حتى الان،ملاحظاتى الجديدة عنها ان مفيش فيها هواية للتكييف خلفى واعتقد ان دة فارق مع الجماعة الورا، والنور موش عارف افهمة لغاية دلوقتى، بشغلة وانا وحظى، موش عارف العالى من الواطى من النص نص، والكلاكس بتاعها واطى حبتين.
بس انا شايف انها افضل من الاسبورتاج من حيث الحجم والابشن والشكل(يمكن علشان لسة موش منتشرة - مميزة لغاية دلوقتى).
طبعاً الاسترا عربية شديدة، بس الاسترا حاجة وال ix35 حاجة تانية خالص ، فرق الاستيل الاسترا سيدان والهيونداى suvاوفر كروس.
الحاجة الوحيدة البتجمع ما بينهم ان النور بتاعهم لازم يفضل شغال طول ما العربية شغالة(صبح ليل ).
انا شخصياً باحب استيل الsuvوموش عارف ممكن ارجع اركب عربية سيدان من تانى ولا لا.
انا اعتقد ان الهيونداى عملية اكتر، و افضل فى تكاليف صيانتها ومراكز الخدمة وسعر اعادة البيع. بس فى النهاية دى مسألة ازواق واحتياجات.
ربنا يوفقك للخير وانا تحت امرك فى اى استفسار، ولو تحب تجرب العربية عملياً (تست دريف) انا تحت امرك.