فرق الوقت بين السرعات

**AhMeD MeTwAlY** · 16-04-2013 01:06 AM

فرق الوقت مش كبير اوي الي هو يخلينا نجري زياده عن اللزوم وطبعا احنا عرفين الطرق المصريه عامله ازاي
علي فكره انا كنت من هوات تقفيل العداد والحمد لله ركبت انواع كتير وقفلت عدادت كتير منها الالماني والامريكي وكان من ضمن عربيه كوري "وكنت مرعوب"
ولما حبيت اسيب الجري شوية كنت بتفرج علي حوادث بصفه مستمره كان الدون لود عندي 400 ك/س وكنت بنزل فيديوهات حوادث غير الصور كان عندي ملف فيها صور حوادث لجميع انواع العربيات
بس لما ربنا كرمني وجبت الشاهين "وفعلا زي ما قالي ولدي دي هتربيك "كنت بتخبط وانا واقف وربنا هداني والحمد لله مبعديش 100 ك/س لدرجة ان واخواتي وولدي وولدتي بيشكرو في سوقتي بعد ما كان الي بينزل يقول مش راكب معاه تاني
اظن 100 حلو اوي في الطرق الي بنمشي عليها هنعمل المقارنه لو مشينا علي 120
الفرق بين المشي علي 120 و المشي 160 دقيقه بتوفر حوالي 12 دقيقه
الفرق بين المشي علي 120 والمشي 180 بتوفر 16 دقيقه
الفرق بين المشي علي 120 والمشي 200 بتوفر 20 دقيقه
عرفين الفرق دا ممكن حتت مطب صغير قد كدا لسه بيرضع يعطلنا
او حتت طوبه ليها سن مدبب يدخل في الكوتش يخليه ينفجر وتقف علي جمب تغير الكوتش فيها دا لو ربنا ستر والعربيه وقفت بيك ودي حصلتلي قبل كدا
بلاش واحد غبي يقفل عليك الطريق ويزنققك وراه

عربيه نقل تطلع من الصحراء وتقفل الطريق زي ما حصلي قبل كدا
يعني مش بنوفر تلت اربع ساعات دا كل الموضوع دقائق معدوده
يا ريت يا رجاله بلاش التهور ربنا يستر طريقنا وطريقكم

**graffittiii** · 16-04-2013 01:51 AM

ماهو المشكلة أن اللي بيجري الوقت مش في إهتماماته خالص أصلا .
كنت راكب مع سواق تاكسي رايح أطلع شهادة الجامعة ...
فالراجل قالي هو في جامعة دلوقتي دإحنا في الأجازة قولتله لأ أنا بطلع الشهادة ...
قالي يابني شهادة إيه أنا هقولك نصيحتين :
1- مافيش حد بيتعين بورق
2- مافيش حد بيجري عشان مستعجل .
هههههههه كان راجل زي العسل زمانه قلبها تربيزة بنج .
.

**mem** · 16-04-2013 02:06 AM

عندك حق
وفى التانى السلامه وفى العجله الندامه
وجزاك الله خيرا على النصيحه

**AhMeD MeTwAlY** · 16-04-2013 02:22 AM

المشاركة الأصلية كتبت بواسطة graffittiii

ماهو المشكلة أن اللي بيجري الوقت مش في إهتماماته خالص أصلا .
كنت راكب مع سواق تاكسي رايح أطلع شهادة الجامعة ...
فالراجل قالي هو في جامعة دلوقتي دإحنا في الأجازة قولتله لأ أنا بطلع الشهادة ...
قالي يابني شهادة إيه أنا هقولك نصيحتين :
1- مافيش حد بيتعين بورق
2- مافيش حد بيجري عشان مستعجل .
هههههههه كان راجل زي العسل زمانه قلبها تربيزة بنج .
.

ههههههههههههههههههههه واللهي انت الي راجل محترم

المشاركة الأصلية كتبت بواسطة mem

عندك حق
وفى التانى السلامه وفى العجله الندامه
وجزاك الله خيرا على النصيحه

ربنا يبارك فيك وربنا يجعلها بفايدهه

**rompo10** · 16-04-2013 02:36 AM

ربنا يستر طرقنا وطريقك بس الجري هوايه

**AhMeD MeTwAlY** · 16-04-2013 03:07 AM

المشاركة الأصلية كتبت بواسطة rompo10

ربنا يستر طرقنا وطريقك بس الجري هوايه

المشكله انه هوايه مضره جدا جدا جدا
عارف انت احاسسك بالجري متعه ميقدرهاش غير الغاوي
زي لعب الكوره لما تجيب جون ياه بتكون مبسوط جدا
بس لما بتحصل حاجه لقدر الله هتندم طول عمرك