الموضوع: مشكلة في السخونة والفتيس

انا معايا عربية فيرنا 2004 اتوماتيك وعندي مشكلتين دخت ومش عارف ايه الحل !
اول حاجة العربية عمرها ما بتسخن معايا نهاائيييي ! حتى لو شغلت التكييف لو العربية ماشية براحة او في زحمة متسخنش اول ما ازود السرعة واحرق شوية تبتدي تسخن للاخر ! أهدي السرعة و محرقش ترجع تاني طبيعية !!
مع العلم اني عملت المستحيل وعملت الردياتير وشفت الكوع والمراوح شغالة زي الفل ! ورحت شفت التكيف نفسه قالولي مفيش فيه اي حاجة وهوه فعلا شغال كويس !!
المشكلة التانية في الفتيس !! لو مسخنتش العربية و طلعت بيها على طول الفتيس يرزع في العربية ينتش كده وبعد كده ميجبش اول وتاني !! ويكون مفيش سحب فيها طبعا !!! يعني بيطلع على التالت على طول !! لازم سعتها اوقف العربية واشغلها تاني بعد ما تكون سخنت كويس طبعا وتمشي معايا زي الفل وتسحب وكإن مفيش أي حاجة !!!
وبرده عملت المستحيل و غيرت زيت ونضفت الكارتيرة وغيرت كنترول الفتيس وحساس الفتيس وبرده مفيش أي فايدة و مفيش ميكانيكي واحد فهم فيها بعد ما بيزهقوا يقولوا ده فتيس وسخنها وامشي بييه لحد ما يجيب اخره !
اييييه بقه يا ريت يكون فييه حد فاهم ايه اللي بيحصل ده