| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 39

  1. #1

    الصورة الرمزية said.d.y

    رقم العضوية : 37730

    تاريخ التسجيل : 10Apr2009

    المشاركات : 571

    النوع : ذكر

    الاقامة : maadi

    السيارة: Mercedes A Class 2020

    السيارة[2]: Mercedes CLA 2022

    دراجة بخارية: no

    الحالة : said.d.y غير متواجد حالياً

    افتراضي التقييم المبدئى لاداء السيارة الهيونداى ix35 موديل 2013 (تجهيزات الفئة الثانية) - Facebook Twitter whatsapp انشر الموضوع فى :

    hasad">

    تقييم اداء السيارة الهيونداى IX35 موديل 2013 (تجهيزات الفئة الثانية) :


    -----

    للامانة : التقييم دى عن مسافة 300كم، يعنى ممكن يكون انطباع مبدئى ، ومقارنة بين العربيات الركبتها قبل كدة، بس حبيت انقلة ليكم علشان فى ناس فى المنتدى حبة تتعرف على
    العربية عن تجربة، بس بشكل عام العربية صفقة موفقة ومتزعلش على الفلوس
    الدفعتها فيها.
    الموصفات :
    · نوع المحرك : GDIالسعة اللترية 1600 C Cبقوة 135 حصان.
    · فئة السيارة : SUV" سيارة رياضية"

    " SUV means "Sport Utility Vehicle"

    · معدل استهلاك الوقود:
    - نوع الوقود : 92
    - استهلاك الوقود :
    طبقاً لمواصفات السيارة ، الاستهلاك ( 7,5لتر/100كم ) داخل المدينة – (5,8لتر/100كم ) خارج
    المدينة ، بمتوسط 6,4 لتر/100كم.
    عملياً فى حدود(6,7 لتر/100كم)فى المتوسط ، مع تشغيل التكييف لمدة 70كم تقريباً- وطبعاً دى
    تقريبى وهحسبة تانى بالضبط واخبركم.
    التجهيزات (options):
    كافية لحد كبير ، و من وجهة نظرى الشخصية هناك كماليات ناقصة و هناك كماليات كان ممكن الاستغناء عنها (طبعاً دة معتمدة على الوكيل – لانها موجودة فى كتالوج السيارة) - وعلى الرغم من أن سعر السيارة 205 الف جم (قبل الزيادة).
    كماليات تنقص السيارة و كان يفضل وجودها : (من وجهة نظرى وطبقاً لحاجتى انا الشخصية
    واعتيادى عليها)
    1. عدم وجود خاصية قفل السنتر لوك ذاتي بعد التحرك بالسيارة والوصول لسرعة 20-40 كيلومثلاً ( اعتقد دى ابشن عادى دلوقتى )
    2. عدم وجود بلوتوث ، علشان استخدام الموبيل- (موجود فى الفئة الهاى لاين فقط).
    3. طى المرايات الجانبية موش من خلال الريموت.
    4. عدم وجود وحدات رفع مع الريموت (لتامين وضمان اغلاق جميع زجاج السيارة).
    5. عدم وجود اضاءة فى الاشارات الموجودة بالابواب الامامية والمفروض انها تنور لما يكون احد
    الابواب الامامية مفتوح (موجودة منظر).

    كماليات كان ممكن الاستغناء عنها ، والاستعاضة بها بكماليات اكثر استخداماً، خاصة فى مصر:
    1. خاصية تسخين المقاعد الامامية والخلفية .
    2. سخان الزجاج الخلفى .
    3. الاضاءة النهارية (ightl Day time runnin) – ودى غير ال LED
    والخاصية دى من شروط مواصفات السلامة الاوربية الاخيرة، حيث اشترطت ان نور السيارة الامامى والخلفى لازم يكون شغال صبح وليل( مفيش حاجة فى مفاتيح الاضاءة تسمح لك تطفى النور والسيارة شغالة )، ودى خاصية موجودة فى السيارات الحديثة ذات المنشاء الاوربى، زى الاسترا الجديدة وبعض موديلات ال بى ام.
    عملياً محدش فى مصر طول ما انت ماشى ، الا بيشاور لك او بيوقفك علشان يقول لك النور والع.
    السيارة من الداخل :
    - تحس بالفخامة والرفاهية والحداثة فى التصميم والتجهيزات الداخلية للسيارة، بس التابلوة كان ناقصه شاشة عرض البيانات.
    - لما ركبت عربية اخويا الاوكتفيا فنتازيا2012 بعد الIX35 فى نفس الوقت، حسيت ان صالون وتابلوة الفانتازيا كلاسيكى او نمطى شوية.
    - نظام الصوت وتوزيع السماعات ممتاز.
    - الكراسى مريحة ، والمسافة بين الكراسى الامامية والخلفية كافية.
    - كابينة الركاب معزولة تماماً عن صوت المحرك او احتكاك الاطارات او اى مؤثرات خارجية ، (من الصعب انك تحدد لو كانت السيارة تعمل ام لا).
    - الشنطة الخلفية واسعة، وخاصة فى حالة طى المقاعد الخلفية.
    التكييف : (ممتاز)
    - التكييف بة خاصية التحكم الثنائى فى درجة الحرارة( Dual zone & Cluter lonizer ، ودى بقلل شوية من الخناقات مع مراتك الدائما حرانة جداً، وانت انسان انانى.(بقول بيقلل موش بيمنع)
    - التكييف ممتاز وصوتة موش مسموع ، وكافى جداً على الدرجات المنخفضة من سرعة المروحة او التبريد.
    - وجود خاصية التبريد الموجودة فى درج التابلوة مفيدة.

    السيارة من الخارج :
    - الابعاد مناسبة، والتصميم عصرى ومميز، وملفت (روش)

    تقييم اداء السيارة:
    (افكركم ان تقييم الاداء عن فترة سير 300كم فقط ، وبسرعة لم تتجاوز ال100كم/ساعة)
    - قيادة السيارة سلسة، واستجابةعجلة القيادة او الفتيس سلسة ومريحة جداً، والعربية عالية عن الارض بشكل جيد وموضوع السنسور الخلفى بيسهل كتير فى الركن، لان من غيرة اعتقد كانت الركنة ممكن تكون بتعويرة.
    - والعربية ثابتة جداً على الارض ، على الرغم من ارتفاعها.
    - استجابة العربية للسرعة ممتازة، والوصول لسرعة من 0 :100 سريعة (محسبتهاش بالضبط بس بتشد كويس)- طبعاً انا لسة مكملتش ال 1000كم الاولى، بالتالى معلتش بالسرعة عن 100كم/ساعة. بس جربت الشد و الاستجابة سريعة وعالية.
    - الفرامل : ممتازة ولازم تتعود عليها، علشان حساسة جداً.
    - العفشة: ممتازة وموش ناشفة وبتتعامل مع المطبات بحنية.
    الاضاءة :
    - الاضاءة جيدة، باستثناء خاصية الاضاءة النهارية ال عملة مشاكل مع امة لا الة الا الله.
    - الفوجات الامامية (نور الشبورة) ضعيف ، ومتقدرش تعتمد علية مع النور الصغير (فى التيجو انا
    ماكنتش بستخدم الا النور الصغير ونور الفوجات الامامية بس).

    ....


    وفى الاخر دى انطباع مبدئى ، وممكن مع التجربة اكتر تتضح حاجات اكتر


    بس انا مبسوط والحمد لله


  2. #2

    الصورة الرمزية samyyousef

    رقم العضوية : 53526

    تاريخ التسجيل : 21Nov2009

    المشاركات : 1,215

    النوع : ذكر

    الاقامة : cairo

    السيارة: brava

    السيارة[2]: opel

    دراجة بخارية: لا يوجد

    الحالة : samyyousef غير متواجد حالياً

    افتراضي -

    الف مبروك
    و ربنا يباركلك فيها
    اشكرك على التقييم الموضوعي و الامانة في نقل ملاحظاتك
    ما هو سعرها الان؟ و ما هي وسائل الامان فيها؟
    تحياتي


  3. #3

    الصورة الرمزية م. حاتم السباعي

    رقم العضوية : 44992

    تاريخ التسجيل : 16Aug2009

    المشاركات : 2,227

    النوع : ذكر

    الاقامة : el maadi

    السيارة: kia

    السيارة[2]: Qashqai

    دراجة بخارية: لا يوجد

    الحالة : م. حاتم السباعي غير متواجد حالياً

    افتراضي -

    بسم الله ما شاء الله

    الف مبروك و ان شاء الله نبارك لك علي صيانة ال 100 الف

    HAGAN سابقا


  4. #4

    الصورة الرمزية mahmoud_afifi

    رقم العضوية : 28151

    تاريخ التسجيل : 21Dec2008

    المشاركات : 5,098

    النوع : ذكر

    الاقامة : Cairo, 5th Settlement

    السيارة: N/A

    السيارة[2]: Hyundai Elantra HD

    دراجة بخارية: N/A

    الحالة : mahmoud_afifi غير متواجد حالياً

    افتراضي -

    ماشاء الله تقرير هايل تسلم ايدك
    الموضوع ده مرشح بقوه انه يبقى من المواضيع المثبته في القسم


  5. #5

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    انطباع جميل ومبشر
    ربنا يباركلك فيها وتسلم عالتقرير ..


  6. #6

    الصورة الرمزية youssef_u

    رقم العضوية : 66605

    تاريخ التسجيل : 30Mar2010

    المشاركات : 1,419

    النوع : ذكر

    الاقامة : 6 October

    السيارة: Sunny SuperSaloon 2013

    السيارة[2]: Fiat siena

    دراجة بخارية: Non

    الحالة : youssef_u غير متواجد حالياً

    افتراضي -

    الف مبروك ربنا يباركلك فيها و يحفظهالك من العين


  7. #7

    الصورة الرمزية occullt

    رقم العضوية : 75059

    تاريخ التسجيل : 11Jul2010

    المشاركات : 126

    النوع : ذكر

    الاقامة : القاهره

    السيارة: لا يوجد

    السيارة[2]: كورولا 2012

    دراجة بخارية: لا

    الحالة : occullt غير متواجد حالياً

    Thumbs up -

    الف الف مبروك وتسلم ايدك على التقرير الجميل ده وفى انتظار المزيد


  8. #8

    الصورة الرمزية Dr.M_baz

    رقم العضوية : 113652

    تاريخ التسجيل : 21Sep2011

    المشاركات : 947

    النوع : ذكر

    الاقامة : المنصورة

    السيارة: لا يوجد

    السيارة[2]: kia cerato sx 2013

    دراجة بخارية: لا

    الحالة : Dr.M_baz غير متواجد حالياً

    افتراضي -

    ألف مبروك ... وربنا يبارك لك فيها.


  9. #9

    الصورة الرمزية said.d.y

    رقم العضوية : 37730

    تاريخ التسجيل : 10Apr2009

    المشاركات : 571

    النوع : ذكر

    الاقامة : maadi

    السيارة: Mercedes A Class 2020

    السيارة[2]: Mercedes CLA 2022

    دراجة بخارية: no

    الحالة : said.d.y غير متواجد حالياً

    افتراضي -

    اقتباس المشاركة الأصلية كتبت بواسطة samyyousef مشاهدة المشاركة
    الف مبروك
    و ربنا يباركلك فيها
    اشكرك على التقييم الموضوعي و الامانة في نقل ملاحظاتك
    ما هو سعرها الان؟ و ما هي وسائل الامان فيها؟
    تحياتي
    السعر الان بالنسبة للفئة الثانية (حجز) واستلام خلال شهر ونصف 220 الف جم، ووسائل الامان فرامل abs/نظام منع ادارة المحرك /وسادة هوائية للسائق والراكب الامامى/مخادع راس امامية نشطة(يعنى مصممة بحيث تتحرك الى الامام والى الخلف اثناء وقوع تصادم خلفى، مما يمنع التعرض لاصابات العنق) / سنسور للمسافة الخلفية


  10. #10

    الصورة الرمزية Mohab555

    رقم العضوية : 20516

    تاريخ التسجيل : 29Sep2008

    المشاركات : 1,378

    النوع : ذكر

    الاقامة : مصر

    السيارة: Terious GX Plus 2012

    السيارة[2]: Kia Rio HB 2013

    دراجة بخارية: no

    الحالة : Mohab555 غير متواجد حالياً

    افتراضي -

    hasad">

    الف مبررروك يا باشا و انا فعلا لسه شايف العربيه مع واحد صحبى
    ماشاء الله من افضل العربيات الهيونداى الى ركبتها على الاطلاق ... جميله جدا

    [sor2]http://s24.postimg.org/48vqezkw5/1405119604784.jpg[/sor2]

    Eng/Mohab Elnahas
    Aviation Engineer



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. شارك 1500 الفئة الاولى وشارك 1600 الفئة الاولى برضه
    بواسطة flavio_egypt في المنتدى ميتـسوبيـشى
    مشاركات: 36
    آخر مشاركة: 03-11-2012, 04:34 PM
  2. فوكاس2012 هاي لاين - فانتازيا الفئة التانية- كيا سبوتاج الفئة التانية
    بواسطة Mohamed Fawzy في المنتدى قســـــــــم المقارنــــات
    مشاركات: 49
    آخر مشاركة: 05-06-2012, 11:55 AM
  3. مشاركات: 19
    آخر مشاركة: 16-05-2012, 05:25 PM
  4. مشاركات: 27
    آخر مشاركة: 13-05-2012, 08:33 PM
  5. مشاركات: 0
    آخر مشاركة: 27-10-2009, 04:23 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2