-
صوت تخبيط فى اسف السيارة
السلام عليكم ورحمة الله
ان شاء الله تكونو كلكم بخير :)
زى مانتم عارفين انا لسه جايب العربية من حوالى 4 ايام ( وطبعا بمأنى جديد فى العربيات فكل يوم الواحد بيكتشف حاجه جديدة ))
اول يوم العربية كانت تمام جداا مفيش اى مشكله بس من تانى يوم وانا بسمع صوت تخبيط ( حديد بيخبط فى بعضة مثلااا) لما بعدى على مطبات او ارض مش متساوية فى الناحية الشمال النص اللى ورا فى العربية
ممكن يكون ايه ؟؟ وياريت كل اقتراح يكون بالتكلفة كام علشان اخوكم ميعرفش حاجه ( طبعا السعر فى مصر هيبقى غير هنا خالص بس على الاقل اعرف الحاجه دى تكلفتها كتيرة ولا قليلة .....
جزاكم الله خيرااااااا
-
اعتقد معندكش اي شيء يعمل كده و في النصف الخلفي غير الشكمان .... محتمل تكون احدي الكاوتشات اللي بتشيله اتقطعت و الشكمان سقط علي الحمالات اللي تحتيه اللي موجوده عشان تحميه لو اتقطعت الكاوتشات ميسقطش علي الارض
او مساعدين خلفي شمال او سوستته
علي العموم ممكن تجيب دواسة و تنام تحت العربية من الخلف و تهز الشمكان و تشوف
و ممكن تضغط علي المساعدين و تهز العربية من كل ناحية بايدك عشان تشوف هل احدهم فيه مشكلة ولا لأ
او الاكصادم الخلفي شوفه سليم ولا بيخبط في حاجه ولا لأ
جرب و قلنا
-
مش لاقي كلام اقول بعد المهندس ايهاب
فعلا محتمل يكون الشكمان - النص الخلفي شمال
واحتمال ولكن بعيد جدا - يكون قواعد فتيس
العربية لازم تترفع علي كوريك هيدروليك او تقف فوق مجري وتشوفها من تحت
والله المستعان
،
،
-
جزاكم الله خيرا جميعاااا
هوديها لحد وان شاء الله اقولكم اية الاخبار
شكرااااا
-
انا اقترح انك قبل ما تكشف علي العربية بص علي شنطة العربية ممكن يكون فيها حجات بتخبط في بعض لو ملقتش حاجة يبقي تعمل زي مقال ايهاب .
وبالتوفيق ان شاء الله
Content Relevant URLs by
vBSEO 3.6.0 PL2