| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 3 الأولىالأولى 1 2 3
النتائج 21 إلى 23 من 23

  1. #21

    الصورة الرمزية شكشك

    رقم العضوية : 140957

    تاريخ التسجيل : 15Apr2013

    المشاركات : 18

    النوع : ذكر

    الاقامة : مشربتش من نيلها

    السيارة: اما يسهل في الاولى

    السيارة[2]: يامسهل

    الحالة : شكشك غير متواجد حالياً

    افتراضي -

    hasad">

    ياجماعه الاخ ياريس بيرسم على حاجه كبيره شكله بيسأل على موضوع الجيم علشان يعمل برستيج لنفسه ويغمز لموزه سوريه هههههههههه


  2. #22

    الصورة الرمزية damasry

    رقم العضوية : 4434

    تاريخ التسجيل : 18Jan2008

    المشاركات : 6,965

    النوع : ذكر

    الاقامة : Cairo

    السيارة: Volvo 144

    السيارة[2]: Opel Corsa 1.6

    دراجة بخارية: ..

    الحالة : damasry غير متواجد حالياً

    افتراضي -

    فيه واحد فى المنيل اسمه h2o وده بيفتح فرع جديد والفرع القديم ها يكون سيدات فقط طوال الاسبوع والاشتراك ب260 شهريا كل يوم



  3. #23

    الصورة الرمزية Y a r i s

    رقم العضوية : 128488

    تاريخ التسجيل : 05Aug2012

    المشاركات : 3,988

    النوع : ذكر

    الاقامة : ★ قسم تويوتا.★

    السيارة: ♠ وشيخ الياباني حالياً ♠

    السيارة[2]: ♥ عمدة تويوتا ♥ سابقاً

    دراجة بخارية: ♥♥♥♥♥♥♥♥ ♡ ☜

    الحالة : Y a r i s غير متواجد حالياً

    افتراضي -

    hasad">

    طيب بعد اللف والدوران ومن كتر ما لفيت بطلت خالص وقلت مش رايح ههههههه
    بس قلت افيدكم بالي عريفتوا علشان الكل يستفيد :

    ١- جيم المقدم في الحي الثالث شارع رنا مول اشتراكوا ١٥٠ ( رجال فقط )
    صالة محترمة وفيها مدربين محترمين لكن عيبهم بيفتحوا من الساعه ٢ ل ١٢ فقط ... وبيقفلوا وقت الصلاة. طبعاً هو صح ومش غلط لكن لمن يكون واحد بيتمرن وعرقان ويطلع بره علشان يصلي في الهوى ويرجع تاني. علشان يكمل التمرين فهتلاقيه. عيا على طول بالذات في الجز بتا اليومين دول ... دي نقطة. النقطة التانية متعرفش الجيم ده بيبقى عامل ازاي في الصيف. من غير مكيفات بالذات انوا جراش تحت الارض بصراحة مجربتش فمش هقدر اقول .

    ٢- جيم الفرسان الحي الثاني امام التوحيد والنور اشتراكوا ٣٥٠ جنية ( رجال فقط ومكيف مع جاكوزي )
    طبعاً غالي لانوا مش جولدن جيم بس اجهزتوا نضيفه

    ٣- جيم نادي ٦ اكتوبر اشتراكو للناس الي مش مشتركة في النادي ب ٢٥٠ جنية من الظهر للساعه ١٢ بالليل بوابه رقم ٤ ... والحصة الوحدة ب ١٥ جنية لو عاوز حصة فقط. و ٦ جنية للعضاء بس تعاله هنا يا حلو
    علشان تخوش الجيم الي جوا النادي لازم تدفع تذكرة دخول تمنها ١٥ جنية

    يعني توقف الحصة من غير اشتراك شهري ب ٣٠ جنية
    والحصة مع الاشتراك الشهري ب ٢٣ جنية ولو ضربنا ٢٣ جنية في ٣٠ يوم يبقى = ٦٩٠ جنية اشتراك الشهر هههههه يعني يا حلاوووة جولدجيم ارخص بكتير على كده ... المهم طلعت شوفت الصالة فوق لقيتها عادية جداً متفرقش كتير في الاجهزة عنها عن المقدم

    ٤- رحت عن جيم ميدان لبنان فوق برجر كينج. لقيت فعلاً عندهم نسائي. وفي صالة للرجالي وفي ميكس. كمان. السيدات ب ٣٢٥ جنية والرجال ب ٣٥٠ جنية. وليك مره في الشهر جاكوزي ودخلت شوفت الاجهزة رصتهم اي كلام صالة ديقة.و جلد الكراسي مقطع ده غير انتوا عارفين الشارع ده من قديم الازل وهو زحمة ده انتا لو عاوز تخوش عند فرحات بتقعد تلف ساعة عقبال ما تلاقي ركنة ... ده غير معجبنيش داخل ابص على الصالة بعد ما استئذنت من البت بتاع الاستقبال. وقالت لي اتفضل ... بصيت لقيت واد ناططلي ولابسلي فنيلة حملات وبيقولي ايووووه خيررر وداخل عليا. في وشي كانوا هيضربني ... قلتلوا ايوه خير ايه داخل اتفرج على الصالة في حاجة ... فقلي لا ابداً اتفضل طبعاً معجبنيش طريقتوا او اسلوبوا ولا الفنيلة الحملات حتى الي لابسها .



    ٥- نيجي بقه للجيم بتاع اركان ( الشيخ زااااايد) والي دحكني المول الي كل يوم بعدي من قداموا رايح جي اول مره اعرف انوا اسمو اركان. رحت انا والمدام كان مول جميل وراقي كافيهات مطاعم دنيا غير الدنيا وباين كان لسه في محلات تحت ارض المول بس مكنش عندي وقت اشوفها المهم طلعنا فوق الدور الاول لقيت جيم راقي راقي راقي. ( حلو الكلام ) بنتين مشاء الله بنات ناس محترمين قاعدين في الاستقبال وفاهمين كويس فن التعامل وفن خدمة العملاء. سئلتهم عن الجيم قاللولي في جيم اطفال وبصراحة عجبني جداً جداً جداً حكاية جيم الاطفال دي. انهم يتئسسوا من صغرهم ويحرقوا طاقتهم بشكل ايجابي

    بس الي معجبنيش بقه. اتضح عندهم جيم نسائي فقط لا وايه. الاشتراك ب ٨٥٠ جنية. فقلتلها حلو. طيب والاجهزة جديدة وهل ياترى في مدربات تخسيس وكده قالت لا يافندم مفيش اجهزة. قلتلها مفيش اجهزة اومال جيم ازاي قالت لي لا دي حصص رقص طبعاً انا ازبهليت حصص رقص ب ٨٥٠ جنية. لييييييييييييه انشاء الله. بس بعديين قلتلها. اااه في السنة يعني قالت لي لأ في الشهر (و٨ ساعات ) يا حلالالالالالالالالالالالا لاووووووووووووة. يعني توقف ساعة الرقص ب ١٠٦ جنية و خمسه وعشرون قرشاً ههههههههه

    طبعاً انا علشان اخفف من حدة الي بسمعوا فحبيت اتريق باسلوب غير مباشر ... وقمت بكل جدية قلت ( واللهي يا بلالالاش طب ينفع اجي انا كمان اشترك معاكم او اخودلي حتى حصة او حصتين تلاته ) بصيت لقيت المدام بسن طرطوف شاكوش كوعها قامت زغدتني الزغده. بتاعتها جيت في الكلية بتاعتي اليمين ... وقامت وودت كليتي اليمين خليتها جمب اختها في الشمال لزق عدل هههههه .

    ده حتى كان في علبة زبادي في معدتي كنت لسه واكلها حسيت ان جهينة كلها كانت هتبقى على وش البت بتاعت الاستقبال من قوة الضربة


    ٦- المهم رحت بعد كده. على جيم. الي هوا في طريق عبدالناصر في ٦ اكتوبر ... خلف مول العرب وخلف نادي نقابة المهندسين بالزبط
    كما نصحوني الشباب وكنت مستوي الصراحة وما هصدق اروح بيتنا بقه قرفت من الطريق وكان يومها حادثة الناحية التانية والاتجاه التاني بس الناس. رمين عربياتهم في نص الشارع على المحور ونازلين يتفرجوا ... فكنت رايح اسئل وانا على اخرري الصراحة المهم ...رحت اشوف الجيم بسم الله مشاء الله. حاجة. ايه نضيفه وشيك. واكتر من رائعة دخلت سلام عليكم لقيت الواد بتاع الرسيبشن اداني ورى املى بيناتي. قلت ياسيد انا جي اسئل مش جي اشترك قالي اه حضرتك لازم بس تملى الاستمراة. قلتلوا لأ مش مليهاااااا بعد ئزنك ناديلي اي حد من المبيعات بعد ئزنك

    المهم قعدت مستني موظف المبيعات او خدمت العملاء سميها ماشئت ... قلتلوا عاوز اسئل عن النظام عندكم هنا لو سمحت واسعار الاشتراكات لقيتوا بيقولي بس في البداية احب اتعرف بحضرتك قلتلوا ااه قوي قوي انا. فلان الفلاني
    بصيت لقيتوا بيقولي حضرتك ساكن فين قلتلوا. في ---------.
    بصيت لقيتوا بيقولي حضرتك بتشتغل فين قلتلوا. انا باشتغل كزا كزا كزا وبعدين ايه المقابلة دي انتا جي تفتح معايا تحقيق وترد على سؤالي بعشرين سؤال ... قلي لا ابداً يا فندم بس بتعرف بحضرتك اصل في شركات عاملين معاها تعاقد ودييل وخصم. ومش عارف ايه قلتلوا خصم ايه وبتاع ايه. انا جي بسئلك عن نظام الاشتراكات عندكم واسعار الاشتركات. مش علشان تسئلني انتا عن نظامي انا ايه وتفتحلي تحقيق ومحضر وبعدين لو عاوز تتعرف من بابا الزوق والاتيكات. قلتلك انا فلان الفلاني قلتلي يا اهلاً وسهلاً ومعرفتش بنفسك حتى لحد دلوقتي او قلتلي اسمك الاول ايه . في سري كنت بقول ( أبو الي علمك مبيعات )

    طبعاً هما عاملين النظام ده ( افتكاسة مصرية ) علشان يضمنوا مستوى الناس الي هتشترك بس احب اطمنكم ... نظام فاشل لان الاسعار ذات نفسها. للمكان الراقي ده لا تسمح ان اي حد من الشارع يجي يشترك ... وبعدين برضوا لازم الواحد يكون ليه نظرة في الزبون او العميل الي داخل. صحيح في قاعدة بتقول لا تتنبئ او لا للتخمينات ... لكن برضو قلب بتاع المبيعات الشاطر دليلوا ولازم الانسان يكون ليه نظرة في الانسان الي قداموا ... ونبطل بقه افتكسات خاصة الاسعار الي هقولكم عليها دلوقتي

    المهم اتاسفلي الراجل الحقيقة ...
    والاسعار كالتالي. ٢٦٠٠ جنية ال ٣ شهور يعني الشهر ب ٨٦٦ جنية زي الجيم بتاع الرقص بتاع الشيخ زايد بس بتاع الشيخ زايد ٨ ساعات فقط في الشهرررررر كلووو .
    ٤٧٠٠ جنية حاجة زي كده في السنة يعني برضوا لو حسبنا اسعار السوق وعلى النظافة دي ب ٤٠٠ مثلاً شهرياً كمان يا بلاش بس الفرق بين الفقير والمقتدر ان المقتدر هيدفع مرة وحدة وكاش اما الغلبان والمسكين الي زي حلاتي المعدوم والفقير الي زيي هيقولك لا ياعم بلاش

    بس المهم اتحرق دمي بصراحة وتقاعسنا عن اي اشتراك وقلت اقعد في البيت اربي العيال واكول عيش احسن :)
    بس حاجة تجنن يا اخي. كل مكان تخوشوا تسئل عن حاجة يفتحولك سين وجيم. حتى على مستوى دكتور اسنان رايح يخلعلي ضرس بصيت لقيت السكرتير بره واقف. الاسم. السن. الوظيفة ( يعني افهم. انا رايح اخلع ضرس مالك ومال المهنة والوظيفة )
    الحالة الاجتماعية ( مالك ومال حالتي الاجتماعية يعني لو خلعت ضرسين هتخلع لابني ضرسوا التالت مجانا)
    العنوان ( دي بقه من مهزلت التاريخ. مالك انتا ومال محل سكني ... ياسيدي انا ساكن في الجن الازرق ساكن في حي المهابيل ... ايش دخلك بعنواني ولا علشان لو خلعتلي سنة بالغلط يبقى عندك عنواني علشان تبعتهالي دليفري وترجعهالي على البيت )
    فئسلة غريبة عجيبة. وكلووو كوم. وبتوع التيم شير الي في الشارع ويوقفوك ويقعدوا يحققوا معاك ساعتين ودخلك الشهري كام وبتصيف فين وبتاكول وبتشرب ايه وكل ده علشان في النهاية يقولك عندنا شاليهات بندلل عليها في مارينا . ... المهم ارجو تكونوا استفدتوا من تجربتي الي انا شخصياً مستفدتيش منها حاجة غير ضيعت وقتي وخلاص هههههه. وتحياتي


    سقوط سماوات فوق رأس تجار روبابيكيا امين يارب



 
صفحة 3 من 3 الأولىالأولى 1 2 3

المواضيع المتشابهه

  1. ايه افضل جيم في اكتوبر بسعر مناسب؟؟؟
    بواسطة 3mr Farrag في المنتدى المنتــــــدى الاجتمــاعى
    مشاركات: 15
    آخر مشاركة: 06-04-2013, 02:08 AM
  2. فين ؟ فين ؟ فين ؟ فين ؟
    بواسطة aw2100 في المنتدى المنتــــــدى الاجتمــاعى
    مشاركات: 3
    آخر مشاركة: 07-02-2013, 02:24 AM
  3. الى ا هالي الشيخ زايد و اكتوبر خصوصا اللي عايزين يروحوا جيم زيي خصوصا جولدز جيم
    بواسطة cheetos_892005 في المنتدى المنتــــــدى الاجتمــاعى
    مشاركات: 12
    آخر مشاركة: 12-03-2012, 05:36 PM
  4. للسيدات فقط ......متجر للسيدات ........... ليشتروا ازواج!!!!
    بواسطة AboMaro في المنتدى المنتــــــدى الاجتمــاعى
    مشاركات: 13
    آخر مشاركة: 27-11-2008, 10:54 PM
  5. مدرسة تعليم للسيدات؟
    بواسطة ara في المنتدى المنتــــــدى العـــــــــــام للسيــارات
    مشاركات: 9
    آخر مشاركة: 20-06-2007, 10:14 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2