الموصوع بسيط ان شاء الله
عرض للطباعة
الموصوع بسيط ان شاء الله
بصراحه منغير زعل هو كتر جامد ف الكلام وزعل محبين الصني انا مش عارف ماكان يكبر دماغه الي عاوز يركب حاجه يركبها وهو عارف عيوبها وقابلها جداً ومبسوط بيها
في ناس بتحب عربياتها زي عيالها
راجعت 9 صفحات مجرد حوارات عاديه حتى لو فيها شد وجزب لا ترقى للايقاف الا لو بتحيز خصوصا لو مشرف وبيحب العربيه وتحيز حيتلكك ويدور على غلطه بسيطه يفش غله بيها ويوقفه
ف نظرى الشخصى ,,,,,,,
استاذ ahmed-adel من احسن الناس هنا ف المنتدى و بحترم ارائه جدا و قوله للحقيقه و مساعدته للناس , يمكن احيانا بيخرج عن شعوره شويه , بس ارائه تحترم بشده
خبر محزن ايقاف الأستاذ احمد , الراجل الواحد مشفش منه في كلامه غير كل احترام الصراحه
المشكلة فى النقاشات اللي فى المنتدي هنا فيما يخص بعض انواع السيارات ان اصحابها عايزين يثبتو للناس انها عربية محترمه و انهم دفعوا فلوس في مكانها
بس انا حابب اقول حاجه صغيره
اكتب مشاركاتك للناس اللي لسه هتشتري يعني انت مسئول امام الله عن كل واحد هياخد نصيحتك و يروح يدفع اللي حلته في عربيه لانه وثق في رائي الناس هنا
دية شهادة تسال عنها امام الله
و بلاش ندافع عن العربيات و كاننا اصحاب العلامه و ملاك الشركة المصنعه مش عيب اني اشتري عربيه و اقول علي سلبياتها و عيوبها
جميل أوى الكلام ده :)
فعلا السؤال أمانة..
- بس المشكلة فعلا ان كتيييييييييييير فـ المنتدى مش مقتنعة بالكلام ده؟!!
وبيتشالوا ويتحطوا لما تقوله على عيب فـ عربيته؟!! :ma:
المشكلة الأكبر -وإحنا قولنا ده قبل كده فـ قسم النيسان- وزعلوا فـ*خ على فكرة:
>> ان تقييمات الأعضاء فـ قسم النيسان over-rated ومبالغ فيها بشكل مستفز!
لدرجة ان فيه ناس قالتلهم انتو بتعملوا دعاية للعربية والتوكيل؟!! :3mla:
وهما مش مقتنعين ان فعلا فيه ناس كتيييييييير لبست العربية دى (الصنى الجديدة -أيوه) بسبب كلامهم؟!!
طبعا دا غلط جدا؟!! وأنا -عن نفسى- كل مرة أشوف تضليل: هأدى جامد ماعنديش مشكلة!
- ياراجل دا فيه ناس شاريه عربيات بربع-مليون.. ولما تسألوا عن عيوبها يقولك بالضبط:
فتيسها ابن تييييييييييت (الباسات)
طلعت عينى والتوكيل حرامى (e90)
وهكذا... وده الطبيعى على فكرة!
ربنا يهدى
Rgds،
المفترض ان الالتزام بالموضوعية بدون تجريح فى الاشخاص حيوصل معلومة مفيدة
وطالما الموضوع كلة عن سيارات فى الاول والاخر يبقى لا يستدعى الشد والجذب كل واحد فينا بيسجل موقفة واعتراضة باسلوب مهذب وبشكل منطقى وعلى الطرف الاخر ان يتقبلة بنفس الطريقة
ولا الصنى ولا غيرها المفروض تزعل الاعضاء من بعض احنا كلنا اخوات وبندخل على المنتدى حتى نستفيد من وجهات نظر بعض واكيد حيحصل سوء تفاهم وحيحصل خلط فى المعلومات لاكن الاحسن اننا بنتداركها ومش بنصر على الغلط ودة فعلا البيسبب مشكلة
ارجو ان الجميع يتقبل الاراء بصدر رحب ومش معنى ان شخص عاب على سيارة كانة عاب على الاشخاص او ملاك السيارة نفسها وللعلم دة حصل فى كل اقسام المنتدى تقريبا فى نقد موضوعى وبناء بنقراة وبنفهمة اما البيخرج عن الحد الادارة هى الفيصل طالما خرج عن سياق الموضوع والمناقشة وكل واحد بيشترى فى حدود امكانياتة وبيبقى مرتاح لاختبارة وهو حر فية ودة ميمنعش الراى الاخر الحينتقد السيارة دة ايضا راية وهو حر فية طالما بطريقة موضوعية وبتضيف معلومة فعلا
وأ/ احمد عادل ان شاء الله يرجع من الوقف قريبا ودة فعلا المش حابب نوصل لية تانى ان شاء الله
مع الاسف الشديد في ناس بتتعامل مع العربيه علي انها المدام او بنته الكبيره و ممنوع ان حد يجيب سيرتها باي سواء و بالتالي تلاقي مشاكل من نوعية دية
هرجع اقول للجميع و الله ناس كتير واخده المنتدي هنا مرجعية بتقييم بيها غالبية العربيات فى السوق و بينصح نفسه و اهله و اصحابه بناء علي التقييم هنا فى المنتدي و دي مسئوليه فى رقبتنا كلنا
و الله انا لو هكتب كلمه تخص اي عربيه سواء معايا او ركبتها قبل كده ببقا حذر جدا لنفس السبب