الموضوع: الاسكورت مجنناني مكتومة وبتاكل بنزيم جامد ؟؟

العربية عندي اصلا 1600 زتيك استوك انا مغيرتش حاجة فيها سقطت متور مكان التاني بس هوا هوا

المشاركة الأصلية كتبت بواسطة egytamer

السلام عليكم
حبي اشاركم في مشكلتي انا معايا اسكورت 1600 زتيك متسقطلها متور استيراد بحالة ممتازة ومغير طقم الدبرياج ومتظبطة وكلو تمام العربية مكتومة ومبتسحبش جامد ومبتعديش ال 150 كسرعة قصوي مش عرف لية وبتعمل حوالي 160 كيلو في الصفيحة غيرت بوجيهات وفلتر بنزين وعلبة الشكمان الوسطانية وبرضو مفيش فايدة
حمدي بيقولي لازم اركب الترموستات الي في الكوعة الفيبر الي جمب المتور علشان يوفر في البنزين.
وانا حاسس اني لازم اظبط الرشاشات الانجكشن يمكن الدنيا تتظبط بخصوص السرعة واستهلاك البنزين.
انتو اية رئيكو ممكن اية يكون العيب واية الحل؟؟؟

صباح الفل ياتامر باشا
عندي شوية استفسارات الأول :
1- العربية مابتعديش الـ 150 كم/س ، طيب هي الأول كانت بتوصل سرعتها لكام ؟ وامتى بقت مابتوصلش غير للـ 150 ؟
2- هل انت معدل العربية ومركب ثرموستات بتاع فيات ؟ لأن ده له تأثير طبعاً ؟
3- نوعها ايه البوجيهات اللي ركبتها ؟
4- علبة الشكمان الوسطانية فورد ولا حاجة تانية ؟

جاوب الأول الاستفسارات دي علشان نتتبع المشكلة مع بعض.

المشاركة الأصلية كتبت بواسطة aliabdo

ممكن اعرف ايه تاثير انك تركب ثرموثتات الفيات يا شباب عشان انا عندى كده

صباح الخير ياباشا.

معروف ان مواتير الفورد بيطلق عليها اسم "مواتير حامية" ، المواتير دي بتاخد منها افضل آداء واحسن استهلاك للبنزين وهي سخنة. بمعنى ان في الطبيعي لو العربية بتقرا الحرارة من الكونترول هتلاقي مؤشر الحرارة عند حرف الـ L اللي في كلمة Normal ، لكن لو متعدلة بثرموستات فيات هيبقى غالبا ثرموستات واطي اللي هو 82/68 هتلاقي المروحة بتشتغل عن النص بالظبط وبتفصل عند حرف الـ O تقريباً.
كده المروحة بتشتغل والعربية اساسا باردة والمروحة بتبردها زيادة ، فبتاكل بنزين .

الحل : ياإما ترجع العربية على فابريكتها ياإما تركب ثرموستات وسط اللي هو 90/80 هيظبط الدنيا معاك شوية.

طبعا انت اكيد عارف معدل استهلاك عربيتك في البنزين ولو عايز تتأكد حط صباعك في الشكمان هتلاقيه مهبب ، يعني الحرق مش مظبوط.

المشاركة الأصلية كتبت بواسطة mido51eg

صباح الفل ياتامر باشا
عندي شوية استفسارات الأول :
1- العربية مابتعديش الـ 150 كم/س ، طيب هي الأول كانت بتوصل سرعتها لكام ؟ وامتى بقت مابتوصلش غير للـ 150 ؟
2- هل انت معدل العربية ومركب ثرموستات بتاع فيات ؟ لأن ده له تأثير طبعاً ؟
3- نوعها ايه البوجيهات اللي ركبتها ؟
4- علبة الشكمان الوسطانية فورد ولا حاجة تانية ؟

جاوب الأول الاستفسارات دي علشان نتتبع المشكلة مع بعض.

اشكرك يا ميدو علي ردك والي حصل كالاتي:
1- العربية من اول مجبتها مبتعديش 150 والميكانيكي قالي طقم دبرياج ففضلت ماشي بية لحد مجاب اخرو وغيرتو بواحد جديد من 6 شهور وتوقعت سحب العربية يبقي جامد بس برضو 150 بالعافية.
2-مركب فعلا ترموستات فيات 90/80 لان الاصلي بتاعها 106/103 فالعربية بتكون مولعة واغلب الناس بتغير الترموستات.
3- البوجيهات بوش وقبلها متوركرافت عادية مش بلاتنيوم.
4- علبة الشكمان عادية ملقتشي فورد وغيرتها مرتين مرة استانلس ب 130 جنية والمرة دي من اسبوع عادية ب 70 جنية.
وانا لاغي الترموستات الي في الكوعة الفيبر الي بتعكس دورة المية علشان تسخن العربية بسرعة بناء علي نصيحة الميكانيكي.
بس اية رئيك