ربنا يسعدكم و يباركلكم
زي ما انتم اسعدتموني بالكلام ده
عرض للطباعة
ربنا يسعدكم و يباركلكم
زي ما انتم اسعدتموني بالكلام ده
فكرة د / أحمد سمير أكثر واحدة متماشية مع فكر السوق ،،
تقليل المخاطرة لأقصي حد ،،
و فكرة ماتيما برده مالهاش مخاطره تقريبا لأن يوم ماهتخسر هتبيع شركة النصر تاني
بس محتاجة فلوس اكتر بكتير و اصعب في التنفيذ
عموما انا شايف المخاطرة ضعيفة في كل الأحوال لأن السوق المصري مش بيكبر ده بينفجر
و لو نجحتم انكم تعملوا عربية معقولة بسعر معقول اكيد السوق عايزها لأقصي درجة
فيه تجربتين ممكن نقتدي بيها ،،
1- التجرية التركية و الهندية و غيرهم كتير ،، نكون مركز تصنيع للمنطقة لشركة كبيرة
صعوبتها اقناع الشركة الكبيرة بان مصر افضل من تركيا و المغرب و اوربا الشرقية
غير ان غالبا ليها توكيل في مصر
2- التجربة الكورية و الماليزية ،، نشتري التكنولوجيا و الإحلال واحدة واحدة
و شركة زي ميتسوبيشي بتعز الحكاية دي اوي
و اساسا عاملين شركة للخدمات دي من اول خط الإنتاج و التصميم لحد الإدارة
http://www.mae.co.jp/en/index.html
و نستفيد بعمل اسم و سياسة تسعير مستقله
و ليا عودة ،، الموضوع شيق جدا
بداية يا أستاذ محمد انا احييك على هذه الفكرة الرائعة,
أنا فكرتى فى تأسيس شركة جديدة كانت مبنية على تقليل المبلغ الى هندفعه من جانب, و من جانب أخر تجاوز المشاكل الهيكلية الموجودة فى شركة النصر و اللى هنورثها فى حالة شرائها زى العمالة الزائدة و الديون و غير ذلك, بالاضافة الى أن بناء الورش ربما يكلفنا أقل من شراء الورش الجاهزة. و فى النهاية أنا معاكو فى اى حاجة و لو الموضوع مشى هشارك باللى أقدر عليه.
اتمني ييجي اليوم و يبقي الحلم حقيقه
متابع بإهتمام
مشكورين جميعا
و انا اعرف واحد من ضمن اصطف الاقتصاديين في منصور
و قلتله و هو عرض يعمل دراسه مبدئيه
و هيبدا يسأل الاول عن عدد العمال في الشركه
و الاراضي الموجوده و اماكنها
و هو عنده علم باسعار خطوط الانتاج الجديده
انا معاك بفكرى وعملى وفلوسى كمان
وانا مهندس فى احد مصانع تجميع السيارات فى مصر
ومستعد اكون برضوا فى مصنع زى النصر للسيارات بس يبقى بتاعنا كلنا
اتكل على الله وابدا وكلنا معاك
على فكرة خطوط الانتاج مبدأيا مش هتحتاج اكتر من المعدات اللى فى النصر للسيارت من كونفير وخلافة
بس الاهم من المعدات عايزين ادارة للصيانة تكون واعيه لان روح مصانع تجميع السيارت هى ادارة الصيانة
وبالطبع عايزين موردين محليين غير العالميين وده انا عندى فكرة كبيرة عنه
يعنى ممكن نهيكل الشركة دى كويس اوى اوى كمان
ونبقى على نور من الاول لجميع المساهمين ان جنى اى اربحا مش قبل 5 سنين من البداية علشان ما حدش يفضل يزن
لانك محتاج تطور المصنع كل سنة فى اول خمس سنين علشان تلحق فيهم توصل لتصنيع سيارة تكون جديرة بالمنافسة
وعلى فكرة كمان انت ممكن تشتغل على ربع المساحة فقط وهتبقى شىء كبير جدا وتبيع الباقى هيفيد جدا فى تمويل الشركة
فكر بجد وانا معاك وليا اتصلات بشركات عالمية كتير سواء لقطع الغيار او للشركات اللى عايزة يكون ليها مصنع تجميع فى مصر
ان شاء الله نبقى حاجه فى دنيا صناعه السيارات
نسيت اقولك لك ان فى شركة هندية بدون ذكر اسامى انا باراسلها لان المشروع ده بيزن فى دماغى من زمان واقنعتها ان مصر محتاجه عربيتها اوى وعندها استعداد كامل تقف جنبنا فى تجميع مبدأى لعربيتها فى مصر وبعد كده نشترى حق المعرفة منها ونطور احنا زى ما نحب
ابدأوا بقى انا هاموت ونبدأ
يا جماعه جميل جدا اللى احنا بنقوله
كده ناقصنا ايه؟
لازم نعرف سعر البيع
لازم نعرف هنجمع انهى عربيه ولا هنطلع باسم جديد لينا
لازم نعمل دراسه جدوى لللحالتين ونختار الاحسن او الاسهل نبدأ بيه
لازم نشوف المسائل القانونيه اللى ممكن تعطلنا فى قيام هذا المشروع
لازم نعرف الحكومه هترضا تبيع لاى حد ولا هيكون بنسبالها رجال الاعمال المعروفين احسن مننا :(
بعد كل ده نشوف مين عايز يدخل معانا فى المشروع عشان هيبقى اتحدد حاجات كتير
- المبلغ المطلوب على عدد الامشاركين؟
- تقريبا مش هيكون فى ارباح قبل كام سنة؟
- ايه الضمانات اللى هنعملها؟
- ايه اللى هيحصل لو المشروع فشل لا قدر الله؟
ياريت نبتدى بسرعه ونشوف الحاجات اللى قولت عليها الاول عشان على اساسها هنحدد المشروع هينفع يقوم ولا لأ
والله ياجماعة كلمكوا جميل جدا فيه حماس الشباب وروح النجاح والتفكير المنطقي وأنا معاكم أن شاء الله بس الصراحة فيه حاجة معجبتنيش أنكم أفترضو أننا نفشل وده أسوء حاجة في الموضوع لأسباب كتير
1- أننا مش هنعرفو نواجه أي مشاكل تقبلناا لأن عند أول مشكله وده لازم يحصل هنتوقع الفشل فشلتم وأنتهى الموضوع
2- أن أنتم بتتكلموا في حاجة لابد عشان تنجح الناس تحس أننا مستقريين مش متوقعيين الفشل وبالطريقة ديه مش هننجح لأني الناس هتلبس الي هتشتريه
3 أننا لازم يبقي عندنا يقين المؤمنين
لازم ياجماعة نعد مع بعض ونفكر في الموضوع بجدية حتى لمجرد التعرف على شباب يرى الجدية في الحياه ولابد أن ينجح أن شاء الله
وأنا بقترح في نادي المهندسيين بالقاهرة
أخوكم المشارك معكم بكل جوارحه حازم
طيب ايه المانع يتم انشاء شركة و يتم الاكتتاب في اسهمها .. و تستحوذ بعدين على النصر للسيارات و بكده ممكن الناس تكون جاهزة و الادارة واقفة على ارض صلبة وقت بيع شركة النصر
و الاكتتاب ممكن يتغطى لو في دعاية ان دي شركة وطنية تهتم بنهضة هذه الصناعة الهامة في بلدنا
لو كل واحد من ال 25 مليون مشترك في الموبايل استغني عن 10 ج تمن سهم واحد هيكون في 250 مليون جنيه
و لا ايه
أنا شايف الحل في حملة كبيرة وجسيمة يقوم عليها فكرة تأسيس الشركة ..
يعني مشروع حملة مصرية لإنقاذ شركة النصر بفلوس المصريين ..
ويعلن عنها في جميع وسائل الإعلام .. وأنا علاقاتي بيهم كويسة جداً ..
وبعد هذه الحملة المنظمة تتم المسألة وفق الدراسات التي قمنا بها جميعاً .. والتي يتم التنويه عنها كذلك ضمن فعاليات الحملة ..
المهم إن ده هيعمل ضغط على الحكومة ، وسيقابل بحرب شرسة من شركات تصنيع السيارات .
النية الصادقة أهم حاجة في الموضوع
يليها حسن التنظيم والدعاية والترويج للمشروع
ثم حسن الإدارة .
تقبلوا خالص مودتي
حضرتك بتتكلم صح
و يكون أساس الحملة توجيه فكر المواطن للفايدة اللي هتعود عليه من الموضوع
أول حاجة ممكن يشتري أسهم كتجارة و يكسب من الموضوع
تاني حاجة هيركب عربية منتج بلده و بسعر معقول
و خد عندك حرب للصبح من الكبار أصحاب توكيلات السيارات
بس مش مهم
لو الفكرة اتسوقت إعلامياَ كويس و برامج كتير إتكلمت عنها
صعب تقف
فكرة جامدة بجد
انا شايف
ان اهم حاجه الناس تكون واثقه في بعض و واثقه فالله
و عايزه التحدي ده
اهم حاجه طينه الناس تبقى كويسه
معلش اعذروني اصلي فقدت خالي النهارده