مشكلة مقاس الزيت بعد تغير الزيت

**waelgam2005** · 14-04-2013 04:51 AM

عندي مشكله بتواجهني كل مرة بعد تغير الزيت وهيا كل مرة اغير الزيت سواء كان بفلتر او من غير القي المقاس ناقص شوية عن العلامه مع اني بحط زي ما المفروض يتحط يالسنتي وبالمسطرة بالظبط يعني تلاته الاربع لو بالفلتر واتنين ونص لو من غير ومش عارف حلها ايه وناس كتير بتقول ان لو بالفلتر يبقي المفروض تلاته وهيا شكلها ةدا فعلا لان المقاس ناقص شوية حلوين
ينفع ازود الزيت بعد ما مشيت بتاع 60 كيلو بيها ولا ايه وايه حل الموضوع ده من وجهة نظركم

**EngAhmedSakr** · 14-04-2013 05:28 AM

ايوه ينفع تزود الزيت عادي جدا ومفيش اي ضرر
المعاير الأصح هو ان علامه الزيت تكون علي الـ max او اقل منها بحاجه بسيطه

**waelgam2005** · 14-04-2013 08:15 AM

المشاركة الأصلية كتبت بواسطة engahmedsakr

ايوه ينفع تزود الزيت عادي جدا ومفيش اي ضرر
المعاير الأصح هو ان علامه الزيت تكون علي الـ max او اقل منها بحاجه بسيطه

طيب والمشكلة اللى عندى انا بحط المقاس المظبوط للزيت ومش عارف ليه بيبقى ناقص او الله اعلم الارض مش مستوية لان العربية النهارده شوفتها بس كانت فيها ميلان ناحية اليمين شوية لقيت المقاس مظبوط

**Amr Axel** · 14-04-2013 09:28 AM

يا باشا الكمية اللي بتحطها مظبوطة للعربية و دليل المستخدمظ ياكدلك كلامنا
و المفروض المقاس الصح ع الماكس او تحته بتكة
قبل ما تقيس لازم تراعي العربية ع مستوي مظبوط تكون باردة طلع المقياس امسحه و حطه تاني و بعدين طلع شوف

**dr.hazem** · 15-04-2013 05:02 AM

غالبا القياس غلط لان العربية مش مستويه....
تحياتي

Sent from my LT18i using Forum Runner

**mesaharaty** · 15-04-2013 10:44 AM

المعايير اللى قالوها الأصدقاء طبعا صح
لكن ضرورى - طالما شكيت - إنك تقيس الزيت مع مراعاة إن العربية تكون واقفة فى مكان مستوى ليس به ميول وتكون العربية باردة وتكون ماسح المعيار (المقاس) قبل الفحص وإن شاء الله تكون المسألة مافيهاش مشكلة ولا حاجة .

**dr.hazem** · 15-04-2013 02:06 PM

المشاركة الأصلية كتبت بواسطة waelgam2005

انا كل ده بعمله بمسح المقاس والعربية باردة والعربية على ارض مستوية بس مش اكيد بنسبة 100 فى الميه لانى مش عارف هيا الارض مستوية ولا لا انا كل اللى اقدر احدده ان العربية بتبقى واقفة ومش بتمشى لوحدها لو فرامل اليد مش مرفوعه مش عارف كدا يبقى الارض مستوية ولا لا

مش معنى انها مبتمشيش تبقى مستويه...
في ميلان موازي للعربية ده يخليها تمشي وفي ميلان عمودي ميخليهاش تمشي....
تحياتي

Sent from my LT18i using Forum Runner

**dr.hazem** · 15-04-2013 02:09 PM

بالمناسبه...
مش شرط ان الزيت يوصل الفل...
طالما بين النقطتين يبقى سليم 100 في الميه...
المشكله انه يعلى عن الماكس او يقل عن الميني...
تحياتي

Sent from my LT18i using Forum Runner

الموضوع: مشكلة مقاس الزيت بعد تغير الزيت

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة نقص الزيت بعد تغير جوان وش السلندر

لمبة الزيت بتدي انذار بس مقاس الزيت كويس

ارتفاع صوت الموتور بعد تغير الزيت

بعد تغير القطعة في الفتيس mmtمفيش تغير نهائي

الزيت الزيت الزيت الزيت!!

الكلمات الدلالية لهذا الموضوع

المفضلات

المفضلات

ضوابط المشاركة