الموضوع: الاسكورت مجنناني مكتومة وبتاكل بنزيم جامد ؟؟

المشاركة الأصلية كتبت بواسطة mido51eg

1- كده يبقى نستبعد طقم الدبرياج.
2- الثرموستات ال 80/90 معقول ، ولو ان ده هيبقى تأثيره في سخونة العربية واستهلاك البنزين فقط ومالوش دخل بالسرعة القصوى اللي بتوصل لها.
3- نيجي بأه لموضوع البوجيهات ، طبعا زي ماانت عارف ان اكيد لو كنت ركبت موتوركرافت كان هيبقى افضل طبعا ، لكن طالما ركبت بوش يبقى كان المفروض تدخل على موقع بوش على النت وتختار العربية والموديل والسعة اللترية والموقع هيحدد لك انهي نوع من البوش مناسب لعربيتك على اساس ال part number لكن لو كنت روحت اشتريت بوجيهات بوش والسلام من عند اي حد بتاع قطع غيار ، ده كلام مش سليم طبعا.
4- علبة الشكمان الأفضل انها تبقى فورد اصلية وكان ممكن تلاقيها استيراد ، انا شفت علب شكمان عند مصطفى اللي في الحرفيين.
5- انا ضد الغاء او شيل اي حاجة من العربية بناء على نصائح الميكانيكية ، العربية دي في منها كان بينزل في الخليج ومكانوش بيشيلوا ثرموستات الكوعة برغم ان الجو عندهم جهنم ، واكيد الميكانيكي المصري مش هيكون بيفهم اكتر من مصمم العربية ، خصوصا اننا بنتكلم عن عربية امريكاني مش صيني مع احترامي طبعا للعربيات الصيني ومالكيها.
6- ودي اهم نقطة : انت عاوز توصل لسرعة اكتر من 150 ليه ؟ اذا كان الشوارع هنا يادوب بتمشي فيها بمتوسط سرعة 4 كم/س (أربعة كيلو متر/ساعة ، وفقا لاحصائيات رسمية)

اخي العزيز
البوجيهات جبتها من العبادي متخصص فورد فاكيد هي الصح واحمد فرج بيركبها في كل الاسكورت فتمام.
علبة شكمان من عربية استيراد بقالها 15 سنة حتي لو في بلد مثالية اكيد هيكون ادائها ضعيف جدا فبلاش منها الجديد احسن.
الترموستات كل الناس بتشيلها علشان بتسخن العربية اوي بس احتمال اركبها تاني واجرب.
وبالنسبة للسرعة سعات بحب اجري وانا مسافر بس المهم عندي مش السرعة في حد زتها المهم ان العربية تتظبط كاستهلاك بنزين وابقي عارف انها تقدر توصل لاعلي سرعة حتي لو مش هوصل ليها بس اعرف العيب واصلحو.
وشكرا لتفاعلك معايا

المشاركة الأصلية كتبت بواسطة egytamer

اخي العزيز
البوجيهات جبتها من العبادي متخصص فورد فاكيد هي الصح واحمد فرج بيركبها في كل الاسكورت فتمام.
علبة شكمان من عربية استيراد بقالها 15 سنة حتي لو في بلد مثالية اكيد هيكون ادائها ضعيف جدا فبلاش منها الجديد احسن.
الترموستات كل الناس بتشيلها علشان بتسخن العربية اوي بس احتمال اركبها تاني واجرب.
وبالنسبة للسرعة سعات بحب اجري وانا مسافر بس المهم عندي مش السرعة في حد زتها المهم ان العربية تتظبط كاستهلاك بنزين وابقي عارف انها تقدر توصل لاعلي سرعة حتي لو مش هوصل ليها بس اعرف العيب واصلحو.
وشكرا لتفاعلك معايا

انت عربيتك حقن الكتروني طبعا ، يبقى جرب روح مركز الصفا واكشف على الرشاشات.
النقطة التانية ، بدال البنزين على سلك ولا كهرباء؟
لو سلك يبقى امسك البدال وحاول تشده للامام وتسيبه ؟ لو فيه مشوار يعني بيطلع وينزل في ايدك قبل الدوسة الفعلية يبقى تروح للميكانيكي يظبطه , ده معناه ان فيه جزء ضايع في مشوار البدال. الموضوع ده كان معايا وانا اللي لاحظت كده وخليت الميكانيكي يظبطه وفعلا مشوار بدال البنزين زاد معايا

تامر انت محتاج تشيك على نقطتين مهمين
1. حساس الماف لازم يكون شغال كويس ( كشف كمبيوتر)
2.الرشاشات شغالة كويس َ( ضبط التراسونيك )
و بعد كدة طبعا عندك تنظيف بوابة المنافولد و فلتر الهواء و البوجيهات و الكلام العادي ده

جو هجرب الحجات الي قلتلي عليها وربنا يسهل بس كشف الكمبيوتر علي حساس الماف متعرفشي حد عندو اسكنر غير قطب ارحلو وبوابة المنافولد اخلي الميكانيكي ينضفها ولا اكشف عليها برضو.

هو حساس الماف ده موجود في الاسكورت ال 1300 ؟