اقتباس:
بسم الله الرحمن الرحميم
السلام عليكم ورحمة الله وبركاته
وعليكم السلام ورحمة الله وبركاته
اقتباس:
ازيكم يا ايبيزاوية .. اخوكم ابيزاوى جديد :f_eyeb1[1]:
بس تعبت اوى العربية اشترتها موديل 94 glx وكانت اساسيتها كويسه بس الفرعيات فيها كل شويه تطلعلى
المشاكل المواجهانى وعايز تقولولى المختص للحاجه دى ايه ( ميكانيكى - كهربائى - .. ) والمكان فين مع العلم انى ساكن فى الشيخ زايد وشغلى فى مدينة نصر ..
اهلا بيك معانا في أسرة سيات
اقتباس:
1- فى زيت بينشع من فوق الماتور .. وبينزل على الأسلاك شوفت مقياس الزيت لاقيته كويس .. لكن صوت الماتور بقى أعلى وسحبه قل .. وبقيت اضطر انقل مثلاً على الرابع قبل ال 60 مباشرةً وقبل ال 70 انقل على الخامس والعربية مش بتجيب اكتر من 130 بالعافية ... وايه افضل نوع زيت للعربية عشان لما اغير.
نشع الزيت انا قولت لحضرتك انه من جوان غطا التاكيهات
ودي سهلة تعرفها - لو بصيت كويس علي الجوان - لو لقيته بيلمع - يبقي في نشع زيت
أما عن الكتمة فلها اسباب كثيرة جدا هنقاشها كلها واحدة واحدة بأذن الله
وأفضل الزيوت فدة لحد دلوقتي غير معروف
ولكن بوجه عام - احسن زيت هو اللي يخلي العربية مش مكتومة وفي نفس الوقت مايتبخرش منك بسرعة
اقتباس:
2- السورنايد الخاص بتعلية االعربية لما التكيف يشتغل بيعلق لكن لما اشغل التكييف العربية بتتظبط .. لكن حاجه غريبة جدا لما مروحة التبريد بتشتغل الآقى العربية عليت اوى والأربى ام على فميحصلش تبريد فالحرارة ممكن تعدى لقبل الخط الأبيض الأخير فى مؤشر الحرارة
طب ما تشوفه بيتباع فين وتغيره
اما عن مروحة التبريد بتعلي العربية - فدي غريبة شوية - لأنك كربراتير وماعندكش كونترولر
وعموماً المفروض الحرارة بتكون ثابتة علي النص - وبالتالي انت محتاج ثرموستات كوعة المياة
اقتباس:
3 - مية التببريد بتقل بشكل ملحوظ لكن مبمشيش بيها وهى قليله فلاحظت انه بيبقى فيها فتحه كده فى الجنب بس مش خرم هى فتحه فيها متغطيه بكفر اسود .. فالميه لما بتسخن بتطلع منها .. الأول مكنتش كده .. أنا سدتها على سبيل التجربة بمنديل وبكيس لاقيت الوضع أفضل .. لكن واحد قالى ان كده لازم تغير الطرمبه لان كده ممكن يضربلك خراطيم مهمه فهى بتخرج الحرارة من الفتحه دى .. فمش عارف ده نتيجه للحرارة اللى بسببب السورنايد ده ولا بسبب نشع الزيت ولا حاجه تانيه وانا مش شايف اى حاجه بتنقط الا دى
فتحة الجنب بتاعة القربة المفروض انها للتنفيس - ولما العربية بتسخن جدا over heat
اول لما تفتح الغطا - المياة بتخرج من الفتحة دي - وعشان كدة عاملين الغطا الأسود علشان ما تأذيش البني أدم اللي فتح الغطا
فكونها بتخرج مياة عندك - دة معناه ان اما المستوي ازيد من الماكس - او يوجد هوا بداخل الدورة بيخلي الدورة تغلي - او اعوذ بالله مشكلة اكبر
انت المفروض تغسل الدورة غسلة محترمة - وتكشف علي الردياتير وتسلكه - وتستخدم مبرد فولكس او هيبو
اقتباس:
4- بحس بعضه فى الفتيس ما بين الأول والتانى زى حكه رخمه كده مع العلم انى غيرت قاعدة الفتيس بس جبتها زيت مش جلد والعفشجى قالى مش هتفرق، وهل دى مشكلة زيت ؟ وايه افضل زيت لو هغير زيت
عضة الفتيس حاجة من ثلاثة
أما زيت - هيبان علي معظم الغيارات
أما واير دبرياج - هيبان معاك اول وريفيرس
أما فتيس نفسه - ودة أغلب الظن - معلقة الغيار الأولاني - وعموما الفتيس مش بيتصلح لأن قطع غياره غالية ومش موجودة ولو لقيتها بتبقي صيني ومش هتلاقي حد يفكه
اقتباس:
5- الدريكسيون تقيل جدا مع العلم انى جبت علبة وصليبه بس عاده .. وصاحب العربية كان بيقولى انه هاف باور .. وكل الصنايعية أجمعوا انها عادة .. وجبت علبه وصليبه لأن كان في عضه ولكن راحت الحمد لله بس التقل موجود
محتمل التقل دة يكون من البيض
بيض المقصات او بيض العجل او البطاحات (ودة احتمال بعيد جداً جداً)
وممكن يكون من فرد الكاوتش وخصوصا انك مجنط 15
اقتباس:
6 - عايز اغير كاوتشات واجيب جديد بس يكون السعر كويس ميزيدش عن 300 فى الفرده .. فتنصحونى بأفضل شئ للإبيزا ايه لأنى بحس بالمطبات جدا .. لأن الكوتش اللى عندى متهالك وماركته غريبة جداً .. واجيبهم منين.
هات بيريلي - او ميشلان
والكلام طبعا علي مقاس 13
لأن 15 مش اقل من 450 الفردة
اقتباس:
7- سير الدينموا والتكييف عندى بيصرخ جامد لأنى ملقتش الألمانى فجبت التايلاندى والشرشيه بتاعته كانت اعلى شويه من القديم ، وفى ونه فى الكلاتشه بتاعة تكييف وبتعلق احيانا مدورش .. وده بعد ما البصمجى اللى شحنلى التكييف قعد يضرب عليها بالأجنه عشان كانت معلقه فدارت ولكن زود البله طيبن.
غير سيور - واكشف علي الطنابير اللي بتجري عليها السيور واكشف علي بلي الشداد وبلية الدينمو وكباس التكييف
اقتباس:
8 - الدبرياج تقيل شويه وبسمعه بيزيأ بيعمل صوت كده لما بدوس عليه ده عايز تشحيم ولا تغير ولا ايه .. ؟
دة واير
او بدال (سوستة البدال)
9 - لما نضفت الكاربيراتير .. العربية الصبح كانت تجننى عشان يستمر الماتور داير .. لازم افضل دايس كتير على البنزين جامد وكانت تبطل بردوا .. روحتلهم تانى قعدوا يظبطو ولكن اتعدلت شوية وكان موفرلى بنزين جدا جدا جدا .. ولكن لما روحت للكهرباءى قالى فى حد موطيلك الكاربيراتير وعلاهولى بس اتعدلت اكتر ولكن بتسحب كهرباء ..
علما بأن فونية السلانسيه كانت واسعه وهما ضيقوهالى وعندى البوابة المسئوله عن تسخين العربية الصبح اللى اخد منه العربية كان قافلها وسادد الخرطوم بتاعها .. وبتوع الكاربيراتير قالولى ملزوقة بأمير فمش هينفع نفتحها .. .
.... الحاجات اللى عملتها لما جبت العربية ....
- غيرت قاعدة ماتور أمامى وقاعدة فتيس وعلبة دريكسيون والصليبة بتاعته .. وغيرت سيور ونضفت الكاربيراتير وشيكت على الكهرباء وغيرى جلدة السورنايد ده وبليه دينمو .. .
- وكل ده يا جماعه من الحرفيين والمشوار صعب جدا عليا وتعبت والصنايعية مش حاسسهم جامدين جداً يعنى انا روحت عند عفشجى اسمه احمد سوسته ومكانيكى اسمه ياسر هو شغال فى الفولكس بس وهو اللى دلنى على بتاع التكييف اسمه خالد ودلنى على احمد سوسته، والكهربائى كان فى المعادى بيشتغل فى الالمانى مرسيدس وغيره وده كان افضلهم بس ملحظش مشكلة السورنايد ظن انه عملها
- قطع الغيار جبتها زى ما استاذ حسام قالى من احمد رضوان وفعلاً ملاقتش كل حاجه الا عنده ... وان شاء الله هعملكم موضوع بالأسعار.
- المشكلة المواجهانى انىبضرب مشوار للحرفيين وطبعا لو فى اى حاجه تانية برجع على هناك لاتفه الأسباب والمشوار من زايد لهناك مش سهل .. وانا احتمال اروح انهاردة لصنايعية شبه الحرفيين كده بس فى الحى السابع فى مدينة نصر سمعت انهم كويسين بس عايز ارائكم واعمل ايه وترتيبى يكون ايه يا ابيزاوية ..
