فلاتر مياة تانك

**أبو_يوسف** · 17-04-2013 09:31 AM

المشاركة الأصلية كتبت بواسطة swimmer25

معقول...ممكن تكون غلطة...هرفعلك صورة فلتر تاني حالا

على فكرة الفلتر اللي جبته كانت الصورة على العلبة فيها ان الشمعة cto ترتيبها رقم 3!
وانا كنت مركبهم كدا بس الفني لما جالي عكسهم وقالي هو دا الصح..
والاغطية عندي مش مترقمة زي الصورة اللي فاتت

وبعدين طالما ان شمعة cto هي بتاعة الكربون .. مش منطقي ان يكون وراها شمعة تانية تخلص المياه من بواقي او رواسب الكربون فيها؟ ولا انا فاهم غلط؟
ياريت صاحب الموضوع اللي ظهر عنده رواسب الكربون يفيدنا ايه ترتيب الشمعات عنده .. ويجرب يخلي الشمعة الشبكيه هي اللي في النص ويشوف النتيجة ايه؟

**METOELESSAWY** · 17-04-2013 11:25 AM

++++1

**swimmer25** · 17-04-2013 12:12 PM

المشاركة الأصلية كتبت بواسطة timtim

على فكرة الفلتر اللي جبته كانت الصورة على العلبة فيها ان الشمعة cto ترتيبها رقم 3!
وانا كنت مركبهم كدا بس الفني لما جالي عكسهم وقالي هو دا الصح..
والاغطية عندي مش مترقمة زي الصورة اللي فاتت

وبعدين طالما ان شمعة cto هي بتاعة الكربون .. مش منطقي ان يكون وراها شمعة تانية تخلص المياه من بواقي او رواسب الكربون فيها؟ ولا انا فاهم غلط؟
ياريت صاحب الموضوع اللي ظهر عنده رواسب الكربون يفيدنا ايه ترتيب الشمعات عنده .. ويجرب يخلي الشمعة الشبكيه هي اللي في النص ويشوف النتيجة ايه؟

إحتمال كبير الفني يكون غلط
ومادام الفلتر عندك كان زي الصور اللي أنا حطيتها يبقي كلامي صح لأن الفلتر عندي نفس الكلام
والشمعتين التانية والثالثة كربون..ولكن الثانية حبيبات كربون او granulated active carbon...وده عشان يكون مساحة الكربون المعرضة للمياه تكون أكبر
وبالتالي هي عشان حبيبات...فممكن تعدي منها جزيئات بسيطة...ايه يمنعها انها تنزلك في الكوب
اللي يمنعها أخر مرحلة وهي كربون بس مصمت مسامه صغيره جدااااا وده بيمنع الحبيبات دي واي شوائب أخري وبيعمل علي امتصاص اي بواقي كلور ومواد عضوية
ده المنطقي من وجهة نظري واللي عرفته من كذا شركة فلاتر وانا بجيب الفلتر بتاعي

وعموما براحتك أنا بس قلت أفيد الناس بالترتيب الصح والمنطقي..

**swimmer25** · 17-04-2013 03:24 PM

المشاركة الأصلية كتبت بواسطة aminibrahim

فعلا وانا كلمت النهارده خدمة العملا ودردشت معاهم وقالولي ان الشمعه اللي في النص هي اللي بتترج وفيها حبيبات الكربون عشان كده لما تشغل الفتر لاول مره شغل اول مرحلتين وهاينزل منهم لون اسود وبعدين هاتبقي صافيه ثم ياتي بعد ذللك الكربون المدمج ( الشبكه) وسيب الفلتر لمده 5 دقايق شغال لاول مره
---- وبعدين قالت ليا حاجه غريبه لو حسيت بطعم في الميه بدل الشمع التانيه والتالته افهم ايه بقي؟

تمام كدا
ممكن يكون قصدها مع الاستخدام وبعد فترة لو حسيت بطعم بدلهم لانهم فعلا بيشيل الملوثات العضوية والكلور

**Tamer_Merit** · 17-04-2013 07:01 PM

طيب ممكن حد يفهمنا ايه فايدة الشمعات 4و5و6 ؟؟؟؟

**طارق _عبد السلام** · 17-04-2013 11:30 PM

المشاركة الأصلية كتبت بواسطة tamer_merit

طيب ممكن حد يفهمنا ايه فايدة الشمعات 4و5و6 ؟؟؟؟

الشمعه الرابعه ودى مهمه جدا واغلى شمعه فيهم بتوصل لسعر 200-250 جنيه
ودى اسمها الميمبرين ودى شغلتها ضبط الاملاح فى المياه
والخامسه والسادسه والسابعه منهم قاتل للجراثيم فى الماء ومنهم ضبط الطعم

ولكن الفائده الكبيره كلها فى الخمس مراحل الاولى

ومن ناحيه الاختلاف فى ترتيب الشمعات الاولى انا عندى الجهاز السبعه

واصلا مطبوع ليه شكل الشمعات فى التصنيع
ومترتبين بالارقام والصور
1-الشمعه الاولى (القطنيه)

2-الشمعه الثانيه (الكاربون) ازرق من فوق ومن تحت

3-الشمعه الثالثه (الكربون الشبكيه)

وده مرسوم على الغطاء الخارجى للشمعات وبترتيب الارقام كمان