هل ممكن مدفعش التامين الاجبارى بعد ماجيب العربية قسط

**shshtawy** · 15-04-2013 11:44 AM

ياعنى ممكن ادفع اول سنة تامين اجبارى مثلا على العربية علشان لو هجيبها قسط هل ينفع بعد كدا مادفعش التامين الاجبارى دا لانة هيبقى غالى جدا وفى ناس بتقول انة ملوش لازمة انا بتكلم بس هل يمكن انى مدفعش التامين الاجبارى دا ولا دا باين من اسمة كدا ( اجبارى )
ياعنى ايه اضرار انى لو مدفعتش التامين او مأمنتش اصلا وهل التامين بيبقى مع الترخيص ولا بعد الترخيص ولا الترخيص متوقف عليه او البنك الى هقسط منة بيشترط انى بامن الاول ولا ايه ياريت الى فاهم يفهمنى لانى محتار جدا فى النقطة دى

**Ahmed_Ramadan** · 15-04-2013 12:55 PM

ببساطة شديدة و عن تجربة إتنين أصحابى ... لو عربيتك إتسرقت أو حادثة Total Loss إنت هتبقى لبست فى الحيطة

**Fo1Fo** · 15-04-2013 05:00 PM

ماكانش حد غلب ........... المرور مش هايجدد الرخصه الا لما تجيب جواب من البنك ............ والبنك مش ها يديك الجواب الا ما تروح تدفع قسط التأمين السنوى . وبس

**mohamed_selim** · 15-04-2013 05:08 PM

العضو بيتكلم عن التامين الشامل اللى بيكون اجبارى مع التقسيط مش التامين ابو ١٠٠ جنيه بتاع المرور

**D . a .\ AYMAN** · 16-04-2013 12:06 AM

التأمين الإجباري بتاع المرور حاجة والتأمين اللى البنك بيشترطه مع البيع بالتقسيط حاجة تانية خالص

التأمين الإجباري بتاع المرور ... ده مش هاتعرف ترخص إلا لما تدفعه وبيكون في حدود 300 جنيه عن الثلاث سنوات تقريبا .. وبيكون ضد المسئولية المدنية فقط ولا يغطي تكاليف أية إصلاحات لتلفيات قد تكون لحقت بالسيارة

لكن التأمين بتاع البنك ده بيكون تأمين شامل على العربية ضد الحوادث والسرقات ... عشان لو لا قدر الله حصل حاجة للعربية البنك يعرف ياخد بقية فلوسه من شركة التأمين واللى بيتبقى بتاخده إنت ... الفكرة بقى هنا ن لو هاتقسط تبع بنك ... البنك بيلزمك إنك تأمن على العربية وهو بيعمل وثيقة التأمين بنفسه وقسطها بيدفع مع قسط العربية وبيتم تجديدها سنويا لغاية ما تخلص أقساط العربية ... بعد كدة بقى انت حر عايز تكمل معاهم وتدفع انت أقساط الوثيقة من بعد البنك هايقف أو تسيبهم

**shshtawy** · 16-04-2013 12:25 AM

المشاركة الأصلية كتبت بواسطة d . A .\ ayman

التأمين الإجباري بتاع المرور حاجة والتأمين اللى البنك بيشترطه مع البيع بالتقسيط حاجة تانية خالص

التأمين الإجباري بتاع المرور ... ده مش هاتعرف ترخص إلا لما تدفعه وبيكون في حدود 300 جنيه عن الثلاث سنوات تقريبا .. وبيكون ضد المسئولية المدنية فقط ولا يغطي تكاليف أية إصلاحات لتلفيات قد تكون لحقت بالسيارة

لكن التأمين بتاع البنك ده بيكون تأمين شامل على العربية ضد الحوادث والسرقات ... عشان لو لا قدر الله حصل حاجة للعربية البنك يعرف ياخد بقية فلوسه من شركة التأمين واللى بيتبقى بتاخده إنت ... الفكرة بقى هنا ن لو هاتقسط تبع بنك ... البنك بيلزمك إنك تأمن على العربية وهو بيعمل وثيقة التأمين بنفسه وقسطها بيدفع مع قسط العربية وبيتم تجديدها سنويا لغاية ما تخلص أقساط العربية ... بعد كدة بقى انت حر عايز تكمل معاهم وتدفع انت أقساط الوثيقة من بعد البنك هايقف أو تسيبهم

الف الف الف شكر لحضرتك يادكتور على الشرح والاهتمام

**shshtawy** · 16-04-2013 12:27 AM

المشاركة الأصلية كتبت بواسطة D . a .\ AYMAN

التأمين الإجباري بتاع المرور حاجة والتأمين اللى البنك بيشترطه مع البيع بالتقسيط حاجة تانية خالص

التأمين الإجباري بتاع المرور ... ده مش هاتعرف ترخص إلا لما تدفعه وبيكون في حدود 300 جنيه عن الثلاث سنوات تقريبا .. وبيكون ضد المسئولية المدنية فقط ولا يغطي تكاليف أية إصلاحات لتلفيات قد تكون لحقت بالسيارة

لكن التأمين بتاع البنك ده بيكون تأمين شامل على العربية ضد الحوادث والسرقات ... عشان لو لا قدر الله حصل حاجة للعربية البنك يعرف ياخد بقية فلوسه من شركة التأمين واللى بيتبقى بتاخده إنت ... الفكرة بقى هنا ن لو هاتقسط تبع بنك ... البنك بيلزمك إنك تأمن على العربية وهو بيعمل وثيقة التأمين بنفسه وقسطها بيدفع مع قسط العربية وبيتم تجديدها سنويا لغاية ما تخلص أقساط العربية ... بعد كدة بقى انت حر عايز تكمل معاهم وتدفع انت أقساط الوثيقة من بعد البنك هايقف أو تسيبهم

الف الف الف شكر لحضرتك يادكتور على الشرح والاهتمام