عايز اشتري موبيل وانا محتار مابين واحد من الاتنين دول LG Optimus L9 P768
ولا Samsung Galaxy S Advance وهما الاتنين تقريباً 2200 بس بصراحه انا ميال ل L9 فلو في حد مجرب موبيل من الاتنين يقول وما لهو وما عليه من مميزات وعيوب ومتبخلوش علي بالنصيحه
انا مش هشتري كل يوم
انا معايا s advance
شوف الموبايل دة جاااااااااااااامد جدااا فى كل حاجة ( شاشة - سرعة - بطارية )
يعيبة الاتى :
الكاميرا مافيش فيها زووم ( ولكن اتحلت مع نزول الجيلى بين , والمفروض انة هينزلة رسمى خلال 10 ايام على حسب كلام سامسونج ) وطبعا فرق جدااااااا مع الجهاز فى حاجات كتير
بس كدة , مافيش حاجة تانى
لكن التليفون صوتة كويس جدااااا ونقى جداااا , شاشتة روعة الوان واضاءة مافيش بعد كدة
كاميرا 5 ميجا بيكسل بس صدقنى هتحس انها اقوى من كدة
نت سريع جدااااااا
بطارية بتقعد معايا تحدث 6 ساعات
والموبايل عموما لو نت مفتوح دايما , هيقعد معاك يوم , لو شوية العاب وشوية نت هيقعد معاك يومين
لو تحدث فقط هيقعد معاك 3 ايام
الصراحة اشد سمارت فون فى البطارية
- ال lg كويس كموبايل , بس يعيبة الاتى :
ذاكرة داخلية ضعيفة 4 جيجا معلن , و2 جيجا وشوية صافى فطبعا هتضايقك فى التطبيقات
شاشة التليفون الوانها ضعيفة مقارنة بهواتف سامسونج
دعم ضعيف - اكسسوارات قليلة - كاميرا جيدة فى النهار - ضعيفة بالليل او فى النور الخافت - صوتة مش عالى
على فكرة سعرة عامل 2300 جنية
نصيحة منى لازم الاول تمسك ال lg قبل ماتشترية ساعتها هتقدر تقيم الامور صح
اقتباس:
المشاركة الأصلية كتبت بواسطة sameh_fouad
مش عارف اقولك ايه انت جبت الخلاصه بس تعرف المشكله ان بعد ده كله حاسس اني ميال لل lg وانا عارف اني ممكن اكون غلطان بس مش عارف ليه وحضرتك مكتبتش مميزات ال lg زي ماكتبت مميزات السامسونج انت كتبت العيوب بس والميزه الوحيده الي قولت عليها انه كويس كموبيل بس كده
اكيد انت عارف حاجة , ان التليفون وهو جديد مش بيبان فية اى حاجة غير بعد مابتنزل علية برامج والعاب وتبدأ بقى تستخدم التليفون فعلى , لكن مثلا مسكت التليفون وشوفت الاوبشن بتاعتة مش هتقدر تحكم غير على الاتى
( صوت الجهاز - سرعة التاتش - سرعة الجهاز - الشاشة ) لكن كأستخدام مش هيفيدك فية غير المستخدمين نفسهم اللى قعد معاهم اكتر من اسبوعين على الاقل
لكن كل اللى اقدر اقولة ان الادفانس جهاز ممتاز جداااااااااا , على فكرة التليفون دة اتسرق منى قبل كدة ومن حبى الشديد لية اشتريت واحد تانى , مع انى قدامى اختيارات كتييييييييييير اوى
انت عارف اللى بيجذب الناس لل lg حجم الشاشة ليس اكتر , كل واحد نفسة فى تليفون شاشة كبيرة ومواصفات كويسة وبسعر معقول , لكن لو ال lg كانت شاشتة 4 بوصة او حتى 4.3 مكنش حد هيفكر يجيبة او يشترية
المغامرة فى حد ذاتها صعبة شوية لكن سامونسج ( دعم - اكسسوارات - قطع غيار - covers ) كل حاجة لية موجودة
عموما ياباشا جرب الاول الlg وبعد كدة الادفانس وشوف انت ميال لأية
اقتباس:
المشاركة الأصلية كتبت بواسطة sameh_fouad
شكراً علي تجاوبك معايا بس لازم تعرف اني قارنت بين الجهازين في كذا موقع والجهازين اخوات في كل حاجه الفرق بس في شاشه السامسونج 4 بوصة وشاشه ال lg 4.7 بوصة والذاكره الداخليه للسامسونج 8 اما lg فهي 4 جيجا مقدرش اقول ان في فروق تانيه في الجهازين وانا فاهم قصدك من ناحيه الدعم وده لان السامسونج حل محل النوكيا زمان فاكر لما كنت تجيب موبيل غير نوكيا كان بيقولوا ايه اوعي مش هتعرف تجيب له حاجه واهو انت شايف نوكيا فين دلوقت بصراحه انا محتار ونفسي اجرب الجهازين في ايدي
اخويا معاه lg l7 وهو كجهاز كويس جدا وشاشة نقية جدا واضائة محترمة وبطارية بتدوم يوم ونض مع الاستهلاك
وكمان موجود ليه كل حاجة كفرات وسكرين بروتيكت وفليب كفر عندي واحد واحد تاني عادي
شكرا علي ردك المشجعاقتباس:
المشاركة الأصلية كتبت بواسطة mamoud salah h
فكر في lg p800 4x سعرو 2600 وكواد كور وزاكرة 16 جيجا واعلي من الجهازين في كل حاجة والفرق بسيط بس يستاهل
lg اقوى فى البطارية اعلى فى الرام بيصور 1080p حجم الشاشة اكبر وفى NFC وسرعه HSDPA اعلى وسمك الجهاز ارفع
دى اهم الحجات اللى بتميز الجهاز وترشيحى lg طبعا
اقتباس:
المشاركة الأصلية كتبت بواسطة egytamer
شكرا علي الرد بس للاسف مش ينفع اجيب حاجه اكتر من 2200
اقتباس:
المشاركة الأصلية كتبت بواسطة hazoom2006
شكرا علي ردك بس انت شايف ان شاشه الجهاز حلوه يعني واضحة ولا مش تمام وكمان ايه اخبار دعم الجهاز الاكسسوارات يعني موجوده ولا مفيش ولا قليلة ؟؟؟؟