+111111111111111111111111111111111
عرض للطباعة
ليه بس هو حد طايل و بعدين اخونا بيقول والده ربنا يديله الصحة بصحته يعنى خدمته ايه اكل غسيل و الله افتكر الاثر بتاع الثلاثة اللى اتحبسوا ف الكهف و قالوا كل واحد يقول عمل صالح عمله ينكن ربنا يفك عنا فواحد منهم قال انه كان يقف بالاكل الفطار يعنى على راس السرير مستنى ابوه و امه يصحوا يفطرهم قبل ولاده دا حتى لما بداية الحياة كده تبقى بانكار الجميل دا تبقى نهايتها مش ولابد
أنا شايف إن سواء حضرتك أو الطرف الآخر مخطئين
مش من حق حضرتك إنك تقرر إن والدك يقعد في بيت الزوجية ... ولكن من ناحية أخرى هي من حسن العشرة والتقرب إلى الزوج المفترض أن تتقبل هذا الأمر بشيء من الصبر إكراما لزوجها إذا ما كان مضطرا لهذا
...
وطالما إن حضرتك بتقول إن والدك ما شاء الله عليه ربنا يباركله في صحته ويحفظه ويديمها عليه نعمة إنك ممكن تشوف سكن قريب منه أو تشوفله سكن قريبا منك بحيث أن تكون عملية زيارته على فترات متقاربة أو يومية أمر سهل وبسيط ... والمقصد هنا أن يكون بيت الزوجية مستقل ... يعني لو نفس البيت والزوجة ممكن يكون ليها مكان مستقل فهذا يكفي
ولكن الانفصال هو سنة الحياة وطبيعة الكون ولا يصح أن توقف حياتك على أمر كهذا
....
بالنسبة لمن فرج الله عنهم وكان منهم الذي كان عمله الصالح هو رعايته لوالديه وقيامه بالاهتمام بهم قبل أولاده ... المشكلة هنا أننا لا نلاحظ أنه هو الذي كان يهتم بوالديه وليست امرأته ... فالزوجة ليست مسئولة عن رعاية مالدي زوجها شرعا .. ولكنه يكون تفضلا منها وإكراما لزوجها ومن حسن عشرتها معه ولكنه ليس واجبا عليها حتى
وللأسف ما يحدث فعليا في مجتمعنا اليوم هو أن تبدأ المشاكل بين الزوجين لهذا السبب ... ويكون الطرفين من وجهة نظري مخطئين ... هو لأنه يطلب منها خدمة والديه أو أحدهما دون وجه حق له في ذلك ... وهي لرفضها ذلك لأنها بهذا لا تكون قد أكرمت زوجها في هذا الأمر ... ولكن خطئه هو أعظم من خطئها
لو الموضوع في مرحلة الخطوبة وخطيبتك لا زلت تتعرف عليها ولا شيء يربطها بك بعد .. فكر معي .. ما الذي يجبرها على قبول هذا الأمر
ومش معنى إنها إذا قبلت بهذا الأمر فهذا دليل على أنها شخصية جيدة وتطيب عشرتها ... لأنها ممكن تكون ما صدقت حد يطلبها للزواج ... ووافقت وخلاص واللى يحصل يحصل وبعد كدة هي هاتطلع عينيه وتخليه يمشي من نفسه .. النوعية دي لو وقعت فيها أوحش من الآخرين ... لأنها قررت دون تفكير ... أو قررت مع تفكير شرير
من الآخر نصيحتي ليك إنك تخرج والدك من المعادلة وبعد كدة الموضوع ممكن يفرض نفسه بنفسه وفق ما يقدره الله لك
...
ما أقوله هو وجهة نظر شخصية في الأمر ... والله سبحانه وتعالى أعلى وأعلم
لو إنت حاطط فبالك انك عاوز تتجوز واحدة عشان تاخد بالها من والدك ربنا يباركلك فيه ويديله الصحة أكيد حتلاقي إن شاء الله
بس أنا من رأي إن يكون فيه شوية من التساهل
لإن بنت نفسها تتجوز ويبقي ليها بيتها ومحدش يشاركها فيه
قيسها علي نفسك لو حبيت تتجوز واحدة وحماتها حتسكن معاك طول العمر عشان ملهاش حد
الوقع النفسي اللي حيبقي عليك حيبقي زي عاللي اللي انت بتختارها دلوقتي
لو انتوا قريبين في السكن من بعض ممكن تعدي عليه كل يوم تشوف عاوز ايه
تجيبه يقعد معاك يومين كل اسبوع
لازم يكون عندك مرونة زي ماهي حتتقبل وجوده معاك
وربنا يرزقك الزوجة الصالحة
صعب اني اسيبه والله نفترض حصله حاجه انا طبعا مش هالغي القدر هو صح الحمد الله صحته كويسه لكن عمره 61 سنه يعني ممكن يحصل اي حاجه حتي لو مش هاتجوز طول عمري مش هاقدر اسيبه لحظه
ربنا يخليه ليك و يخليك ليه
انت ابن اصل بس الكائنات اللي عندنا ما بتفهمش كده
بالمناسبة اي بنت مصرية لو امها جالها برد ...... و جوزها كان عنده القلب .......... هتسيب جوزها و تجري على امها
انا شايف انكوا الاتنين ليكوا حق و في نفس الوقت غلطانين
هي برضوا ايه اللي يغصبها علي انها تقعد مع والدك
واكيد تسمع عن مشاكل الاهالي بتدخلهم في شئون اولادهم بعد الجواز
ما بالك انه هيعيش معاكوا
مش لازم الفكره انه هيبقي مش كويس معاها او مش هيتدخل بس هي عندها حق الصراحه
افضل حل انك تجيب شقه في نفس البيت او بيت قريب اوي من بيت والدك
او يبيع الشقه اللي فيه و تجيبوا شقتين في نفس عماره واحده و بكده انت جنب والدك
وفي نفس الوقت اديت حريه لي الهتتجوزها ان شاء الله
ياباشا نصيبك بس لسه مجاش ، ان شاء الله ربنا يرزقك بواحدة بنت حلال ، زي مانت بتكرم أهلك ، ربنا هيكرمك بواحدة زيك بارة باهلة وربنا ان شاء الله يرزقك بذرية تبرك زي ما بتبر اهلك ، ربنا بيحوش عنك البنات الل ممكن تضايقك في حياتك بع كده ، مقابل انك حريص على بر والديك ،
انتا بترضى امك وابوك ..... ودة واجب عليك
خليك على موقفك
إن شاء الله ربنا يديلك زوجة افضل مما انت شخصيا تتمناها(جزاء حبك وطاعتك لوالديك)
وربنا هيرزقق اولاد يعملوا معاك نفس ال انت عملتة مع والديك
ربنا يبارك فيك....... إن الله مع الصابرين إ>ا صبروا
بص انت كلامك صح واى كلام تانى يبقى تهريج اللى مالوش خير فى اهلة مالوش خير فى حد انا خطبت مرتين رسمى وقريت فاتحة 3 مرات وبتحصل خلافات ابسط من موضوعك بكتير لغاية والله رحت مع واحد قريبى علشان اشوف عروسة معرفته وكنت خدت قرار بالسفر لامريكا وبدئت الاجرائات وكنت رايح متعكنن ودقنى طويلة ورحت علشان اريح والدتى ووالدى المختصر ارتحت قوى عند بيت اهل زوجتى واعجبت جدا بحنيتها وخصوصا لما عرفت انها بتخدم جدتها القعيدة لمدة حوالى 4 سنوات من اول ماكانت فى الثانوى قبل ماتخش الجامعة وبسرعة لقيت الموضوع مشى والحمد لله فانت ماتستعجلش ونصيبك حيصيبك بس انت متقفلش الموضوع وخليه فى دماغك بس انصحك لازم تكون صريح مع خطيبتك المستقبلية بخصوص والدك وفيه اقتراحين :
ممكن تتجوز من السوريات اللى موجودين فى مصر حاليا ودى مش حتتكلم 1/2 كلمة معاك وبيبقو حلوين واساتذة فى الطبيخ ولغاية سن ال15 سنة !!
ممكن تشوف عروسة لوالدك من معارفكوا تكون فوق ال 50 علشان تونسة وتشوفلك شقة تانية !!
و 1000 مبروك مقدما !!
:3mla::3mla::3mla: