الموضوع: عرض خاص جدًا من عز العرب

انا كنت حخلص فى جين2 من اسبوعين و الحمد لله ان الموضوع فكس كمان دى بقت ب 110

كده الياباني كاسعار قطع غيار اصلية مش غالية !!

بصراحة لما بسمع او اشوف قائمة اسعار بعض السيارات الاوروبية بستغرب من تعليقات اصحاب السيارات دي لانهم بيشتكو انها مرتفعة نسبيا .. ييجو و يتفرجو علينا
و بمناسبة تيل الفرامل الامامي اللي عليه الخصم .. والله الواحد مش فايق للتوكيل المحترم ده بس بصراحة هو فعلا توكيل متؤامر و أهبل في نفس الوقت و هقول السبب , لانه مطلوب منه كتوكيل معتمد لسيارات بروتون في مصر ميبيعش غير قطع غيار اصلية معتمدة من بروتون ومش بس معتمدة , ده كمان لازم تكون بجودة عالية .. يعني من الاخر قطع الغيار اللي اشتريها منه تكون طالعة من المصنع اللي بيتجمع فيه العربية هناك .. لكن التوكيل المحترم بيخير الناس بين الاصلي و بين المضروب اللي ممكن يقل من كفائة قطع تانية زي تيل الفرامل المصري واللي بيعمله في الطنابير ..
عموما دي فكرة اعتبروها مني صدقة جارية للي عاوز يشفي غليله من التوكيل الاهبل
من الاخر التوكيل بيبيع قطع غيار غير اصلية وانا مسئول عن اي كلمة بقولها ..

المشاركة الأصلية كتبت بواسطة d . A .\ ayman

ما هو ده مش توكيل للأسف ده عربجي ... بالذات مع ماركة بروتون ... أعتقد بقية الماركات المعاملة معاهم مش بالسوء ده ... وإن كنت أتمنى حد من أصحاب السيتروين على الأقل يؤكد كلامي ده

أتمنى من كل قلبي سحب الوكالة منه وتوليتها من هو أفضل منه

وأنا كذلك أتمنى أن تُسحب الوكالة منه، وتروح لأي حد إلا ذُل العرب ده.

الحاجة المثيرة للاندهاش والشفقة في آنٍ واحدٍ، أن كنت باتكلم مع مهندس استقبال جاي من فرع اسكندرية بعد ما قفل، وبأقوله إن شاء الله الوكالة تنسحب من عز العرب، كفاية كده.

قال يا راجل، هو بروتون بقى له اسم وصيت وأصبحت معروفة إلا من بعد ما مسكها عز العرب!

قولت له: صيت واسم ومعروفة...بأمارة ما أنت مترحل من الاسكندرية بعد ما الفرع قفل، وكنت بتسافر رايح جاي كل يوم!

بس هو العرب لسه باقي لهم عز؟! عز العرب سُلِب وضاع من زمان - إنه العز المفقود!

عز العرب آه...يا راجل كبر مخك!

للاسف التوكيل مضيع العربيات ديه.. لو توكيل كويس خد بروتون و اهتم بالصيانة و معالجة عيوب الصناعة و رضاء العميل
و الله يمكن تنافس عربيات تانية كتير اعلى منها فى الفئة

المشكلة ان التجار و بتوع قطع الغيار الاستعمال بيعرفوا اسعار التوكيل و يسعروا على اساسها ....يعنى يقولك لو مش عاجبك روح سوف السعر فى التوكيل و هترجع زاحف .....كله بيستغل كله