عرض للطباعة
بعد تطبيق القانون الجديد اللى مفروض على كل الشعب
هنسكت ولا هنتكلم على أى مخالفه او تجاوز من سياره واحد فى الشرطه ولا مسنود
يوم السبت اللى فات شايف عربيه فاميه من كل ناحيه حتى من عند قزاز السواق لدرجه انى افتكرت مفيهاش حد واحنا كان وقتها العصر ... والكلام ده على شارع من ابوقير
العربيه رقمها *****ملاكى اسكندريه وعليها بادج الشرطه
السؤال بقى .. هنتكلم ونقول عربيه كذا رقم كذا مخالفه ولا هنفضل ساكتين ومحدش هيتكلم ؟
نفضل ساكتين طبعا
هما غيروا القانون و ليس القائمين علي تطبيقه
المشكلة مش في القانون القديم - المشكلة كانت في الناس و الناس هما هما
انا شفت اول امبارح عربيه دايو سوده كحل زجاج فاميه يمكن اثقل درجه وزينون وماشى بمزاجه خالص ولا كان فيه حاجه اسمها قانون المرور ده استغربت لطريقه سواقته لما قربت من عربيته وقعدت متنحه عشان اشوف اللى جواها طلع ظابط ولابس بدله الشرطه
قلت معاه حق يعمل اكثر من كده ماهو من اعضاء سلطه الجبايه
تمام كده يبقي يبقي الحال كما هو عليه و علي المتضرر اصلاح حاله و اللجوء إلي الله
انت ما تعرفش ؟!!!!اقتباس:
المشاركة الأصلية كتبت بواسطة M_HaFeZ
مش قانون المرور لسه ما اطبقش فى اسكندرية ؟؟؟
لسه فى عربيات كتيير من غير نمر خالص و لسه يوم الجمعة شايف عربية جولييت حمرا ماشية عكسى فى شارع بورسعيد الساعة 7 المغرب و قمة فى الاهمال و التهريج
و للاجابة على سؤالك : حانكلم مين نقوله ؟؟
والله طالما فى صوت هنا بيوصل للمسئولين زى ماحصل فى الموضوع المثبت يبقى ليه منتكلمش
لو كل واحد فينا بما يرضى الله بلغ وقال شفت عربيه كذا مخالفه مخالفات فجه وصريحه وبتضرب القانون عرض الحائط يبقى هنعمل حاجه
ماهو القانون لازم نشوف الفائده منه وهو فرض الالتزام على الشارع المصرى على البيه ابن البيه الظابط وعلى الغلابه امثال باقى الشعب من دكاتره ومهندسين وعمال واساتذه جامعه
اللى اعرفه ان كان فى لجنه من كام يوم على البحر كان فيها مدير الامن شخصيا
وموضوع العكسى ده منتشر بطريقه تخنق بجد
اتكلم طبعا
علي الاقل صور العربيه و ابعتها لموقع وزاره الداخليه قسم الشكاوي.
لعلمك الموقع دا الوزير شخصيا بيشوفه و بيحقق فيه
لما حاجه زي كده توصل حيبقي فيه كلام تاني.
عملوا كوبرى مشاة علوى بسلالم كهرباء فى اسكندرية امام محطة سيدى جابر بتاعة القطار و لسه الناس بتعدى من وسط الشارع و تنط بين العربيات.
المهم معدى من هناك يوم السبت و الاشارة قفلت عليا و وقفت عادى و ابص الاقى الناس معدية برضوا وسط العربيات !!!! رحت لازق فى العربية اللى قدامى على الاخر علشان ماحدش يعدى و الاقيلكم واحدة ست حاولت تعدى و طبعا ما عرفتش و بتبصلى بصات مستفزة رحت ضاحك ضحكة باردة و قولتلها ما تعدى من الكوبرى الكهربا ....... اسمعوا بقى الرد
أصل السلم بطئ و أنا مستعجلة !!!!!!!!!!!!!!!!!!!!!!!
بالله عليكم مش حاجة تفلق ؟؟؟
و القانون الجديد ده مش كان أولى انهم يعملوا غرامة على البهلونات الارجوزات اللى بتعدى من بين العربيات فى وجود اماكن و انفاق للمشاة ؟؟؟
عزيزى حازم بكاقتباس:
المشاركة الأصلية كتبت بواسطة hazem_khidr
يا ريت تدلنا على الموقع ده و هل ممكن نرفع صور عليه ؟؟؟ و شكرا
اوي اوي يا باشا
سيبني بس يومين كده و اجيبه لانه ضايع من الفيفوريت لما نزلت وينجوز
و ابن خالي اللي بيشتغل في مكتب الوزير بيصيف
اول ما يجي حجيب منه اسم الموقع
القانون الجديد بيطبق بس على الغلابه اما القضاه والمستشارين والشرطه ووكلاء النيابه فهم فوق القانون
لكن مع ذلك انا رأى اننا مش نسكت بل نقوم بفضحهم على الملا رغم علمى مسبقا انه لن يحدث شئ لكن افضل من ان نسكت
وده موقع وزاره الداخليه
http://www.moiegypt.gov.eg/arabic/default
دي حجة كل المخالفين ..اقتباس:
المشاركة الأصلية كتبت بواسطة gemino
اصل السرعة القصوي قليلة و انا مستعجل
اصل انا ماشي عكس عشان الناحية التانية واقفة و انا مستعجل
اصل لفيت من اللفة بتاعة الناحية التانية عشان اللفة بتاعتي بعيد و انا مستعجل
تقولش البلد بقي كلها مليونيرات !
ولا كلهم مستعجلين و احنا اللي غاويين عطلة و بنحبها
و طبعا قمة الغباوة و الأنانية عدم احترام اشارات المرور بالنسبة للمشاة لأن لا هو مشي و عدا مستريح ولا العربيات مشيت .
تمام ياجماعه ..
ياريت كل واحد فينا يشوف حاجه مخالفه زى دى من أى نوع يصور العربيه ويحتفظ بالنمر بتاعتها
تم الابلاغ ......
اتمنى وجود سلالم زيه على البحر .. بدل الانفاق اللى مابين كل واحد والتانى 100 كيلو ..اقتباس:
المشاركة الأصلية كتبت بواسطة gemino
طيب ايه الاولى على البحر اللى العربيات بتبقى فيه طيران ولا عند سيدى جابر اللى السرعه فيه بطيئه الا بالليل اوى !!!
اعتقد الموضوع منحه من اليابان وخصوصا وجود دفعه من اليابانين بتروح اسكندريه كل اسبوع وبيرجعوا معايا فى قطر السبت للقاهره
هو فعلا الانفاق بعيدة جدا عن بعضها و فى اماكن مهمة مافيهاش انفاق اساسا زى سان ستيفانو بس المشكلة كمان ان فعلا الواحد لو مشى 60 على البحر يبقى حايعمل حادثة أكيد،مش اقل من 80 علشان تعرف تسوق على البحراقتباس:
المشاركة الأصلية كتبت بواسطة M_HaFeZ
و المؤسف ان احنا نستنى حد من بره يشحتنا فلوس نعمل بيها حاجة تحافظ على ارواح الناس مع انهم لو عملوا لجنة شاملة على البحر(رادار و مخدرات و خمرة و حزام) حايلموا فلوس تسدد ديون مصر مش تعمل انفاق و كبارى......بس حاتعمل ايه فى الفساد اللى مغرق البلد
ibrahimsaad باشا متشكريين أوى على الموقع المهم ده و استاذى hazem_khidr فى انتظار عنوان الموقع يمكن يطلع فى أكتر من موقع للشكاوى
MoToRiZeR : أكيد طبعا الناس كلها بقت مليونيرات :ymca: انت مش شايف الموضة الجديدة ؟؟ الشعب كله بقى ماشى و فى فى ايده شنطة فيها Lap Top و اللى لسه ماجبش بيمشى بنفس الشنطة بس فاضية :sailor:
ياباشا انا ماشي جنب الحيط
وطبعا لازم اسكت عشان اعيش بردو جوة الحيط او حتي امشي علي الحيط
(((((ربنا يهدي ياباشا)))))
العفو ياباشااقتباس:
المشاركة الأصلية كتبت بواسطة gemino
وخذ الموقع ده للحكومه الالكترونيه ايضا سوف يفيدك
http://www.egypt.gov.eg/
اقتباس:
المشاركة الأصلية كتبت بواسطة M_HaFeZ
العربية دى - توياتا - ايكو - لونها كحلى ؟؟
تمام ياميدو ...
انت عارفها ؟ ولا تبعك
لا مش تبعى
بس انا بشوفها ساعات بتركن امام بيت والدى فى سبورتنج شارع ابوقير
ومش متأكد اذا كان ساكن فى العمارة ولا لأ
وبيركن العربية ركنة مستفزة جدا جدا - امام مدخل العمارة العربيات راكنه عادى وسايبه مكان الناس تعدى منه - يجى الباشا راكن صف ثانى وقافل المكان ده بالشكل ده
____ ___
_____
بصراحه مستفز جدا ده غير الكلام اللى كاتبه على الزجاج الخلفى والجانبى
يعنى مش بس منظر العربيه هو اللى مستفز
لا طبعا الباشا الظابط عايش كمان ومقضيها
حسبنا الله ونعم الوكيل
اقتباس:
المشاركة الأصلية كتبت بواسطة M_HaFeZ
من امبارح والله :biggrin24:
النهارده عربيه لانوس تقريبا والله مش فاكر
فى مدينه نصر ملاكى القاهره فاميه على الزجاج الجانبى والخلفى
البيه كان راكب وجنبه واحده ... بس مفيش حاجه لان مكانش ينفع لو فيه اساسا
المهم تم الابلاغ برضوا عن العربيه دى
ياريت ياجماعه كلنا نشوف اى حاجه من دول نصورها ونشيل رقم العربيه ونبلغ
وياريت الكل يشارك سواء هنا وفى موقع وزاره الداخليه
انا فى الحالتين الصراحه ملحقتش اصور ..
بس تخيل انت لو كل واحد خد باله وراح بعت مخالفه
تخيل حجم المخالفات اللى هتوصل
والعيار اللى ميضيبش يدوش
وربنا يسهل ويبارك باذن الله
وان شاء الله الحال يبقى افضل ونبطل السلبيه كلنا
شكرا دكتور ابراهيماقتباس:
المشاركة الأصلية كتبت بواسطة ibrahimsaad
فعلا كلام معقول اوي وانا عن نفسي لو عرفت اصور حاجة حبعتها علي طول ,لازم الواحد يكون ايجابي شوية ,وعلي رائ الاستاذ حافظ العيار اللي ميصبش يدوش :)
احيى جميع المشاركات الايجابية من الاعضاء
هو ده التصرف السليم