صيانة الـ 5000، وتجربة سيئة!

**D . a .\ AYMAN** · 16-04-2013 07:57 PM

المشاركة الأصلية كتبت بواسطة ramyar

نصيحه من اخوك انا معايا برسونا 2010 ماشيه 50000 وعن تجاااارب كتبر من الي مايتسماش عز العرب
خليك مع عصام صفا
ثانيا اوعي ترش wd40 لان فيه نسبه زيت وهتخلي الفرامل تضعف
طبعا نظريه عمل الفرامل بتعتمد علي احتكاك التيل مع الطنابير لايقاف حركه العجلات
ولما تحط ماده زيتيه بين جزئين محتكين بيقل الاحتكاك

أنا بتكلم عن تجربة في عربيات كتير ... مش بيأثر على أداء الفرامل نهائيا لأن نسبة المادة الزيتية اللى موجودة فيه غير مؤثرة نهائيا .. هي في النهاية مش زيت خالص ولكنها تركيبة مزيلة للصدأ ... يعني أقرب إلى السولار منه إلى الزيت ولكن دون خواص السولار الأخرى

**Motarjim** · 16-04-2013 08:01 PM

المشاركة الأصلية كتبت بواسطة ramyar

نصيحه من اخوك انا معايا برسونا 2010 ماشيه 50000 وعن تجاااارب كتبر من الي مايتسماش عز العرب
خليك مع عصام صفا
ثانيا اوعي ترش wd40 لان فيه نسبه زيت وهتخلي الفرامل تضعف
طبعا نظريه عمل الفرامل بتعتمد علي احتكاك التيل مع الطنابير لايقاف حركه العجلات
ولما تحط ماده زيتيه بين جزئين محتكين بيقل الاحتكاك

جزاك الله خيرًا أخي الكريم رامي على النصيحة الغالية.

طيب أنا شوفت في إحدى البنزينات أو محلات مواد العناية بالسيارات المغذية لمراكز الكار كير، مادة أو سائل مخصص لتنظيف التنيل والطنابير، مش فاكر فين ولا اسمه إيه!

كمان قرأت في إحدى منتديات السيارات السعودية عن شيء من هذا القبيل.

اعتقد حاجة زي كده، ممكن تكون ذات فاعلية مع رشها بالطريقة التي شرحها الأستاذان الكريمان أيمن والفاروق.

في حد عنده رأي آخر؟

**Al-Farooq** · 17-04-2013 12:43 AM

المشاركة الأصلية كتبت بواسطة Motarjim

اعتقد حاجة زي كده، ممكن تكون ذات فاعلية مع رشها بالطريقة التي شرحها الأستاذان الكريمان أيمن والفاروق.

في حد عنده رأي آخر؟

هو هو تحذير استاذ ramyar منطقي فى حالة انك ترش وتتحرك بالعربية مباشرة،
علشان كدة قولت لحضرتك لازم يكون بعد ما تركن العربية وهتستخدمها تاني يوم وتتأكد من الفرامل على الهادي ، فإن شاء الله متقلقش ، مش انت أول واحد جربنها فيه

.

وزي ما أخونا الفاضل D . a .\ AYMAN وضح هو ميعتبرش زيت ، فمتقلقش إحنا لسه موصلناش اننا نقولك الفرامل محتاجة زيت يترش عليها ،
بس اذا رشيت زيت لازم يبقي عباد شمس هههههه

بهزر طبعاً :) .

**Motarjim** · 17-04-2013 01:38 AM

المشاركة الأصلية كتبت بواسطة Al-Farooq

هو هو تحذير استاذ ramyar منطقي فى حالة انك ترش وتتحرك بالعربية مباشرة،
علشان كدة قولت لحضرتك لازم يكون بعد ما تركن العربية وهتستخدمها تاني يوم وتتأكد من الفرامل على الهادي ، فإن شاء الله متقلقش ، مش انت أول واحد جربنها فيه

.

وزي ما أخونا الفاضل D . a .\ AYMAN وضح هو ميعتبرش زيت ، فمتقلقش إحنا لسه موصلناش اننا نقولك الفرامل محتاجة زيت يترش عليها ،
بس اذا رشيت زيت لازم يبقي عباد شمس هههههه

بهزر طبعاً :) .

حلوة يا باشا

بس شكلي هرش عليها زيت "وسخ" لا مؤاخذة.

وهو في ملاحظة كده هي أن الصوت ده ظهر بعد صيانة الألف بعدما عملوا رجلشة على فرامل اليد في التوكيل.

فهل ممكن تكون الرجلشة - الزائدة مثلاً - هي سبب الصفارة في الفرامل؟

أنا قولت للمهندس في التوكيل على الملاحظة دي، وسألته هل يمكن أن يكمن الحل في تهوية أو تخفيف الرجلشة شوية؟

قالي فرامل اليد كده كويسة، هتروح فين تاني لفوق؟! وقال ممكن أوطي لك الفرامل شوية بس ده هياثر على التيل، ويخليه يخلص بسرعة.

مش عارف كلامي منطقي بخصوص النقطة دي، أم هلاوس زُكام؟

**Al-Farooq** · 17-04-2013 02:50 AM

المشاركة الأصلية كتبت بواسطة Motarjim

فهل ممكن تكون الرجلشة - الزائدة مثلاً - هي سبب الصفارة في الفرامل؟

مش عاوز افتي ممكن تكون سبب ، بس الطبيعي ان ميحصلش صفارة مع استخدام الفرامل بغض النظر عن قوة الاحتكاك بالطنابير ، فالموضوع فعلا شكله وساخة بين التيل والطنابير.
والدليل على كدة انه لما نضفوها بالهواء بتروح فترة قليلة وبترجع تاني ، فهي عاوزة تتنظف بس بضمير.
الموضوع اتكرر معايا يعني ممكن يقعد يومين ثلاثة ويروح لوحده مع استخدام الفرامل العادي
وطبعاً بحتاج استخدام الفرامل بشدة من وقت لآخر ، فبلاقي الصوت يروح.
، والحالات اللى الصفارة استمرت معاهم بشكل مستفز عملت موضوع ال Wd-40 :)

التيل اللى فى العربية ممتاز ، دة ممكن يعدي 20-25 الف كيلو مستريح بدون تغير وممكن يقعد اكثر او اقل على حسب الاستخدام كذلك . ، فلو كنت مغير التيل بماركة رديئة كنا ممكن نقول انه سبب الصفارة ، إنما التيل نظيف ويعتبر زيرو :) .

**DESIGNER105** · 18-04-2013 05:16 PM

بص الصوت ده عيب تيل ...مهما ترش هريجع تانى ..لان كده التيل بيخرج منه اجزاء صغيره " رزاز " هى الى بتعمل الصوت ده ... ممكن يختفى لما التيل يقدم شويه يوصل لنص عمرو كده .... او غير التيل وريح نفسك ...مش لازم يعنى تجيب تييل المانى ..انا جبت تيل كورى امامى ب100 جنيه وشغال زى الفل الحمد لله ولا مره صفر ...

**tamerosman** · 18-04-2013 09:04 PM

بالنسبة لمضوع تعليق مؤشر البنزين ده حصل معايا مرتين ..... و السبب ملىء التنك للزور

مع استهلاك البنزين اللى فى زور حتلاقى المؤشر رجع ينزل بالتدريج ......و هو غالبا عيب شائع فى الجين 2

**Sealion** · 20-04-2013 03:54 AM

فعلا توكيل عصام صفا احسن بكتير لاي مشكله في الجين تو٠ عن تجربه كان عندي مشكلة في التكييف ومتحلتش غير هناك ٠وانجاز

**Motarjim** · 20-04-2013 11:27 AM

المشاركة الأصلية كتبت بواسطة designer105

بص الصوت ده عيب تيل ...مهما ترش هريجع تانى ..لان كده التيل بيخرج منه اجزاء صغيره " رزاز " هى الى بتعمل الصوت ده ... ممكن يختفى لما التيل يقدم شويه يوصل لنص عمرو كده .... او غير التيل وريح نفسك ...مش لازم يعنى تجيب تييل المانى ..انا جبت تيل كورى امامى ب100 جنيه وشغال زى الفل الحمد لله ولا مره صفر ...

طيب يا باشا ده التيل الأصلي الاستوك، إللي هو ماركة بوش ألماني ورا وقدام. المفترض حاجة نظيفة، وما يطلعش صفارة ولا زمارة!

**Motarjim** · 20-04-2013 11:31 AM

المشاركة الأصلية كتبت بواسطة tamerosman

بالنسبة لمضوع تعليق مؤشر البنزين ده حصل معايا مرتين ..... و السبب ملىء التنك للزور

مع استهلاك البنزين اللى فى زور حتلاقى المؤشر رجع ينزل بالتدريج ......و هو غالبا عيب شائع فى الجين 2

كلام حضرتك صحيح تمامًا أستاذ تامر. هو فعلا يوم ما علق المؤشر، كنت مفول حتى الزور. ودلوقتي المؤشر رجع يشتغل، ونزل حتى قبيل النص بقليل، ومونت بنزين تاني حتى أول تكة لمسدس طلمبة البنزين. وهأجرب وامشي بالعربية، وأشوف هيعطيني قراءة صحيحة، ولا هيعلق تاني.

السؤال يا باشا دلوقتي، عندي مؤشر البنزين عند التفويل سواء لغاية الزور أو عند أول تكة بيكون "تحت" شرطة امتلاء التانك، مش "فوقها" أو عليها بالظبط؟ فهل ده طبيعي في الجين تو مثلاً؟

وشكرًا يا باشا على الإفادة.