السلام عليكم
اود اليوم تفيم توكيل بروتون في مصر من خلال عمليات الصيانة للسيارات و اود معرفة ارائكم
عرض للطباعة
السلام عليكم
اود اليوم تفيم توكيل بروتون في مصر من خلال عمليات الصيانة للسيارات و اود معرفة ارائكم
والله يا باشا انا راي الشخصي والمعمله الي شفتها ممتاز
ححكيلك على موقف حصل معايا وأنت تحكم.........
رحت يوم السبت اللى فات مركز أبو رواش ووصلت الساعه 8.45 فاستقبلنى مهندس الصيانه م/مصطفى وقاللى أنت جاى متأخر و حتضطر تسيب العربيه تبات, قلتله متأخر؟؟؟؟ :gun_bandana:
وكمان هو أنا جايب عربيه زيرو عشان أروح بيتنا بالمواصلات فى الحته المقطوعه دية و كمان أروح تانى يوم الشغل بالمواصلات و أنا راجع أعدى برضه بالمواصلات عليكم عشان أستلم العربيه؟ ده أيه البهدله دى؟
فقالى دة شىء غصبا عنهم لأن الورشه ليها سعه معينه للعربيات فى الصيانه ومتقدرش تاخد أكتر من كده.............. قلتله دى مش مشكلتى أن العماله عندكوا قليله ولا مراكز الخدمه قليله المهم أنى جايلك من أخر الدنيا و بدرى و بعديت تقولى لف و أرجع يأما تبيت العربيه !!!!!!
المهم جابلى الناس اللى موجوده فى أول الطابور وسألهم أنتو هنا من الساعه كام؟
سمعت مالايسر بتاتا ........... اللى قالى 6 و اللى قاللى 6.30 و أخر واحد كان 8 فقاللى مش بقولك أنت جاى متأخر :eek_yello:
أحكم أنت بقى علما بأن أخويا معاه أفيو وبيعمل الصيانه بتاعتها فى العوض جروب بالمعادى فى ساعتين أتنين و كمان بيروحلهم الساعه 11 ومش ححكيلك على توكيل تويوتا عشان معقدش حد
ديه مشكله من مشاكلهم ..... لما تروح تعمل صيانه عندهم ... تحس انك رايح المدرسه ... لازم تصحى الساعه 5 ونص الصبح و تاكل سنداوتش " ده اذا لحقت " و تلحق تجرى الصبح على عربيتك و طياران على المدرسه " قصدى عز العرب " و تقف فى الطابور ... و لو اتأخرت الناظر " المهندس مصطفى " يذنبك ويعاقبك .!!!!!!
انا ساكن فى اكتوبر و ابو رواش جمبى بس لازم اصحى من الساعه 6 ونص علاشان الحق اروح ..... لانهم بياخدو تقريبا 15 عربيه و بعد كده خلاص .
بجد شئ ممل جدا ...... خصوصا انهم عارفين ان بروتون انتشرت بشكل كبيييير جدا ... وبدل مايفتحو مركز الخدمه بتاع القريه الذكيه لبروتون زى ماكانو قايلين ... فتحوه للماركه الصينى الفاشله بتاعتهم الى ماشوفتلهاش ولا عربيه فى الشارع " جريت وول " !!!!
عموما امير وجوزيف مركز خدمه معتمد من عز العرب .... لو حد عاوز يعمل صيانه عاديه " تغير زيت و فلاتر " ممكن يروحلهم ..... او ممكن مركز خدمه عز العرب الى ورا مسرح البالون فى الدقى ...ده برده بيعمل الصيانات السريعه .. تغير تيل فرامل ... تغير زيت .. فلاتر .
خلو المشوار بتاع ابو رواش ده للصيانات الاساسيه " 20 الف .. 40 .. 60 " ..... او لو حد عنه مشكله فى العريبه و عاوز يغيرها فى الضمان .
كمستوى خدمه ... ده بيتوقف على عدد العربيات الى عندهم .... لو عندهم زحمه .... الخدمه بتبقى زفت .... لو معندهمش زحمه الخدمه بتبقى فوق الممتازه
كمعامله ... المديرين محترمين جدا جدا .... المهندسين الى فى الورشه محترمين جدا ... مهندسى الاستقبال ... دايما عاوزين يزحلقوق و معاملتهم سعات بتبقى مش حلوه ..... الصنايعيه فيهم الكويس و فيهم الى بيستعبط .
اقتباس:
المشاركة الأصلية كتبت بواسطة m_marmoush
طبعاً انا مش عارف اقولك ايه بس معلش العربية بدأت تنتشر و الموضوع بأ صعب ..... انا متهيألي لازم عز العرب يبتدي يظبط موضوع الصيانة ده علشان العربية فعلاً في تزايد و ربنا يستر
هو مفيش يا استاذ مهاب مركز تاني لعز العرب غير الي في ابورواش بس ؟؟؟اقتباس:
المشاركة الأصلية كتبت بواسطة MohabSaeed
"..... او ممكن مركز خدمه عز العرب الى ورا مسرح البالون فى الدقى ...ده برده بيعمل الصيانات السريعه .. تغير تيل فرامل ... تغير زيت .. فلاتر .
"
انا لو اتكلمت هاقول كلام يضايق و ينرفز
و علشان الدنيا رمضان كفى الله المؤمنين شر القتال و كل عام و انتم بخير
قول يا باشا عشان كلنا نستفيداقتباس:
المشاركة الأصلية كتبت بواسطة ahmedsiyam
واللى عايز يشترى يبقى عارف هو داخل على اية
بصراحة من يوم ما جبت عربيتى ويرا 2006 و انا باتعامل مع المركز اللى خلف البالون هايل بصراحه و الناس محترمين و مش لازم اروح الساعه 6 الصبح عادى جدا . حصل معايا موقف يجب ان يذكر العربيه حسيت انها بتتلكك علشان تسقف افتكرت من البنزين بس قلت اقول برضه على الحكايه دى و انا باعمل صيانة 20000 قالى حاضر راح نشوف سلك البوجيهات طلعت المشكله منه و اتغير فى الضمان بمنتهى الهدوء . مركز البالون زى الفل فى الصيانة الدوريه لآى عدد كيلو متر مش شرط الصيانات بتاعة تغيير زيت وفلتر فقط
بتاع القاهرة الى فى أبو رواش عادى
وبتاع الاسكندرية الى فى اول الزراعى أفضل منه بس برده عادى
السلام عليكم
انا كنت عايز اسال على بعض الحاجات كده فى العربيه
اولا انا فى مشكله عندى بتحصل دايما فى النقل وهى النقل بتاع الفتيس مبيعشقش لازم ارجع الفتيس مور وبعد كده انقل تانى وبيحصل الكلام ده دايما فى النقله الاولى او التانيه
وحاجه بقى تانيه معرفش ده فى كل العربيات الجين ولا لا
وهى كل يوم لما اجى اركب العربيه بلاقى العربيه مليانه تراب زى ميكون كنت سايبها مفتوحه
وكنت عايز اسال عن مواعيد عز العرب والايام الاجازه عشان انا عايز اعمل صيانه الالف
شكرا
حضرتك التوكيل كل ايام الاسبوع ما عدا الجمعة
و مواعيد العمل اعتقد انها من 9 صباحاً الي 5.30 مساءاً
شكرا على سرعه الرد بس انا كنت عايز اسال هو انا اعرف انهم بيغيروا الزيت والفلتر بزينت توتال 5000
بس انا عايز اغيره بموبيل 10000 انا عارف انه معندهمش
ممكن اخده معايا ويغروه
ولا مبيرضوش
بيرضوا عادىاقتباس:
المشاركة الأصلية كتبت بواسطة mohamedkamal86
el 7'edma wel nas kwayes gedan laken el 3amala 3andohom 2a2al men 3adad el 3rbyat ely d7'la, we dah shee2 mostafez, wely garab howa ely ye2dar yo7kom, ana kont raye7 el sa3a 6.30 we mesheeet 2.00 i think en ana badry 3shan ana kont talet wa7ed fel tabooooooooooooooooooooooooor
أنا شايف انه عادي زي اي مكان في مصر
في نقطه تانيه يا جماعه انا رحت اعمل صيانه الالف زي ما قلت قبل ذلك ان التوكيل عادي زي اي مكان في مصر أخدو العربيه مني بعد ما قلت عن المشاكل لكن العربيه بتدخل الصيانه وانت ما تعرفش شوف العربيه مع العلم ان هناك مراكز صيانه بتقعد اصحاب السيارات في مكان يمكنك متابعه أعمال الصيانه دي غير ان مكان الصيانه الموجود بالاسكندريه لا يكفي الا اربعه افراد وشكرا
المشكله الابديه لعز العرب " مساحه ورشه الصيانه " صغيره جدا و بجد مش كافيه لان الجين2 انتشرت بشكل كبير جدا ... انا كل ماروح هناك بلاقى طابور طويل
لازم مركز صيانه تانى علاشان يستوعب عدد السيارات ده كله .
الحاجه التانيه لازم لازم لازم بروتون " الشركه الام " تحسن من جوده الخامات و مراقبه الجوده اكتر من كده مش معقوله انا بقرأ كلام ان ناس فى صيانه الالف بيفكو التابلوه , و الموضوع اتكرر الكلام ده ماينفعش .لو فعلا عاوزين ينافسو الماركات العالميه .
هو ده الكلام المظبوطاقتباس:
المشكله الابديه لعز العرب " مساحه ورشه الصيانه " صغيره جدا و بجد مش كافيه لان الجين2 انتشرت بشكل كبير جدا ... انا كل ماروح هناك بلاقى طابور طويل
لازم مركز صيانه تانى علاشان يستوعب عدد السيارات ده كله .
الحاجه التانيه لازم لازم لازم بروتون " الشركه الام " تحسن من جوده الخامات و مراقبه الجوده اكتر من كده مش معقوله انا بقرأ كلام ان ناس فى صيانه الالف بيفكو التابلوه , و الموضوع اتكرر الكلام ده ماينفعش .لو فعلا عاوزين ينافسو الماركات العالميه .
انا شايف انه اسوء من اسوء ورشه ميكانيكا فى مصر لدرجه انى بفكر ابيع العربيه من القرف الى شوفته منهم
إيه إنطباع ملاك بروتون الوقتي عن التوكيل ؟
أنا شايف ان كل المشاركات بإستثناء الأخيرة من زمان جدا 2008
رأيكم مهم جدا يا شباب :)