تقيمى عن الهيونداى الجيتز بعد 14000 كم
المواصفات:
hyndai getz ,1600 cc ,model 2008 gray
after 14000 km
الشكل الخارجى: من رأيى أنه جميل و أنسيابى ,كمان الحجم مناسب جدا لشوارع المحروسه و لمل تحب تركنها أى مكان ينفع علشان حجمها صغير
الشكل الداخلى: من رأيى أنه مناسب جدا لجلوس خمس أشخاص بداخلها و عن تجربه عدت مرات بيكون فى العربيه أربعه غيرى و بكون مشغل التكيف و ماشى على 160 و170 عادى جدا و الركاب بيكونوا مستريحين
التقفيل كورى 100% و ديه ميزه طبعا ماعدا السنتر و البطاريه
التقفيل حلو و أنا بعتبره أنه جميل جدا من الداخل و الخارج
كما ان حجم الصالون بنفس وسع الفيرنا و الأفيو مع التفوق على الفيرنا من ناحيه شكل الصالون و تنظيمه مما يوحى بوسع أكبر
التكيف: بشغله على 3 فى الحر الجامد و غير كده الطبيعى بيكون على 2 أو 1
و تأثير التكيف على السحب بيكون ضعيف و تقريبا مفيش تأثير
أستهلاك البنزين: أنا محسبتهوش بالظبط بس هوه تقريبا
8 ليتر لكل 100 كم
10 ليتر لكل 100 كم بالتكيف
بس الأرقام ديه غير دقيقه
الثبات: العربيه عاليه عن الأرض و ده بيحميها من مطبات المحروسه
و أنا أقصى سرعه جبتها بيها 175 بالتكيف و كان ممكن أكتر من كده بس خفت
الثبات أنا بعتبره كويس أوى ومع الملاحظه أن قاعده العجلات نفس عرض قاعده الفيرنا
فى الملفات الحاده أقصى سرعه كانت70 , 80 أو 90 و ده طبعا على حسب الملف نفسه
وبتكون ثابته و الحمد لله
الصيانه: الحمد لله لم أغير شىء ماعدا السنتر( منه لله غبور)
العيوب : السنتر مصرى و طبعا لازم يتغير بعد أول 5000 كم و يمكن أقل , أنت و حظك......
البطاريه 45 A
و المفروض أقل حاجه 55 A
و العيب ده للأسف موجود فالماتركس كمان
الشنطه أنا بعتبرها كبيره لو قارنتها بال picanto أو sirion
بس طبعا هى أصغر من شنطه السيدان
و ممكن أنك تتنى ضهر الكنبه و كمان القاعده نفسها و تكون مواز اظهر الكرسى الأمامى و ده انا عملته كتير و كنت حاسس أنى راكب ربع نقل من وسع العربيه
العفشه: هى ناشفه شويه و ده علشان هى hatchback ,and also for improving the stability
الفتيس: عندى ناشف شويه بس مش طول الوقت و فى الأول و التانى فقط
اللمبه الزرقاء : مش موجوده فى كل الgetz
لو حد عنده سؤال انا تحت أمره