بفكر اشتري اوبل كورسا هاتش باك 1200 سي سي
هل هي عملية ولا لأ
تستحمل الشغل يعني ولا لأ
انا مشواري كل يوم 70 كيلو تقريبا
واخبار قطع غيارها اية
عرض للطباعة
بفكر اشتري اوبل كورسا هاتش باك 1200 سي سي
هل هي عملية ولا لأ
تستحمل الشغل يعني ولا لأ
انا مشواري كل يوم 70 كيلو تقريبا
واخبار قطع غيارها اية
كان ليا واحد زميلي اتعلم سواقه على اوبل كورسا.. بعدها جاب كيا بيكانتو زيرو .. خليني اقولك انه اول مره جه يسوقها كانت هتتقلب بيه !! تخيل !!
من غير كلام كتير الاوبل معمر جدا ويفوت معاك فى الحديد ماشاء الله وثبات وهمي عالارض عالرغم من حجمها ... وياسلام لو ركبت ال 1400 هتجري معاك جري هبل ...
وبالمناسبه ياباشا .. سيبك من الى بيقولك عربيه بتفتح بقها وحساسات وبتاع .. على قد مابتدفع على قد مابتشتري راحة بالك وبتشتري التوفير ..
وهي رينجها النضيف من 30 ونت طالع
أنا كان معايا كورسا 1200 ألمانى .... سياره ممتازه ... بس طبعا مهم الحاله .... يوجد منها 1000 سى سى بس دى تقفيل مصرى ..... مسمعتش إن فى منها 1400 سى سى هاتشباك الشكل القديم بتاع التسعينات ...... أتكل على الله ودور على عربيه حالتها نظيفه 1200 وممكن تعمل بيها 700 كيلو فى اليوم مش 70 كيلو :)
بالنسبه لقطع الغيار الجديد غالى نسبيا لو قارنته بالكورى أو الفيات مثلا ولكنه معمر .... وأنصحك بشراء قطع غيار أستيراد لو أشتريت العربيه دى فهى متوفره ومعمره وأرخص من الجديد.
العربية معايا حلوة فى المشاوير اكيد بس طبعا راعيها فى الزيت بقى وخلى بالك ان قطع غيارها غالية جدا مقارنة باليابانى والكورى ومستهلكة للبنزين عنهم برضه
لكن هى ثبات تمام اوى وتقضى معاك مشاويرك باحترام
لية استهلاكها عالي ولا اية؟؟
الاسترا ال 1200 سي سي كانت بتعملها يجي 280 كيلو معايا وكانت بتوصل ل 200 او 220 جوه البلد
الكورسا هتلاقيها نفس الاستهلاك ده لو المكنه مظبوطه طبعا
والكورسا ممتازه جدا والمكنه ال 1400 دي 2 كامه وبتبقي استيراد
دور علي واحده نضيفه عشان تريحك ومتكرهكش ف الاوبل ولو ركبتها مظبوطه هتعجبك جدا :)
بالتوفيق
بدور وربنا يسهل
الكورسا ال١٠٠٠ سي سي تقفيل مصنع جي ام باسبانيا من ٩٧ ل ٢٠٠٠ بور تكييف موتور ايكوتك حساسات تقريبا ٦٠ حصان عفشه مختلفه شويه والعربيه اعلي عن الارص من ال ١٢٠٠ موتورتسارع وتجميع افضل من ال١٢٠٠ لانه ٢ كامه ١٢ صباب اتزان اعلي وثبات افضل النضيف منها بيبدأ من ٣٨ ل ٤٤٠٠٠