شكرا للمعلومات القيمة
طيب انا استقريت على الخشب وبفضل الخشب الارو
طيب احكم الزاى على نوعية الخشب واقدر احدد سعره ازاى؟
ولو تعرف حد يكون شغله نظيف واسعاره كويسه ياريت تدلنى عليه
عرض للطباعة
الصورة على قدى بس هحاول اوضحهالك
http://nileup.com/up/uploads/nilemotors_13662040051.jpg
هتلاقى فى اول صورتين الضلفة متجمعة بكنكتور داخلى *بالتعشيق* وطبعا ملهاش مسامير وفى الشكل بتكون افضل طبعا بس تكلفة اعلى ..
وتانى صورتين الضلفة متجمعة بكنكتور *بس التجميع بتاعها بالمسامير*
وكنكتور دة عبارة عن حرف L بيكون *معدن او بلاستيك* وبيربط القوائم ببعضها .
على اى ياافندم .. هوة أنا بصراحة ماليش احتكاك جامد بمجال الخشب وكـــــدة ..
خشبمونيوم بس .
هو انا بردوا ان شاء الله هابتدي علي شهر 10 كده بس باخد فكرهعلشان لما انوي ابقي عارف هاتجهه ازاي
بس سؤال .. حد راح للناس اللي في شارع رمسيس لاني سمعت من واحد صحبي بيلف بردوا ان اسعار الخشب ب 800 و 900 و شغل نظيف اوي و الخاشمنويوم ده ب 1300 - 1400 (مش عارف ليه الاعضاء بتقول اسعار عاليه اوي كده) ولا ده الطبيعي ولا ايه
ياريت لو حد لف علي مطابخ بالاسعار العاليه دي يروح شارع رمسيس و يشوف الشغل ... اكيد هايبقي فاهم احسن مني انا ليسه ببتدي ادور و هايعرف يقارن بناءا علي اللي شافه عند الاسعار الغاليه دي
إيه رأيكم لو الواحد استخدم الرخام الجرانيتي في عمل الجوانب والأرفف زي ما في الصور دي - ويكمل باقي الأجزاء بالخشمونيوم - كده يضمن سهولة التنظيف وعدم تعشيش الحشرات فيها
http://www9.0zz0.com/2013/04/18/05/864248572.jpg
http://www9.0zz0.com/2013/04/18/05/666650525.jpg
http://www9.0zz0.com/2013/04/18/05/885153901.jpg
وفيه حاجة مهمة جدا - الأفضل أن يتم رفع الأرضية اللي تحت جميع الأجهزة والأثاث في المطبخ
علشان تضمن إن المياه ما تتسربش تحت المطبخ أو البوتاجاز أو الثلاثجة أو أي شئ - والجزء المرتفع يتعمله ميل بسيط جدا إتجاهه من الجدار للداخل علشان لو فيه مياه اتسربت من الحوض أو أي توصيلة تنزل مباشرة لوسط المطبخ وما تتجمعش تحت الأثاث الثابت
والأفضل إن الجزء المرتفع يتعمل بالسيراميك أو بالرخام مش يكون جزء من خشب المطبخ علشان يتحمل
http://www9.0zz0.com/2013/04/18/06/558019534.jpeg
http://www9.0zz0.com/2013/04/18/06/650421383.jpg
وده تصميم جميل لحوض المطبخ
http://www9.0zz0.com/2013/04/18/06/346315816.jpg
.
ال mdf زيه فى السعر زى الزان والارو بيزيد 15 % على السعراقتباس:
باشا بما انك فى االمهنه
ايه رايك فى الmdf
مع الرغم انه شكله حلو جدا بس مش عملى(راى الشخصى) واراء ناس كتير استخدمت الmdf
ياريت تنورنا برضو
ومشكور على ردك
بس عموما هو بياخد طبقة لون زى دوكو السيارات دى بتقفل مسام الضلفة + كمان طبقة جلوسى لميعة بتعمل عزل كامل اضافى للضلفه وبيتجلد فرومايكا او قشرة من ضهر الضلفة
وحكاية انه ضعيف فهو بيتعزل زى ماذكرت وان المفصلات بتفك منه فهو بيجيله مفصلات من اكبر مصنع ميكانيزمات فى العالم بلوم نمساوى ودى مخصصه لل MDF وبتدخل كبس فيه مش بمسامير وعليها ضمان 20 سنه والضلفة بترد على الهادى بدون صوت مهما رزعتها وكذلك الادراج والقلابات كلها self closing
+ كمان ان المطبخ واقف على رجول ومتقفل بوزره من تحت يعنى المطبخ لو غرق ولا اى مشكله لان العلب عاليه مش لازقة فى الارض زى الصور كده(الفريم الفضى اللى بطول المطبخ من تحت هو الوزره اللى بتكلم عليها)
ميزة ال mdf هى انه تحفة فى المطابخ الملونه والمودرن والالترا مودرن والامريكان كيتشن
وبيكون المطابخ بتاعته زى كده
http://3.bp.blogspot.com/-O7c7VU7UQY...ictures+15.jpg
http://www.ice-cad.com/pictures/kitc...italy-give.jpg
بعد لف ودوران فى الموضوع ده...!!
قدام حضرتك حاجه من اتنين..
لو زوقك كلاسيك مش هينفعك ولا الومنيوم ولا بى فى سى ولا اى راتنجات خالص...!!
لكن لو مودرن او كلاسيك مش فارقه معاك يبقى خليك فى المطبخ الخشب أشيك وأقيم وهيبقى عندك اشكال والوان وموديلات وفورم لا نهائيه....!!
طب النقطه اللى بعد كده....الميزانيه ظروفها ايه...؟
وعلى حسب المبزانيه هتحدد هتعمل ايه...
تشترى من شركه محترمه زى مفكو حلوان مثلا او معرض مضمون ومحترم....
تعمله عموله عند نجار أمين وصنايعى جدا جدا جدا..
سيبك من الكتالوجات وخش عالنت ونزل صور المطابخ وإطبعهم واضحين وناقش النجار او المعرض فى كل التفاصيل عشان تبقى متطمن انك هتاخد اللى نفسك يبقى راكب عندك...
وبهد ما تختار الإستايل اللى عجبك...ستييل او مودرن او امريكان او الترا مودرن وتحدد الوانك هتلاقى نفسك ماشى اوتو ماتيك فى الاختيارات...
يعنى مثلا....
عاوز المطبخ يبقى واضح فيه ثمره الخشب وتقسيماته ولا هتدهنه دوكو زى اللون الأحمر والاسود او الفضى مثلا....
لو المطبخ هيبقى لونه أحمر يبقى كفايه اجيب خشب زان للقوائم وكونتر محترم للأجناب وأهتم بالدهان ونوعه..
لكن المطبخ لو هيبقى على لونه الطبيعى ويتدهن بوليستر او بلوريتان او استر يبقى فى احتمالات تانيه..
ممكن اجيب قوايم زان وجوانب وضلف كونتر جودوود بقشره أرو ...وفى ضلف بتتباع جاهزه أرو وإم دى إف و أنواع مختلفه من الخشب...
المهم عشان انا طولت قوى.....
التباديل والتوافيق لا نهائيه فى الموضوع ده حدد الموديل اللى يعجبك وبعدين حدد الميزانيه وهي اللى هتوجهك....!!
ولو محتاج رقم نجار محترم ممكن ابعتهولك على الخاص ..
والف مبروك مقدما ...
و مازال البحث مستمرا