ليه منبدأش بنفسنا !!!وعتاب اللي اعضاء المنتدي

بقالي فتره كبيره بتصفح صفحات المنتدي وبحاول اتابع المواضيع الجديده والقديمه وللاسف فيه جمل كتير اوي بتزعلني لما بشوفها ومنها علي سبيل المثال لا الحصر
1: هو الشعب المصري كده مش حيتغير
2: اصل كل واحد راكب عربيه عامل فيها رامبوا
3: لما تدخل ملف بسرعه عاليه تعمل كذا
4: اصل دا بيحصل بره مش بيحصل في مصر
5: لو حصل كده في بلد تانيه مكانش حصل زي ما بيحصل عندنا
والكثير والكثير من العبارات اللي لو حللناها حنلاقي اننا مش بندور علي عيوبنا انما بندور علي عيوب الناس
الاخطاء عامله زي انوار الزينون كده انت مش بتشوفها انما بتعمي غيرك
هو يا جماعه مش الشعب المصري ده هو احنا انا وانت وابويا وابوك وكل معارفك والناس اللي موجوده في حياتك
هو مش احنا اللي راكبيت عربيات وفينا ناس عاملين رامبوا
هو اللي انا بنصحه بدخول ملف ده بطريقه معينه مش ممكن يطبقها غلط وغلطتها تكون الاولي والاخيره ليه او لغيره
هي مش البلاد التانيه دي عايش فيها بني ادمين زينا وجاير يكونوا عايشين تحت قهر من حكوماتهم احنا مش حاسين بيه
ليه منبداش بنفسنا الشعوب التايه اللي بتحترم المرور دي احترمتها علشان لما كانو عيال صغيره وشافوا اهاليهم بتحترم المرور مثلا لما كبروا احترام المرور كان في دمهم
زي ما عندنا شرب الخمور مثلا حاجه متحرمه في دمنا واتعلمنا من صغرنا انها حرام علشان كده لما بتيجي سيرتها بننفر منها
ليه ميكونش احنا اول الجيل اللي حيحترم نفسه علشان اولاده يتعلموا منه ويكبروا واحترام النفس جواهم
الموضوع كبييييييييييييييييير اوي يا جماعه وتراكمي لو انت احترمتني ححترمك حتي لو انا مش مجرد عربجي لا حتي لو انا سوابق الدنيا كلها عاملها ححترمك
امبارح حصل معايا موقف هو اللي خلاني افتح الموضوع ده
وانا مروح البيت داخل الشارع لقيت عربيتين قدامي وحوالي 3 عربيات جايين في الوش والشارع ضيق فظبطنا نفسنا لحد ما كلهم طلعوا وفضلت انا وجاي في وشي 4 عربيات اخرهم عربيه نقل روحت ماسك يميني ووقفت علشان اعديهم
عدوا كلهم وفضل بتاع النقل ومره واحده جت عربيه نقل تانيه وداخل في وشه وكل واحد منهم مستني التاني يرجعله روحت مقدم نص متر بالعربيه وكلمت سواق النقل اللي دخل جنبي وقولتله يا استاذ (مع انه شكله عربجي فوق مما تتخيل من ستايل يا رب خناقه) انا واقف مستنيه يعدي وانت كده قفلت السكه فبعد اذنك ارجع ورايا علشان نعدي ونشوف مصالحنا راح باصص للتاني وقاله انا حرجع بس علشان الباشمهندس مش علشانك وقالي انا اسف يا باشمهندس
عارفين
الراجل لما حس اني احترمته احترم نفسه مع اني كان ممكن بكلمتين اولع الشارع واعمل خناقه ونوقف السكه وانا شايل في العربيه حاجات تخليني احارب اسرائيل مش سواق نقل
بس بجد ليه ميكونش سلوكنا كده انا فعلا ساعات بتغابي ونظام مش راجع ارجع انت والسكه تقف (خصوصا ان عربيتي عاوزه سمكره فمش حتفرق لو اخدت خبطتين زياده لو الموضوع كبر)
فياريات لو بدانا بنفسنا اكيد حييجي يوم ولو بعد مليون سنه وحييجي واحد اجنبي في بلده ويقول لو انا كنت في مصر دلوقتي مكانش حصل التهريج ده
يا ريت بجد لو نعمل حمله وسط بعضنا واحنا مش شويه احنا لحد اللحظه دي 16,131عضو يعني احنا مدينه كامله
ليه منربيش اولادنا علي احترام انفسهم لان اللي بيحترم نفسه بيحترم كل حاجه حواليه
وبجد يا جماعه حييجي وقت وحنبقي احسن الناس واحنا نقدر نبقي احسن الناس بس لو حطينا في دماغنا اننا نبقي احسنهم بدل ما احنا بنبص لبلاد بره نبص لجوه ونصلح من نفسنا
الكلام للكل بنسب متفاوته لكل الاعضاء ولنفسي قبلهم ولكل المصريين
بجد اتمني اننا نحاول نغير حاجه ويكفينا شرف المحاوله
تحياتي ليكم جميعا

انا بصراحة بعمل زيك كدا و اطول بالي على الاخر عشان الامور تسلك

كلام جميل و موزون :)

نفس الكلام ده كان موضوع نقاش في الاجتماعي من كام يوم و كان النقاش حول الإصلاح يبدأ من الفرد و ينتهي عند الدولة أم العكس.

على فكرة المنتدى هنا عدده ما شاء الله مش قليل.. يعني لو خلينا هدفنا هنا اننا نهتم بأخلاق السواقة زي بالظبط اهتمامنا بحرفية السواقة بالتأكيد ان شاء الله هانعمل فرق.. بس المهم.. كل واحد يبدأ بنفسه.

اقتباس:

---

المشاركة الأصلية كتبت بواسطة OlaOsman

بالتأكيد ان شاء الله هانعمل فرق.. بس المهم.. كل واحد يبدأ بنفسه.

---

تمام ....و انا هبدأ بنفسى ....هبطل اركب عربيات:)... تجنبا للسلوكيات الهباب اللى الواحد بقى يمارسها من كتر تعامله فى الشارع

ماشي المنتدى كله هايبتدي بنفسه وانا بصراحة بفضل محترم لحد ما العملية تتنيل واروح متحول

على العموماذا احنا 16 الف اذا بدينا موش هنشكل فرق خالص احنا احسن حاجة المنتدى يعمل حملة باسمه


ويشارك فيها ناس بره المنتدى كده نعمل فرق وصوتنا يوصل

يا جماعة زي ما قلنا قبل كده لو كل واحد بص لنفسه وضبطها الدنيا هاتتظبط وبعدين الحاجات اللي احنا بنتكلم فيها حاجات تافهة ومش بتحتاج مجهود ولا وقت كبير بس لو عملناها هاتفرق كتير
مترميش ورق فيالشارع من العربي
متمشيش مخالف
تقف فيالاشارة حتي لو لوحدك
كده يعني
بصوا يا جماعة انا تعبت من الكلام في الموضوع ده لازم يبقي فيه خطوة ياريت الاخوة اللي موافقين يعلنو من النهاردة الالتزام بقدر الامكان ونشوف النسبة كام ويارب المنتدي كله يبقي كده عموما
انا من النهاردة ان شاء الله ملتزم
يلا ياجماعة فين الهمة لازم يبقي فيه خطوة

اقتباس:

---

المشاركة الأصلية كتبت بواسطة mohamed ismail

مترميش ورق فيالشارع من العربي
متمشيش مخالف
تقف فيالاشارة حتي لو لوحدك

---

أنا كده من زمان و بقف في الإشارة قبل الخط الأبيض كمان
و معاكوا في حملة نايل موتورز لضبط النفس

علي فكرة يا استاذ احمد ظريف قوي الاسم
حمله نايل موتورز لضبط النفس
والله يا جماعة لو اتجمعنا علي حاجة اكيد هنتغير وهانغير
يلا يا جماعة شدو حيلكم

اقتباس:

---

المشاركة الأصلية كتبت بواسطة mohamed ismail

يا جماعة زي ما قلنا قبل كده لو كل واحد بص لنفسه وضبطها الدنيا هاتتظبط وبعدين الحاجات اللي احنا بنتكلم فيها حاجات تافهة ومش بتحتاج مجهود ولا وقت كبير بس لو عملناها هاتفرق كتير
مترميش ورق فيالشارع من العربي
متمشيش مخالف
تقف فيالاشارة حتي لو لوحدك
كده يعني
بصوا يا جماعة انا تعبت من الكلام في الموضوع ده لازم يبقي فيه خطوة ياريت الاخوة اللي موافقين يعلنو من النهاردة الالتزام بقدر الامكان ونشوف النسبة كام ويارب المنتدي كله يبقي كده عموما
انا من النهاردة ان شاء الله ملتزم
يلا ياجماعة فين الهمة لازم يبقي فيه خطوة

---

انا بلتزم 90 % بس لما حد بيكسر عليا بقى ببقى عاوزه مش اكسر عليه ببقى نفسى انزل اولع فيه

ما علينا مفيش كارثه هتحصل لو انا وكل واحد فينا ادى فرصه وخلى اللى قدامه يعدى وصبر ثانيه زياده ومفيهاش مصيبه لو انا وسعت شويه لحد ممكن يعدى من جمبى

انمــــــــا تكســــــــر عليا وفاضل تحك لى عربيتى عشان تاخذ غرز فى شارع زحمه اسمحولى دى مفيهاش التزام بئه ومحدش يقدر يستحمل كده
مش عارفه نفسى التزم معاكم بس لما يبطلوا الغرز والحدف على بعض

اقتباس:

---

المشاركة الأصلية كتبت بواسطة دموع الثلج

مش عارفه نفسى التزم معاكم بس لما يبطلوا الغرز والحدف على بعض

---

ازاي بقى
دا الفكرة هي اننا نمسك نفسنا و مانغلطش مهما الناس غلطت
يعني لو الناس كلها كويسة ...نقفل الحملة بقى و عشانا عليك يا رب:biggrin24:

اقتباس:

---

المشاركة الأصلية كتبت بواسطة دموع الثلج

انا بلتزم 90 % بس لما حد بيكسر عليا بقى ببقى عاوزه مش اكسر عليه ببقى نفسى انزل اولع فيه

ما علينا مفيش كارثه هتحصل لو انا وكل واحد فينا ادى فرصه وخلى اللى قدامه يعدى وصبر ثانيه زياده ومفيهاش مصيبه لو انا وسعت شويه لحد ممكن يعدى من جمبى

انمــــــــا تكســــــــر عليا وفاضل تحك لى عربيتى عشان تاخذ غرز فى شارع زحمه اسمحولى دى مفيهاش التزام بئه ومحدش يقدر يستحمل كده
مش عارفه نفسى التزم معاكم بس لما يبطلوا الغرز والحدف على بعض

---

يكسر اولع فيه غرز
ايه الشراسة دي كلها ؟؟؟؟؟؟؟؟
عموما يا ستي احتسبي الاجر والثواب علي الله ( مش بنشحت لا سمح الله هههههههههههه)
وبعدين ليس الشديد بالصرعة
انما الشديد الذي يملك نفسه عند الغضب
صلي الله عليه وسلم

وحتى لو 16.131 عضو اصبحوا ملتزمين وبقوا عباره عن ملائكه يقودون سيارات .طيب وبقيه ال80 مليون . اصل 16.131 بنى ادم عباره عن نقطه فى بحر جنب ال 80 مليون ومش هيقدر 16.131 يغيروا 80 مليون . ممكن بعد ما يلتزم جميع اعضاء نايل موتورز نحكم عقلنا نهاجر كلنا

اقتباس:

---

المشاركة الأصلية كتبت بواسطة mohamed ismail

يكسر اولع فيه غرز
ايه الشراسة دي كلها ؟؟؟؟؟؟؟؟
عموما يا ستي احتسبي الاجر والثواب علي الله ( مش بنشحت لا سمح الله هههههههههههه)
وبعدين ليس الشديد بالصرعة
انما الشديد الذي يملك نفسه عند الغضب
صلي الله عليه وسلم

---

كلام حضرتك صح بس حاجات تغيظ بتخلى الواحد ينرفز غصب عنه

وعشان الحمله دى تنجح لازم تخرج لمحيط اكبر من من اطار نايل موتورز
مش اعضاء المنتدى هما اللى هيغيروا بعددهم لاننا من المجتمع واحنا برضوا واكيد مننا اللى بيعمل اخطاء فى الشارع
دى ممكن تنجح وتبقى هايله جدا بس لو اتعمل لها دعايه واكبر عدد من الناس تعرف عن الحمله دى فى الوقت اللى بيطبق فيه القانون الجديد اعتقد الدنيا هتتظبط كثير

انا بشكركم اوي يا جماعه علي تفاعلكم مع الموضوع
بس فيه ناس بتقول اشمعني انا اعمل وفلان ميعملش
وبيقولوا احنا 16 الف وسط 80 مليون
طيب ممكن سؤال وكل واحد يرد عليه بصراحه قدام نفسه
لو 79 مليون من ال 80 سرقوا واختلسوا ولعبوا قمار وعملوا كل ماهو محرم ومكروه حتعملوا زيهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
دا علي فرض اننا من المليون اللي فاضل
الموضوع بسيط اوي يا جماعه
الموضوع وباختصار شديد
كل واحد يحترم نفسه علشان الناس تحترمه وفي السباقات والغرز والتخميس مفيش حد خسران غير اللي سايق
والعضو او العضوه اللي بيقول هو يغرز وانا عربيتي تتحك
احب اقولك ان اللي ييجي في الحديد يغور في داهيه طالما انتي سليمه متدوريش علي خربوش ولا حتي علي رفرف
مره سواق عربيه نقل اخدلي العربيه من اول الاكصدام الي ورا لحد الباب عندي ما بيت تطبيق وحك بس خلاص اللي حصل حصل حعمله ايه طالما انا سليم الحديد يتعوض
انما انا لو جرالي حاجه الحديد مش حينفعني
ولما حد يلاقي حد بيجري مش لازم يعمل فهلوي ويزنق عليه مش حتخسر حاجه لما ترفع رجلك من علي البنزين وتعديه يمكن الراجل ده بيجري علشان يلحق واحد في زنقه او ينقل مريض
وحتي لو بيجري غباوه سيبه يغور في داهيه يمكن ربنا بيسترها معاه علشان امه ولا اخته ولا مراته
يا جماعه مش علشان الناس بتعمل احنا نعمل
السن بالسن والعين بالعين بس القصاص مش في العربيات والغرز
والله الواحد بيحاول يهدي ويضبط نفسه متفكرش في نفسك فكر في الناس اللي حتشيل همك لو لا قدر الله جرالك حاجه فكر في امك اللي حتعيط لو ضفر من ضوافرك اتكسر فكر في ابوك اللي حيجري وراك سواء انت سليم او مصاب او اصبت حد بعربيتك
فكروا في الضرر النفسي اللي حنعمله للناس اللي بنحبهم بتهورنا
تخيلوا انكم زنقتوا علي واحد بالعربيه وطلع مبرشم وعمل فيكم حاجه
امبارح انا ماشي بالعربيه علي البحر شوفت 5 حوادث في ساعتين
ليه كل ده
الناس بتنتحر ليه
اللي زهقان من الدنيا ومستبيع يروح يحط عربيته في شجره ولا ترعه ولا حتي يرمي نفسه بيها في البحر متاذينيش انا وجاري وصاحبي واي حد ملهوش علاقه بيك
كفانا الله واياكم شر الطريق

حضرتك فكرتني ببرنامج arrive alive كان بييجي علي نايل إف إم

جزاك الله خيراَ علي كلامك بجد يا ريت الناس كلها تفكر زيك
انا بدأت أفكر كدة مؤخراَ لأن حسيت إن بحرق في أعصابي بشكل مبالغ فيه من غير لازمة
و ساعات بيطلع مني شتايم من كتر النرفزة و بيبقي فيه ناس قاعدة معايا في العربية بس مبعرفش أسيطر علي نفسي

فا علي إيه يعني ؟ الموضوع مش مستاهل خاصة اما بخش في مود إني لازم انتقم من اللي زنق عليا و أطلع أجري وراه و غرز و بتاع .. ملهاش لازمة أصغر دماغي مع حد الموضوع مش مستاهل

اللي عايز يزنق يزنق و اللي عايز يجري يجري ولا يغور في داهية طالما انا ماشي محترم علي الطريق

انا بس أكتر شئ بيغيظني إن محدش بيقفوا عند حده من الحكومة و لو وقف في أي كمين خمسين جنيه أو مكالمة تليفون بيخلصوا الموضوع

الواحد حاسس انه حايبقى بيظلم نفسه لما يعمل كده زى ما قولتوا
و عن أكثر من تجربة شخصية و كله فشل و ما استمرش أكتر من ايام قليلة و أحسن حاجة دلوقتى انى فعلا بطلت أسوق و باستعمل العربية مش أكتر من يومين فى الاسبوع و مشاوير صغيرة

اقتباس:

---

المشاركة الأصلية كتبت بواسطة دموع الثلج

كلام حضرتك صح بس حاجات تغيظ بتخلى الواحد ينرفز غصب عنه

وعشان الحمله دى تنجح لازم تخرج لمحيط اكبر من من اطار نايل موتورز
مش اعضاء المنتدى هما اللى هيغيروا بعددهم لاننا من المجتمع واحنا برضوا واكيد مننا اللى بيعمل اخطاء فى الشارع

دى ممكن تنجح وتبقى هايله جدا بس لو اتعمل لها دعايه واكبر عدد من الناس تعرف عن الحمله دى فى الوقت اللى بيطبق فيه القانون الجديد اعتقد الدنيا هتتظبط كثير

---

زي ما قولتلك يا دموع .... ترمس ليمون ساقع يهدي الأعصاب .....
.........................
الكلام اللي موجود هنا ده كلام جميل وصحيح وانا فعلا باحاول اعمل كدة على قدر استطاعتي ...
لكن لما تيجي تنظم شعب ... ما ينفعش هو ينظم نفسه.... ما فيش شعب منظم بطبعه وشعب مفشكل بطبعه .....
لكن فيه نظام بيتدرس ويتطبق و عوامل ردع للحفاظ عليه ... ده دور الادارة ... اللي هي الحكومة ... انا عاصرت الموضوع دة وشوفته بعيني في السعودية ... انا كنت عايش هناك من 1974 الى 1978 ..حيث كانت السعودية في بداية التحديث والتنظيم .... وكنا لما ننزل اجازة نقول عمار يا مصر ... شوف المدنية والنظام والحضارة ... ام الدنيا يا مصر ...
وبدأ تطبيق قوانين المرور في السعودية .... وما حدش احترمها ....قامو رفعو المخالفات ...الي 500 ريال ....بقى واحد عيل ابوه غني لما يعمل مخالفة يرميلهم ال500 ريال ويمشي .... تخيلو عملو اية ....
بقى اللي يكسر الاشارة يقبضو علية وياخدوه المخفر ( القسم ) يمدوه على رجليه .....يعني يضربوه بخرزانة علي رجلية .....
ولما روحت السعودية بعد سنوات في التسعينات .... لقيت بلد منظم وزي الفل
..... يعني مش هما شعب اتولد منظم ...... لكن لقو حد يعملهم نظام ويحرص على تطبيقه
النظام لازم له قوه تنفذه
والدليل ان سواقين المكروباس في مصر لما الواحد منهم بيسافر السعودية مثلا ... بيمشي علي القانون زي الألف ... يبقى العيب مش فينا .... العيب في اللي بيديرونا ......
........................
دي كلمة اتعلمتها من احد اساتذتي زماااان
مشكلة الدول النامية ليست مشكلة امكانيات .... لكن مشكلة ادارة ( علي لطفي ..رئيس وزراء مصر الاسبق )

احنا ليه مستنيين لما الناس تعمل ونعمل زيهم
ليه احنا معملش والناس تعمل زينا
ليه احنا منعملش واللي عاوز يعمل يعمل واللي مش عاوز يعمل انشاله ما عمل
انا ححترم نفسي وححترم الناس وححترم طريقي وعربيتي وححترم القطه اللي واقفه بتاكل وحقفلها بعربيتي لحد ما تبعد ومش حعدي من فوقها
علشان الاحترام ده ادمان
لما بحترم نفسي بحس بنشوه بحس اني احسن من الناس كلها
علي الاقل لو الشعب كله مش محترم وجه واحد من بره مصر وقابلني حيقول اتعاملت مع واحد محترم هناك وابني حيكون محترم مش عاوزه دكتور ولا مهندس عاوزه قبل ما يكون معاه شهاده عاليه يكون محترم قدام نفسه
فينا ناس كتير اوي لسه بيفكروا بعقليه 200 سنه فاتو
العقليه اللي خلتنا منحفرش القناه غير بالسخره والكرباج
العقليه اللي خلتنا منبنيش مدارس وننور الشوارع ونعلم عليالنا لغات وحتي نكنس قدام بيوتنا غير لما الاستعمار اجبرنا علي كده
اللي عاوز يعيش بالكرباج يعيش والكرباج جايله قريب وممكن يكون علي ايد ظابط ياخد منه مخالفه او مسمار يخرمله فرده كاوتش وهو بيجري
او واحد غلبان بيعدي الشارع وتروح تدفع 55 جنيه غرامه الراجل اللي موتته
وانت فرحان انها ب55 جنيه وحتقول ايه يعني 55 جنيه دا انا بروح اكل بيهم عند مؤمن وممكن برضه تقعد بيهم علي القهوه بس فيه حاجه احنا ناسينها
الضمير راح فين
حتعرف تنام حتعرف تاكل حتقدر تركب العربيه اللي موتت الراجل ده تاني
وفيه حاجه تانيه
ممكن الراجل ده يكون انت نزلت من عربيتك وواحد بيجري ويدفع فيك 55 جنيه
اهلك ربوك وعلموك وعملوا كل ده علشان ياخدوا 55 جنيه بدالك يعني الواحد ينزل ب220 جنيه ويقتله 4 علشان عدوا الشارع غلط ومعاليه بيجري بعربيته في عزبه الباشا
برضه احنا لسه مستنيين الحكومه لما تعمل
ولما الحكومه بتعمل بنسب ونلعن فيها ومش عاجبنا
احنا عاملين زي الطوبه اللي عيل رابطها في دوباره وعمال يلفها
العيل هو الحكومه والدوباره هي القانون
لو الخيط انقطع بننطلق بهمجيه والله اعلم الطوبه حتقع فين
وبنفضل طول عمرنا عاوزين نقطعها ولما تتقطع وتقع بنعيط وبنندم وبنقول لو الزمن يرجع 5 دقايق مكانش حصل اللي حصل
متبصوش للسعوديه ولا لامريكا ولا تستنوا ان الحكومه تيجوا تضربكوا علي ايدكم وتقولكم عيب يا ولاد كده
انا معاكم للاخر ويا حسكت ومش حفتح بقي ومش حتكلم في الموضوع ده تاني يا حكمل للاخر وبرضه ححترم نفسي وحمشي بعربيتي براحه اوي اتفرج علي اللي كان بيجري واللي كان بياخد غرزه واللي واللي واللي وححترم نفسي علشان انا بحب احس اني محترم قبل ما الناس تعرف اني محترم

اقتباس:

---

المشاركة الأصلية كتبت بواسطة shnory

احنا ليه مستنيين لما الناس تعمل ونعمل زيهم
ليه احنا معملش والناس تعمل زينا
ليه احنا منعملش واللي عاوز يعمل يعمل واللي مش عاوز يعمل انشاله ما عمل
انا ححترم نفسي وححترم الناس وححترم طريقي وعربيتي وححترم القطه اللي واقفه بتاكل وحقفلها بعربيتي لحد ما تبعد ومش حعدي من فوقها
علشان الاحترام ده ادمان
لما بحترم نفسي بحس بنشوه بحس اني احسن من الناس كلها
علي الاقل لو الشعب كله مش محترم وجه واحد من بره مصر وقابلني حيقول اتعاملت مع واحد محترم هناك وابني حيكون محترم مش عاوزه دكتور ولا مهندس عاوزه قبل ما يكون معاه شهاده عاليه يكون محترم قدام نفسه
فينا ناس كتير اوي لسه بيفكروا بعقليه 200 سنه فاتو
العقليه اللي خلتنا منحفرش القناه غير بالسخره والكرباج
العقليه اللي خلتنا منبنيش مدارس وننور الشوارع ونعلم عليالنا لغات وحتي نكنس قدام بيوتنا غير لما الاستعمار اجبرنا علي كده
اللي عاوز يعيش بالكرباج يعيش والكرباج جايله قريب وممكن يكون علي ايد ظابط ياخد منه مخالفه او مسمار يخرمله فرده كاوتش وهو بيجري
او واحد غلبان بيعدي الشارع وتروح تدفع 55 جنيه غرامه الراجل اللي موتته
وانت فرحان انها ب55 جنيه وحتقول ايه يعني 55 جنيه دا انا بروح اكل بيهم عند مؤمن وممكن برضه تقعد بيهم علي القهوه بس فيه حاجه احنا ناسينها
الضمير راح فين
حتعرف تنام حتعرف تاكل حتقدر تركب العربيه اللي موتت الراجل ده تاني
وفيه حاجه تانيه
ممكن الراجل ده يكون انت نزلت من عربيتك وواحد بيجري ويدفع فيك 55 جنيه
اهلك ربوك وعلموك وعملوا كل ده علشان ياخدوا 55 جنيه بدالك يعني الواحد ينزل ب220 جنيه ويقتله 4 علشان عدوا الشارع غلط ومعاليه بيجري بعربيته في عزبه الباشا
برضه احنا لسه مستنيين الحكومه لما تعمل
ولما الحكومه بتعمل بنسب ونلعن فيها ومش عاجبنا
احنا عاملين زي الطوبه اللي عيل رابطها في دوباره وعمال يلفها
العيل هو الحكومه والدوباره هي القانون
لو الخيط انقطع بننطلق بهمجيه والله اعلم الطوبه حتقع فين
وبنفضل طول عمرنا عاوزين نقطعها ولما تتقطع وتقع بنعيط وبنندم وبنقول لو الزمن يرجع 5 دقايق مكانش حصل اللي حصل
متبصوش للسعوديه ولا لامريكا ولا تستنوا ان الحكومه تيجوا تضربكوا علي ايدكم وتقولكم عيب يا ولاد كده
انا معاكم للاخر ويا حسكت ومش حفتح بقي ومش حتكلم في الموضوع ده تاني يا حكمل للاخر وبرضه ححترم نفسي وحمشي بعربيتي براحه اوي اتفرج علي اللي كان بيجري واللي كان بياخد غرزه واللي واللي واللي وححترم نفسي علشان انا بحب احس اني محترم قبل ما الناس تعرف اني محترم

---

حضرتك عندك حق في كلامك وانا فعلا بيني وبين نفسي بحاول اطبق الكلام ده بس احيانا وغصب عني الشيطان بيلعب بدماغي واقول مش هاعدي اللي عمال يعمل غرز ده واقول لأ انا اللي اعدي الاول او بكون في مود وحش وغصب عني اغلس علي حد في طريقي بس هو مبيكونش برئ يعني وانا بغلس من الباب للطاق كده :devil2:
بس ارجع افوق لنفسي واقول لأ احترمي نفسك وفوقي انتي الخسرانة في الاول والاخر وبلاش بلطجة وهمجية ابدئي بنفسك واعملي ده واللي عايز يجري يجري واللي عايز يغرز يغرز سيبيه يعدي اكيد تهوره ده هايوديه ورا مش هايفضل كده علي طول يعني مسيره يخبط ولا عربيته يحصلها حاجة تخليه يتربي ويبطل بلطجة.
عارفين احنا مشكلتنا اننا بنبقي عايزين نعمل الحاجة الكويسة عشان الناس تبقي كويسة معانا وبس لكن لو حطينا في دماغنا اننا نعمل ده ابتغاء مرضاة الله ويتحرقوا الناس حتى لو هما كلهم بايزين
اهم حاجة انا بيني وبين ربنا كويسة وقدام نفسي محترمة ومنتظرش من الناس انها تبقي كويسة زيي واحتسب الأجر والثواب عند الله وهو هايعوضني فعلا حتى لو اتخبطت من واحد متهور مش بيراعي ربنا في طريقة ربنا وقتها هايخفف عليا خبطتي ومتكلفنيش اي حاجة وهو يمكن عربيته تتدمر او يكون اصلا صاجها ضعيف ويتكلف اضعاف اضعاف تصليح عربيتي بلاش ننتظر العدل من اي حد تاني غير ربنا عشان هو العادل (بإضافة الالف واللام تبقي صفة العدل مطلقة فيه) مش مؤقتة زي بعض الناس ساعات تبقي عادلة وساعات تبقي ظالمة.
ياجماعة فعلا كل واحد يحاول يلتزم بنفسه علي قد مايقدر ومش عيب ابدا لو نجحنا مرة وفشلنا مرة مش وحش ابدا
التغيير مبيحصلش مرة واحدة ولا في يوم وليلة يعني ، بس الاجتهاد لوحده انت بتاخد عليه ثواب لإن ربنا بيجازي علي النيات مش النتايج وكلنا فاهمين كده طبعا.
واكيد محدش بيبقي نازل من بيته غاوي يأذي في خلق الله بس ضغوط الحياة والشارع اللي بنشوفها هي اللي بتولد العنف اللي جوانا ده.
بس برده الدين امرنا بالهدوء وضبط النفس وادانا طرق كتيرة وتدريجية عشان نمنع نفسنا من النرفزة والعصبية بتبدأ من الاستعاذة من الشيطان الرجيم ودي فعلا بتجيب نتيجة لإن اول مالواحد بيتنرفز الشيطان بييجي يقعد قدامه ويبقي كل وظيفته انه يسخر غضبه ده ويوصله لأي اذي للنفس او للغير فلو استعذنا بالله خلاص ممكن الموقف يتلم في لحظة

فمعلش الموضوع اينعم مش سهل بس مش مستحيل
وبالنسبة لدور الحكومة بلاش نتخيل الحياة وردية حتى لو الحكومة معملتش دورها كما يجب بس اهم بيحاولوا برده وادينا شوفنا شوية التزام برده اينعم قليل بس اهو حاجة علي الماشي بعد قانون المرور الجديد يارب بس يكملوا هما علي كده وصدقوني مع اول تطبيق لعقوبة الحبس علي حد الناس المؤذية دي هاتتلم وتحترم نفسها (وفعلا اللي مستني كرباج هايجيله). بس احنا كناس مثقفين ومتعلمين ومتدينين لازم نلتزم من نفسنا الانسان رقيب نفسه مش لازم حد يقف على دماغنا وماسكلنا العصاية يعني.
انا عن نفسي بلتزم بالحزام مثلا لوحدي وبقي سلوك فيا مبقاش بس عشان المخالفة لأ لاني عرفت اهميته من المواقف الناس اللي حكتهالي عن الاهمال في ربطه يعني امان لنفسي قبل اي شئ وبرده مبحاولش اجري ولا اغير حارتي الا لما الاقي الحارة اللي انا فيها اتعطلت تماما ووقفت تماما يعني مش عشان اتزحمت شوية اقوم اغير حارتي وارجع الاقي حارتي سلكت فرجع ليها تاني واقعد اتنطط بقي في الطريق مفيهاش حاجة اتأخر شوية بس مغضبش ربنا واخسر نفسي ولا عربيتي عشان ثانية ولا دقيقة ولما بعمل كده بدي اشارة برده وفي ناس برده بتعمل كده حتى بعض سواقين الميكروباص تخيلوا بقي اني شوفتها بعيني(اينعم هو كشافه كان مكسور ولمبة الاشارة منورة بالعافية بس اهو اجتهد برده يشكر يعني :biggrin24:) حتى اللي بيزنق عليا برده بحاول اعديه علي قد ماقدر مع انه ممكن يعملها بطريقة مستفزة بس ربنا موجود وهو هايعوضني خير علي صبري ده.
من يومين كنت سايقة ولاحظت تاكسي سلوكه مش طبيعي بيغرز بهبل كده ومصمم يزنق نفسه في اماكن ضيقة قلت بس ده شكله غبي تجنبيه تماما وفعلا لما جه جنبي سبته يعدي لاني حسيت ان سلوكه متهور مع اللي جنبي وعمال يغرز مع اتوبيس كمان مفيش لحظة سمعت صوت خبطة تقريبا لاقيته خبط عربية يإما قدامه يإما عربية كانت ركنة علي الرصيف :biggrin24: فالتزنيق والتغريز ده له اخر وربنا موجود ومنتقم بس بلاش انت اللي تنفذ الانتقام يعني لانك هاتخسر برده حتى لو عربيتك مخبوطة ليه تشوه منظرها زيادة يعني.
احيانا اكون ماشية والاقي ناس عايزة تقطع الطريق عشان تدخل شارع جانبي هما يقفوا عشان يعدوني وانا برده اقف عشان اعديهم صدقوني حتى لو سواق ميكروباص ولا تاكسي يبتسم ويشكرني عشان عديته اهو مخسرتش اي حاجة عديته بسلام وعديت انا كمان بسلام وشكرني كمان ايه المشكلة بقي لما كلنا نعمل كده ونصبر علي بعض شوية.:v_SPIN:
ونبطل بقي الكلكسات اللي عمال علي بطال دي اينعم انا احيانا بستعملها بس مع اللي بحسه مستعبط لكن لو الطريق واقف خلقة ادي كلكس ليه يعني هاطير من فوقيهم يعني واعدي بعربيتي ولا انا بس اللي مستعجلة وورايا الوزارة والناس كلها عاطلين وغاويين يعطلوا نفسهم. انا مبستعملش الكلاكس الا لما الاقي حد واقف من غير مبرر وبرده كلكس خفيف (بس احيانا برده بنسي نفسي واضغط بشدة عليه) انا مش ملاك يعني بس دي المرات اللي نفسي بتفلت فيها وبفشل في ضبطها بس لما بنجح ببقي مبسوطة اوي وراضية عن نفسي جدا.
وبرده ياجماعة اللي بيعمل خير بيلاقيه مش عشان قلنا اننا نلتزم ابتغاء مرضاة الله ومنتوقعش نفس السلوك من الناس يبقي عمرنا ماهنلاقي خير لأ بتحصل وهانلاقي برده ناس كويسة تعدينا وتسيبنا نمشي بسلام من غير تزنيق ولا كلكسات ولا سخافات ومتنسوش (الخير في امتي الي يوم الدين)
معلش صدعتكوا بس الموضوع قوي وياريت كلنا نتفاعل ونطبق منه اللي نقدر عليه وكل واحد ييجي يقول تجربته بعد مايجرب يضبط نفسه وقولنا النتيجة.
انا قلت شوية مواقف اهي يمكن تحسسكوا ان الدنيا لسة فيها حاجات كويسة بلاش نفضل نقول الوحش بس خلينا نلقي شوية ضوء على المواقف الكويسة اللي بتحصلنا شوية بقي :photo:

معلش بقي سامحوني انا رغاي شويه في الموضوع ده
بس حصل امبارح قدام عيني كذا حادثه واول مره اشوف الكميه دي في الوقت الصغير ده
1: الساعه 12 ونص علي الكورنيش قبل ابو العباس ( اسكندريه ) اتوبيس نقل عام واونو طالع من شارع جانبي وكانت النتيجه ان باب الاونو اتطبق والسكه طبعا وقفت
2:بعد الحادثه الاولي ب300 متر اتوبيس نقل عام حاكك عربيه نقل وزانقه في الرصيف
3: الساعه 2 بالليل تقاطع شارع الاقبال مع الترام عربيه بولو ضارب عربيه فيرنا ووش البولو رايح وشنطه الفيرنا معجونه من لجنب من ناحيه تنك البنزين وعجله الفيرنا مكسوره ومرميه تحت العربيه ومن عزم الخبطه الفيرنا ضرب بجانب الشنطه التاني في شنطه عربيه ياريس راكنه في امان الله
4: الساعه 2 و20 دقيقه بعد ما طلعت من شارع الاقبال علي البحر عربيه لانوس داخل في ميكروباص تويوتا ووش الانوس رايح نوعا ما مش كله والتويوتا يادوب الاكصدام اتعوج لتحت شويه
5: الساعه 2 ونص عربيه تريوس راكب الجزيره اللي في النص مع ان البحر فاضي اصلا يعني مكانش فيه حد ياخد منه غرزه والعجلتين اللي ورا معووجين
اتعقدت وروحت واخد بعضي ومروح بيتنا وراكن العربيه جنب البيت(علشان تحت البيت بتعمل مشاكل واحنا قولنا نلم نفسنا ونبطل شراسه)
عارفين لو كان كل واحد من دول صبر 5 ثواني فقط لا غير سواء داس فرامل فيهم او وقف شويه اكيد كان الوضع اختلف كتير
والحمد لله ان مفيش خساير في الارواح يا ريت الناس تفهم

والله كلامك عين العقل فعلا

الواحد حاسس انه ابتدى يتعنتر فى السواقة و بجد اول ما بحس الاحساس دة لازم يحصلى مصيبة :( يعني بجد بستهبل اوى اليومين دول سواء على طريق العلمين ولا الدائري و مقضياها اقل حاجة 140
يعني انا خارجة النهاردة من مصر الجديدة لحد المعادي على الدائري فى بالظبط 15 دقيقة

و المشكلة انى شايفة الحوادث كلها على يميني تريللات مقلوبة و واحد مخبوط و ميكروباصين مقلوبين و برضه مافيش عظة :no:

بس بجد انتو شجعتونى اوى و ان شاء الله هبدأ معاكو

[QUOTE=Noha-M;373454]والله كلامك عين العقل فعلا

الواحد حاسس انه ابتدى يتعنتر فى السواقة و بجد اول ما بحس الاحساس دة لازم يحصلى مصيبة :( يعني بجد بستهبل اوى اليومين دول سواء على طريق العلمين ولا الدائري و مقضياها اقل حاجة 140
يعني انا خارجة النهاردة من مصر الجديدة لحد المعادي على الدائري فى بالظبط 15 دقيقة

و المشكلة انى شايفة الحوادث كلها على يميني تريللات مقلوبة و واحد مخبوط و ميكروباصين مقلوبين و برضه مافيش عظة :no:

بس بجد انتو شجعتونى اوى و ان شاء الله هبدأ معاكو [/QUOTE
استاذة نهي
انا دي تاني مرة اسمعك بتتكلمي علي سرعات كبيرة جدا 140 160
يا تري الكلام ده بجد
لو بجد يبقي حرام عليكي نفسك
حرام عليكي اهلك اللي مستنيينك ترجعي بالسلامة
" ولا تلقو بايديكم الي التهلكة"
ولو سمحتي متحاوليش توجدي مبرر لكدة
اصل الطريق فاضي
اصل الطريق كويس
اصل كله بيجري
مفيش اي طريق المحروسة مأمون العاقبة
ممكن في اي وقت تلاقي حفرة بلاعة
انا شخصيا عمري ما بعدي ال 100 دلوقتي واخذت علي نفسي عهد بكده
من شهر كنت مسافر اسكندرية انا والمدام والاولاد
وعند وادي النطرون كان فيه ييجي 8 افراد عاوزين يعدو الطريق وواقفين مستنيين انا فوجئت بحفرة كبيرة قدامي كنت 100 تقريبا
بس
انا مقدرش اقولك غير ان ربنا سترها والتمانيه كانو هيموتو
استاذة نهي خدي بالك قبل ان ياتي يوم لا يجدي فيه الندم
ربنا يسترها معاكي ومعانا ومع كل الناس يا رب

[QUOTE=mohamed ismail;373681]

اقتباس:

---

المشاركة الأصلية كتبت بواسطة Noha-M

والله كلامك عين العقل فعلا

الواحد حاسس انه ابتدى يتعنتر فى السواقة و بجد اول ما بحس الاحساس دة لازم يحصلى مصيبة :( يعني بجد بستهبل اوى اليومين دول سواء على طريق العلمين ولا الدائري و مقضياها اقل حاجة 140
يعني انا خارجة النهاردة من مصر الجديدة لحد المعادي على الدائري فى بالظبط 15 دقيقة

و المشكلة انى شايفة الحوادث كلها على يميني تريللات مقلوبة و واحد مخبوط و ميكروباصين مقلوبين و برضه مافيش عظة :no:

بس بجد انتو شجعتونى اوى و ان شاء الله هبدأ معاكو [/QUOTE
استاذة نهي
انا دي تاني مرة اسمعك بتتكلمي علي سرعات كبيرة جدا 140 160
يا تري الكلام ده بجد
لو بجد يبقي حرام عليكي نفسك
حرام عليكي اهلك اللي مستنيينك ترجعي بالسلامة
" ولا تلقو بايديكم الي التهلكة"
ولو سمحتي متحاوليش توجدي مبرر لكدة
اصل الطريق فاضي
اصل الطريق كويس
اصل كله بيجري
مفيش اي طريق المحروسة مأمون العاقبة
ممكن في اي وقت تلاقي حفرة بلاعة
انا شخصيا عمري ما بعدي ال 100 دلوقتي واخذت علي نفسي عهد بكده
من شهر كنت مسافر اسكندرية انا والمدام والاولاد
وعند وادي النطرون كان فيه ييجي 8 افراد عاوزين يعدو الطريق وواقفين مستنيين انا فوجئت بحفرة كبيرة قدامي كنت 100 تقريبا
بس
انا مقدرش اقولك غير ان ربنا سترها والتمانيه كانو هيموتو
استاذة نهي خدي بالك قبل ان ياتي يوم لا يجدي فيه الندم
ربنا يسترها معاكي ومعانا ومع كل الناس يا رب

---

والله عندك حق يا استاذ محمد و اكيد ماليش مبرر طبعا بس و فعلا لا طرق مضمونة ولا اى حاجة ممكن تضمن فى البلد دى بس فعلا الواحد ساعات بيستقوى نفسه على الطريق و يفتكر نفسه شوماخر :biggrin24:

بس والله بجد انا فعلا هبطل الموضوع دة و هلم نفسي متقلقش :)

انا بس ححكيلك مثل وانتا قولى تقول ايه على الناس الى ماشين حواليك فى الشارع " الى هما ولاد بلدنا حبايبنا "

لما تكون ماشى على المحور الساعه 12 بليل و بعد منزل اسنكندريه الصحراوى ب مترينتلاقى واحد واقف " راكن " بعيد عن الرصيف نص متر , والكارثه الكبرى وحد تانى " مغفل "سايق لانسر بيرجع للخلف و بيرجع من الحاره الوسطى !!؟؟ للطريق علاشان ينزل منزل الصحراوى و لما لقى واحد راكن قالك .. حنزلها يعنى حنزلها !!!!!!!!!!!!! لو حتى حرجع فى نص الطريق .. يعنى كل الناس الى جايه سريعه من المحور وداخلين على الطريق التلات حارات .... يلاقو حاره مقفوله و الحاره التانيه واحد " *** " راجع فيها بضهره .... ديه مش كارثه ... ده مش يخليك تسب وتلعن النظام والقانون وعدم وجود اخلاق او ضمير !!!!!!!!

ال*** بتاع الانسر ده انا كنت حخبط فيه لا محاله ..... لانى متوقعتش بنى ادم طبيعى يرجع قدامى فى الحاره الوسطى و بالسرعه ديه .... الى حصل منى انى فرملت مره واحده و كسرت على عربيه اكتافيا كانت ماشيه جمبى ......" انا اتفزعت اساسا و كان معايا اهلى ... اتخضو جدا ...... يعنى لو كنت عملت حادثه بسبب واحد زى ده يبقى العيب عيب مين !!!!! و مين الى يرجعلى حقى منه !!!! يبقى احنا بلد ********* ولا لا ؟


طبق قانون يحمينى و يدينى حقى و نظام كلنا نمشى عليه و انا مش حتكلم عن البلد ولا احوالها ... وساعتها حبصم بالعشره اننا بلد متحضره و اننا ناس متحضرين ......

اقتباس:

---

المشاركة الأصلية كتبت بواسطة MohabSaeed

طبق قانون يحمينى و يدينى حقى و نظام كلنا نمشى عليه و انا مش حتكلم عن البلد ولا احوالها ... وساعتها حبصم بالعشره اننا بلد متحضره و اننا ناس متحضرين ......

---

سيدي الفاضل يا ريت لو كلنا ننسي ان فيه حاجه اسمها قانون
الموضوع ده مش معمول علشان القانون يحمينا لا دا معمول علشان نحمي نفسنا
مش شرط ان الغلطه تكون غلطتك ممكن تكون غلطه اللي وقف قدامك او اللي رمي عليك او عوامل تانيه كتير لان مفيش حد فينا بيعمل حادثه لوحده من الباب للطاق الا لو نايم او سكران لو سرحان او اتجنن او اتهبل او واخد مخدرات وفي الحاله دي هو يستاهل اللي يجراله
انما حنقول ان اللي وقف ده غلطان بنسبه 50% يعني هو نص ظروف الحادثه متوقفه عليه
لو اللي جاي من واره محترم نفسه وماشي بالسرعه المعقوله حيقدر يلم نفسه ويتفاداه زي ما حصل مع حضرتك
انما لو جاي بسرعه وتهور فانت كده كملت ال 50% التانيين وبكده يبقي حصلت الحادثه
اللي سايق لازم يتحمل غلطاته ويتجاوز غلطات غيره
وعلي الاقل لا قدر الله بدل ما الواحد يرمي نفسه في التهلكه وتحصل الحادثه ويموت كافر طيب ما يلم نفسه ويموت شهيد والفرق بين الاتنين دوسه بنزين
محدش يقول فال الله ولافالك بس احنا ماشيين علي 4 عجلات
انا لما بركب العربيه بنطق الشهاده
ولما بعدي الشارع علي رجلي بنطق الشهاده
الله اعلم حوصل للرصيف التاني ولا حتكون الشهاده اخر حاجه قولتها في حياتي
ويا ريت لو ان الموضوع ده ممكن يكون موت وبس
بالعكس ممكن يكون حاجات تانيه كتير لازم نحطها في دماغنا علشان تكون رادع لينا اقلهم الكسور واقل كسر فيه شهور من التعب والالم والعذاب
فكروا في الموضوع وعلي فكره
لما تعمل حادثه حتلاقي الحكومه بعتالك عربيه اسعاف وحيدخلوك مستشفي وحيجبسوك وساعتها حترف انك لولا الحكومه كان زمانك مرمي علي الطريق
بس منصحكش تجرب
عارفين ليه احنا ساخطين علي القانون علشان احنا في الجانب الغلط منه
ححكيلكم علي حادثه سمعتها من واحد صاحبي يمكن تكون رادع للسرعه شويه
الباشا ماشي علي البحر وفاتح علي الخامس وواحد بيعدي الشارع راح الباشا شاييه علي الكبوت ومفسحه علي السقف وراميه ورا العربيه واللي بيعدي هو اللي كان غلطان وصاحبنا دفع ال 55 جنيه اياهم ومركبش عربيته سنه كامله بعدها
عارفين ليه
لانه لما خبط الراجل الراجل اتدبح علي جرايد السقف وده اللي موته
تخيل انك بتدبح حد بعربيتك ولو قدرت تنام بعدها انا حدفعلك كل مخالفه حتعملها في حياتك
واتمني ان الناس تقول وتحكي عن تجارب حصلت او سمعوها علشان نخاف ونتعظ اكتر

[
بس والله بجد انا فعلا هبطل الموضوع دة و هلم نفسي متقلقش :)
[/color][/quote]

انا بقول بجد تبطلي الموضوع ده وتكوني انسان جديد مع الاعتذار لاخونا شعبان
وبعدين مش كل مرة تسلم الجرة في موضوع الرخصة
يعين العالم دي عندها تعليمات اليومين دول بالتخفيف علي المواطنين لحد ما يتأقلمو علي القانون
ربنا يكفينا ويكفيكي شر الرادار

اقتباس:

---

المشاركة الأصلية كتبت بواسطة mohamed ismail

[
بس والله بجد انا فعلا هبطل الموضوع دة و هلم نفسي متقلقش :)
[/color]

---

انا بقول بجد تبطلي الموضوع ده وتكوني انسان جديد مع الاعتذار لاخونا شعبان
وبعدين مش كل مرة تسلم الجرة في موضوع الرخصة
يعين العالم دي عندها تعليمات اليومين دول بالتخفيف علي المواطنين لحد ما يتأقلمو علي القانون
ربنا يكفينا ويكفيكي شر الرادار[/QUOTE]

امين يا رب :3gears:

اقتباس:

---

المشاركة الأصلية كتبت بواسطة shnory

سيدي الفاضل يا ريت لو كلنا ننسي ان فيه حاجه اسمها قانون
الموضوع ده مش معمول علشان القانون يحمينا لا دا معمول علشان نحمي نفسنا
مش شرط ان الغلطه تكون غلطتك ممكن تكون غلطه اللي وقف قدامك او اللي رمي عليك او عوامل تانيه كتير لان مفيش حد فينا بيعمل حادثه لوحده من الباب للطاق الا لو نايم او سكران لو سرحان او اتجنن او اتهبل او واخد مخدرات وفي الحاله دي هو يستاهل اللي يجراله
انما حنقول ان اللي وقف ده غلطان بنسبه 50% يعني هو نص ظروف الحادثه متوقفه عليه
لو اللي جاي من واره محترم نفسه وماشي بالسرعه المعقوله حيقدر يلم نفسه ويتفاداه زي ما حصل مع حضرتك
انما لو جاي بسرعه وتهور فانت كده كملت ال 50% التانيين وبكده يبقي حصلت الحادثه
اللي سايق لازم يتحمل غلطاته ويتجاوز غلطات غيره
وعلي الاقل لا قدر الله بدل ما الواحد يرمي نفسه في التهلكه وتحصل الحادثه ويموت كافر طيب ما يلم نفسه ويموت شهيد والفرق بين الاتنين دوسه بنزين
محدش يقول فال الله ولافالك بس احنا ماشيين علي 4 عجلات
انا لما بركب العربيه بنطق الشهاده
ولما بعدي الشارع علي رجلي بنطق الشهاده
الله اعلم حوصل للرصيف التاني ولا حتكون الشهاده اخر حاجه قولتها في حياتي
ويا ريت لو ان الموضوع ده ممكن يكون موت وبس
بالعكس ممكن يكون حاجات تانيه كتير لازم نحطها في دماغنا علشان تكون رادع لينا اقلهم الكسور واقل كسر فيه شهور من التعب والالم والعذاب
فكروا في الموضوع وعلي فكره
لما تعمل حادثه حتلاقي الحكومه بعتالك عربيه اسعاف وحيدخلوك مستشفي وحيجبسوك وساعتها حترف انك لولا الحكومه كان زمانك مرمي علي الطريق
بس منصحكش تجرب
عارفين ليه احنا ساخطين علي القانون علشان احنا في الجانب الغلط منه
ححكيلكم علي حادثه سمعتها من واحد صاحبي يمكن تكون رادع للسرعه شويه
الباشا ماشي علي البحر وفاتح علي الخامس وواحد بيعدي الشارع راح الباشا شاييه علي الكبوت ومفسحه علي السقف وراميه ورا العربيه واللي بيعدي هو اللي كان غلطان وصاحبنا دفع ال 55 جنيه اياهم ومركبش عربيته سنه كامله بعدها
عارفين ليه
لانه لما خبط الراجل الراجل اتدبح علي جرايد السقف وده اللي موته
تخيل انك بتدبح حد بعربيتك ولو قدرت تنام بعدها انا حدفعلك كل مخالفه حتعملها في حياتك
واتمني ان الناس تقول وتحكي عن تجارب حصلت او سمعوها علشان نخاف ونتعظ اكتر

---

انا لو مكانك ابطل اسوق للابد و ابطل أنزل الشارع كمان أو اسيب البلد كلها أحسن

اقتباس:

---

المشاركة الأصلية كتبت بواسطة shnory

سيدي الفاضل يا ريت لو كلنا ننسي ان فيه حاجه اسمها قانون
الموضوع ده مش معمول علشان القانون يحمينا لا دا معمول علشان نحمي نفسنا
مش شرط ان الغلطه تكون غلطتك ممكن تكون غلطه اللي وقف قدامك او اللي رمي عليك او عوامل تانيه كتير لان مفيش حد فينا بيعمل حادثه لوحده من الباب للطاق الا لو نايم او سكران لو سرحان او اتجنن او اتهبل او واخد مخدرات وفي الحاله دي هو يستاهل اللي يجراله
انما حنقول ان اللي وقف ده غلطان بنسبه 50% يعني هو نص ظروف الحادثه متوقفه عليه
لو اللي جاي من واره محترم نفسه وماشي بالسرعه المعقوله حيقدر يلم نفسه ويتفاداه زي ما حصل مع حضرتك
انما لو جاي بسرعه وتهور فانت كده كملت ال 50% التانيين وبكده يبقي حصلت الحادثه
اللي سايق لازم يتحمل غلطاته ويتجاوز غلطات غيره
وعلي الاقل لا قدر الله بدل ما الواحد يرمي نفسه في التهلكه وتحصل الحادثه ويموت كافر طيب ما يلم نفسه ويموت شهيد والفرق بين الاتنين دوسه بنزين
محدش يقول فال الله ولافالك بس احنا ماشيين علي 4 عجلات
انا لما بركب العربيه بنطق الشهاده
ولما بعدي الشارع علي رجلي بنطق الشهاده
الله اعلم حوصل للرصيف التاني ولا حتكون الشهاده اخر حاجه قولتها في حياتي
ويا ريت لو ان الموضوع ده ممكن يكون موت وبس
بالعكس ممكن يكون حاجات تانيه كتير لازم نحطها في دماغنا علشان تكون رادع لينا اقلهم الكسور واقل كسر فيه شهور من التعب والالم والعذاب
فكروا في الموضوع وعلي فكره
لما تعمل حادثه حتلاقي الحكومه بعتالك عربيه اسعاف وحيدخلوك مستشفي وحيجبسوك وساعتها حترف انك لولا الحكومه كان زمانك مرمي علي الطريق
بس منصحكش تجرب
عارفين ليه احنا ساخطين علي القانون علشان احنا في الجانب الغلط منه
ححكيلكم علي حادثه سمعتها من واحد صاحبي يمكن تكون رادع للسرعه شويه
الباشا ماشي علي البحر وفاتح علي الخامس وواحد بيعدي الشارع راح الباشا شاييه علي الكبوت ومفسحه علي السقف وراميه ورا العربيه واللي بيعدي هو اللي كان غلطان وصاحبنا دفع ال 55 جنيه اياهم ومركبش عربيته سنه كامله بعدها
عارفين ليه
لانه لما خبط الراجل الراجل اتدبح علي جرايد السقف وده اللي موته
تخيل انك بتدبح حد بعربيتك ولو قدرت تنام بعدها انا حدفعلك كل مخالفه حتعملها في حياتك
واتمني ان الناس تقول وتحكي عن تجارب حصلت او سمعوها علشان نخاف ونتعظ اكتر

---

انا اسف .... يمكن حضرتك عامل الموضوع علاشان نصلح من انفسنا , بس المنتدى مش هو مصر, ده بيمثل 1 / ال1000 من مصر ..... و الموقف الى حكيت لحضرتك عليه انا كنت ماشى فيه ملتزم و ماشى 80 بالسرعه المقرره ....... و لابس الحزام وة حتى وادى كان لابس الحزام هو كمان . يعنى ماشى صح . و مع ذلك كنت حضيع بسبب واحد مغفل

- الى بتكلم فيه ان لو حصل حاجه بسبب البيه ده مين حيعوضنى ؟؟؟
- لو حد من اهلى جراله حاجه حيبقى مين السبب ... انا برده ؟؟؟

- لما تكون ماشى بالسرعه المقرره و الناس من جمبك ماشيه صواريخ .... و يجو قبل الردار و يضربو فرامل مره واحده و ينزلو من سرعتهم الجنونيه لسرعه 50 و تضطر انك تفرمل وتفاديهم ... يبقى احنا فين ؟

- الاسعاف الى حضرتك بتتكلم عليها .... الحقيقه مكونتش بشوفها زمان على المحور نهائى .... و لما حسو اخيرا ان الطريق عليه حوادث كتير حطو عربيه اسعاف فى نص الطريق ........ بعد ماناس كتير ماتت على الطريق ده . بس الحق يقال .. بجد يشكرو على الاقل حسو بالمشكله اخيرا .

- جرب تدخل طوارئ القصر العينى " ربنا يحفظك من كل شر " بس ... لمجرد التفقد
وساعتها حتعرف انا بتكلم فى ايه

اقتباس:

---

المشاركة الأصلية كتبت بواسطة shnory

عارفين ليه احنا ساخطين علي القانون علشان احنا في الجانب الغلط منه

---

:dots:
اسمحلى اختلف مع حضرتك

احنا ساخطين على القانون علاشان مش بيحفظ حقوقنا .... ولو احنا على الجانب الغلط من القانون ... كنا حناخد حقنا بدراعنا وبالبلطجه والكوسه و الواسطه و كنا حنشكر فى القانون الو النظام الى سامحلنا اننا نعمل الى احنا عوزينه ...... و للاسف ده مش حالنا
http://www2.0zz0.com/2008/08/12/22/795384912.jpg

- صاحب العربيه ياخد تعويضه من مين ؟

- جربت احساس حد من اهل ضحايا عباره السلام ......؟؟؟؟ انا ماليش قريب او معرفه كان فى العباره .. بس حطيط نفسى مكانهم .. الله يكون فى عونهم و يصبرهم

صدقنى احساس الظلم وحش جدا ... و احساس عدم المسواه وحش جدا ...... لو حضرتك ماحستهمش يبقى انتا محظوظ .

اتمنى انك تلتمس العذر للناس الى ساخطه على احوال البلد . لان ده اخر حقوقهم فى حريه التعبير عن الى بيشفوه امامهم . و حضرتك من حققك انك تقول لا البلد حلوه و فى نظام و فى قانون و كلو تمام ... كل واحد حر يقول الى هو حاسه وشايفه

القانون و النظام ... هو الى بيديك حقك لو ليك حق ... وبياخد حق الناس منك لو انتا غلطان . غير كده يبقى احنا فى غابه و ده حالنا حاليا .

اقتباس:

---

المشاركة الأصلية كتبت بواسطة MohabSaeed

الموقف الى حكيت لحضرتك عليه انا كنت ماشى فيه ملتزم و ماشى 80 بالسرعه المقرره ....... و لابس الحزام وة حتى وادى كان لابس الحزام هو كمان . يعنى ماشى صح . و مع ذلك كنت حضيع بسبب واحد مغفل
.

---

كلام سيادتك كله صح وربنا بيسترها معانا
بس ممكن تقولي لو حضرتك كنت ماشي 120 ولا 140 لاقدر الله كان ايه اللي حصل
تخيل انك انت اللي بتجري وفرملت وواحد كان حيضيع بسببك وابوه كان جنبه
سيبوا اللي يجري يجري يا جماعه
انا لما حد بييجي ياخد غرزه من قدامي بعديه اللي مش بعديه اللي جاي من ورايا وعمال ينورلي ويرعشلي دي النوعيه الوحيده اللي مش بيسبلها حقي في اني مطلعش من حارتي
الموضوع يا استاذي اننا احنا نحاول منغلطش علشان علشان مناذيش نفسنا وعلشان مناذيش حد

اقتباس:

---

المشاركة الأصلية كتبت بواسطة shnory

اللي جاي من ورايا وعمال ينورلي ويرعشلي دي النوعيه الوحيده اللي مش بيسبلها حقي في اني مطلعش من حارتي

---

ياحبيبي وانت عارف معزتك عندي
النوعيه دي ممكن تفرسها ازاي

انت عارف انا بعمل ايه علشان اغظيهم:confused4:

اقوم مشغل الاستوب علشان يبطل وجع دماغ ليا يلم نفسه ويعرف انه مفيش امل ولا حتي رجاء ولا ....(كلها اسامي بنات) اني اتعتع من الحارة اللي فيها

انا مرة عملتها وسعت ليه وسبت الحارة
دخلت في مطب معمول في نص الطريق وابن الحلال اللي بعميني بالفلاشر حافظ المطبات ومش راضي يتحرك من مكانه مع ان الحارة اللي جنبي فاضيه رحت فيها انا علشان اعمل فيه ثواب واخلص منه لبست انا المطب علي 70 80 بس العربيه جامدة والحمدلله بس المطب كان من النوع اللي يكون نازل في الارض مش طالع منها
:scooter::chris:

اقتباس:

---

المشاركة الأصلية كتبت بواسطة mountofgem

ياحبيبي وانت عارف معزتك عنديدخلت في مطب معمول في نص الطريق وابن الحلال اللي بعميني بالفلاشر حافظ المطبات ومش راضي يتحرك من مكانه مع ان الحارة اللي جنبي فاضيه رحت فيها انا علشان اعمل فيه ثواب واخلص منه لبست انا المطب علي 70 80 بس العربيه جامدة والحمدلله بس المطب كان من النوع اللي يكون نازل في الارض مش طالع منها
:scooter::chris:

---

:boxing_smiley:فينك يا غالي وحشتني مشاركاتك معايا
انا مرع لبست مطب من دول برضه وروحت بعدها غيرت ركبتين ومقصين وبيضتين
وحاجات تانيه كتير
وكله علشان اعدي الباشا المستعجل علي اكل عيشه
وحاول تيجي المقابله علشان اتشرف بمعرفتك :banana:

الــلــه يبــاركــلــك

احنا الطبقة الى بتعرف توصل للنت وتقعد على نايل موتورز ... الطبقة الى عندها عربيات جديدة .... الطبقة الى لاقية شغل ... الطبقة الكويسة فى الشعب...
لكن لسة فية سواقين الميكروباصات والتكاسى والموظف الغلبان الى قعد يشتغل 5 سنين علشان يشترى عربية .127...(انا مبقولش عليهم حاجة وحشة ولا بلومهم)

احنا 16 الف الى بيعرفوا يوصلو لوسائل توعية من وسط 5 مليون ... فطبيعى يطلع حد زييك يعمل موضوع زى دا .. وكلنا نقول انا هلتزم وانا متلتزم!
______________
يعنى من الاخر لازم يبقى فية طرق توعية لكل الناس
مش احنا بس
.......................
انا والله مش قصدى اقول حاجة على الناس ولا ابوظ الموضوع