فاميه بنص تمنه, الكلام ده بصحيح ولا هرتلة؟

**shaikh_tamer** · 14-04-2013 11:45 PM

واحد صاحب واحد صاحبي معاه بيجو 504 مركب عليها فاميه, بساله بيعمل ايه في لجان المرور, قالي ان مفيش حد من اللجان اكتشف ان الفاميه تركيب, المهم علشان مطولش عليكوا الشاب ده فيم الزجاج و ركب عليه زجاج تاني بحيث ان الفاميه يكون في النص بين الزجاجين و شال الكاوتش اللي بيمسك الزجاج اللي بيكون موجود في الباب علشان يسمح للرجاج بالارتفاع و الهبوط

حد فهم حاجة

بمعني اخر حط لوحين زجاج علي بعض و الفاميه في النص و مفيش اي شرطي حيكتشف الموضوع ده, بس المشكلة انه دفع كتير و كمان قالي ان الحوار لو جت عليه ميه بيبوز نهائي لان الفاميه لو كرمش الليلة بتنكشف, و طبعا الزجاج كله كهرباء لانه لو يدوي حيكون تقيل جدا

الكلام ده ممكن تنفيذه ولا الموضوع حوار زي ما انا حاسس؟
افيدوني افادكم الله

**تامر.محمد** · 14-04-2013 11:47 PM

المياه طبيعي هاتيجي و العربية بتتغسل او في المطرة مثلا

و المكنة اللي بترفع الزجاج اكيد هاتتحرق اول بأول لأن الحمل الضعف

**Sehsss** · 14-04-2013 11:50 PM

المشاركة الأصلية كتبت بواسطة تامر.محمد

المياه طبيعي هاتيجي و العربية بتتغسل او في المطرة مثلا

و المكنة اللي بترفع الزجاج اكيد هاتتحرق اول بأول لأن الحمل الضعف

+1111

**Elawany13** · 15-04-2013 12:32 AM

مش مستاهله الفيلم ده كله

**mido_soliman** · 15-04-2013 01:38 AM

طب هوة مكانش ينفع يرش الازاز بتاعة اوفر واسهل م الليلة دى كلها ؟
او يجيب زجاج ملون جاهز
اصل دة حمل غير طبيعى على المكنة وشاسيه اللى شايل الازاز اصلا دة غير الترزيع والزن اللى للصبح وهوة ماشى

**CaptaiN-AhmeD** · 15-04-2013 02:29 AM

هههههههههههههه ايه ياعم كل الليله دي دا لو حد رخم عليه اوي يعني هيديله كلمه ولا يقوله شيله مع شوية الكلام هيعدي دا لو حد وقفه ورخم
مالشعب كله مركب فاميه ايه المشكله يعني دا قصه وفيلم فعلاً واضرار كتير ع المكنه واي نقطه ميه هتيجي هتبهدل الدنيا والازاز هيبقى بطئ جدا ف رفعه والمكنه هتبوظ