عرض للطباعة
ياجماعه انا معايا مازدا 3 الحمد لله مشاء الله زي الفل ومعايه من التوكيل وكنت بفكر اني اغير واجيب امبريزا السؤال بكل امانه المازدا احسن ولا السوباروا بس من كل النواحي بمعني
التسارع مثلا استهلاك البنزين ارتفعها عن الارض يعني واطيه ولا مش واطيه سعر قطع الغيار تقيله في البيع ولا لا اعطالها كتير ولا لا واهم حاجه (دفع رباعي ولا امامي ) وكام حصان وايه الاوبشن الي فيها
انا بالنسبه ليا بصراحه المازدا لا غبار عليها فياريت رجاله سوباروا يقولي ليا مميزاتها وايه عيبوها ةتحياتي للجميع
اولا: السوبارو من افضل العربيات اليابانى.
نقاط القوة :
1) يابانى 100% ( مفيش مسمار فالعربية معمول بره اليابان)
2) دفع رباعى دائم ( مفيش موديل فى سوبارو من بعد سنة 2000 مش دفع رباعى)
3) عربية قطع غيارها معمرة جدا.
4) قطع غيار العربية ارخص من ( هوندا و مازدا و النيسان ) فى توكيلاتهم مش الاستيراد اللى مش معروف مصدره.
5) صيانات العربية مش مكلفة لانها بتقعد معاك مدد اطول من أى عربية يابانى تانية ... امثلة :
صيانة الكاتينة عند 90000 كم
البوجيهات عند 35000 كم
التيل ( فى حدود 25000 كم الى 45000 كم) حسب طريقة السواقة
6) القطع اللى غالية شوية القطع الخارجية : بس زيها زى باقى اليابانى فى توكيلاته
7) استهلاك البنزين : موديل 2009 موفر جدا لانه 1500 سى سى بس 107 حصان استهلاك فى حدود : 7 الى 10 لتر لكل 100 كم
8) التسارع ممكن يكون اقل من المازدا بفرق بسيط لا يتعدى الثانيتين و ده من 0 الى 90 و ده علشان الدفع الرباعى بس بعد 90 كم/ساعة تسارع السوبارو اسرع و اعلى ..
9) الاوبشن على حسب الموديل :
2009 فيها 3 مستويات : مانيوال : كل الاوبشن من غير كروز كونترول + 2 اير باج
اوتوماتيك : فيه كروز كونترول + 2 ايرباج
اوتوماتيك : كروز كزنترول و 6 اير باج و حاجات تانية مش فاكرها
العيب الوحيد فالسوبارو سعر اعادة البيع : و ده لو انت جايبها زيرو لانك هتخسر فيها انما لو هتشتريها مستعملة هتبقى صفقة رابحة ليك لان السعر اللى هتشترى بيه لا يساوى امكانيات العربية و مش هينزل عن كده.
الف شكر ياباشا بس عندي سؤال ياباشا هيه واطيه علي الارض ولا لا؟
وتحياتي ياباشا
الارتفاع مش فارق عن المازدا كتير ... السوبارو اعلى من الهوندا الجديدة حاجة بسيطة. مش هتحس بمشكلة و انت ماشى . الا لو مركب كل العربية معاك تاخد المطبات بحرص و بس
السؤال علي الامبريزا الزيرو ولا الشكل القديم اللي هو من اول 2008؟
لو علي القديمة هي واطية زي المازدا بالظبط.. استهلاك البنزين اوحش من المازدا.. المتوسك بالتكييف في وسط البلد 11.5 و ممكن 12 علي حسب اشاراتك و قرصك..
البوجيهات بتتغير كل 100 الف مش 35.
الجديدة بوجيهات نفس النظام.. و الكاتينة جنزير مش بتتغير.. استهلاكها احسن شوية عشان 1600 و سي في تي..
تعقيب لكلامك : التوكيل بيغير بوجيهات على 25000 الى 35000 كم و ده مع موديلات 2004- 2007 ...اقتباس:
المشاركة الأصلية كتبت بواسطة ahmad allawy