دلوقتي تقدر توفر حوالي 65% من مصاريفك اليومية

اخيرا تحقق الحلم الذي طال أنتظاره السيارات تعمل بالمياه المختلط بالبنزين او الجاز ...... انا كنت زيكم مش مصدق لكن لما دخلت في الموضوع وشوفت كلام الناس دي والتجارب اللي شوفتها بصراحة صدقت
همة أطلقوا علي المشروع دة Water Power او قوة المياه وصدق الله العظيم في قوله " وجعلنا من الماء كل شيء حي " وركز علي كل شيء في الآية وشوف قوة المعني فيها سبحان الله .
المهم انك دلوقتي تقدر توفر حوالي 65% من مصاريفك اليومية علي البنزين شوف الفرق كبير إزاي يالله بأة مع بعض نشوف الفيديو علشان تصدقو أول فيديو بتاع المخترع وخوة بيشرح تجربته
ودة فيديو بيوريك تحويل المياه الي هيدروجين ومدي قوتها في الحرق
http://www.sokkarya.com/showthread.php?p=2388
يا جماعة الموضوع كبير أوي بس هايجي واحد ويقولي يا عم حتي لو بالمياه دة محتاج نوع معين من المياه ولازم تكون مياه مقطرة ومعقمة وبردة هاتبقي صعبة !! هارد عليه وأقوله أنسي كل الكلام دة لأنك بتستخدم مياه من الحنفية مباشرة وإظن الفيديو باين وواضح بس يا جماعة انا كان نفسي تكون مياه وبس مش معاها شوية بنزين هههههههه
الموضوع منقول ارجو الافاده

الف الف شكر عليالموضوع ياريت العربيات دي تنزل مصر بسرعه بسساعتها هيغلوا الميه ولا ايه
ويقللك متر الميه بكذا ما احنا حشحن من محططات ميه فيها بنزين

على فكرة ده جهاز تتم اضافته للسيارةتحول المياه الى هيدروجين + اوكسجين
فى صورة غاز يضاف يخلط بالبنزين ويحسن من اداء السيارة
حسب كلامهم وممكن تكونه بنفسك لو عندك فكرة عن ميكانيكا السيارات:scooter:

والله يا باشا انا عمرى ما هنفذ الفكره ديه حتى لو بالرخص التراب الميه اهم مليييييييييييييييييون مره من البترول البترول من غيره نقدر نعيش انما ما نقدرش

اقتباس:

---

المشاركة الأصلية كتبت بواسطة theking2690

والله يا باشا انا عمرى ما هنفذ الفكره ديه حتى لو بالرخص التراب الميه اهم مليييييييييييييييييون مره من البترول البترول من غيره نقدر نعيش انما ما نقدرش

---

و ما تنساش التراب برضه يا كينج :)

هانمشي على ايه :sifone:

اقتباس:

---

المشاركة الأصلية كتبت بواسطة Ahmed Samy

و ما تنساش التراب برضه يا كينج :)

هانمشي على ايه :sifone:

---

انتو فاكرين لو الواحد مون بميةمية هتروح وتختفي زي البنزين

ما الميا هتتبخر
وهتطلع ف السما تتجمع وتبقا سحاب
لحد ميتكثف وتمطر والمية تنزل تاني عشان كدا المية هتبقا فكرة جامدة جدااا
:3gears:ويوم متتزنق والعربية تبقا عال E هات اي خرطوم من اللي بيشرو بيهم الشوارع دا
ومون التنك :chris:

انا مستعد اضحي بنص سحب العربيه و اني امون بالميه:3gears:
يا سلاااااااااااااااام
انزل من البيت و اخد الخرطوم من الحوش و املاء العربيه
واحد صاحبي يعدي عليا يقولي ما عندكش شويه ميه لحسن انا مسافر و الطريق طويل
...
طب لو حصل كده
حنحط ايه في الردياتير بقي ؟؟بنزين؟؟:crazy4:ههههههه

اقتباس:

---

المشاركة الأصلية كتبت بواسطة hazem_khidr

انا مستعد اضحي بنص سحب العربيه و اني امون بالميه:3gears:
يا سلاااااااااااااااام
انزل من البيت و اخد الخرطوم من الحوش و املاء العربيه
واحد صاحبي يعدي عليا يقولي ما عندكش شويه ميه لحسن انا مسافر و الطريق طويل
...
طب لو حصل كده
حنحط ايه في الردياتير بقي ؟؟بنزين؟؟:crazy4:ههههههه

---

والله موتنى من الضحك يا حازم باشا بس رده يا جماعه الواحد مجلوش قلب يمون ميه طيب ده احنا بنستحرم نغسل العربيه بالخرطوم و بنغسلها بالجردل علشان بنقول حرام الميه اللى بتترمى على الارض ديه اجى بقى و افول بيها التانك الصراحه مش هيجيلى قلب هحس انى بهدر نعمه ربنا مديهانى

ياترى حد جرب

الفكرة دى انا شفتها فعلا قبل كد بيجربوها على مواتيير وفيه بيوت فى اوربا بدأت تستخدمها فى بعض الاشياء

الفكره ممتازه جدا وصحيه ونظيفه

لكن متى تطبق ومتى تكون بمصر ؟

ربنا يدينا طول العمر

ولو فرض وجت مصر يبقى الحكومه مش هتسيبنا وهتخلى سعر الميه اكثر من البنزين ماهى مش ممكن ابدا تسيبنا فى حالنا مبسوطين شويه

سعيد جدا بالردود اللى بعتوها بس حبيت اوضح ليكم بعض النقاط
اولا الفكرة دى حسب كلامهم ممكن تشترى الكتالوج وتنفذها بنفسك او تستعين بمهندس ميكانيكا
لو ما ليك خبرة ثانيا لن تحتاج سوى لتر مياه كل مائة كيلو حسب كلامهم
ثالثا تعمل باى نوع مية حتى لو من البحر
رابعا حتى لو اضطريت تكون معدنية برضه اوفر
بجد نفسى حد يكون عنده خبرة بالميكانيكا يجربها ومستعد للمساهمة فيها
ولو فكرنا كمشروع للشباب اهيكون هايل ومربح جدا
استيراد الكتالوج مع شريط الشرح بالضمان لا يتعدى مائة دولار
ده اللى قدرت افهمه من ترجمه الموضوع على موقع المخترع
واتمنى الافاده للجميع

ايه الاحلام الوردية دى
انت فى مصر
لو حد حاول يعمل كدا اولا بتوع ابنزينات ومليردارات البلد هيمنعوة عشان هيتخرب بيتهم ويقفلوا
المرور لن ولن ولن يعترف بالموتور دا ابدا
الدولة ممكن تنزل على الموتور دا ضريبة تخرب بيت اللى هيعملة
وممكن تخبطة عربية قضاء وقدرا ويموت عشان يفشلوا الموضوع دا
ياريت بقى نفوق شوية احنا فى مصر

هو لسة فيه حد مصدق الكلام الفاضى ده؟

عموما انا هكتب فى وصيتى ان لو حد نجح فى تموين عربيته بالمياه ومشيت فأنا هتبرع له بجثتى يطلعها من التربة يبيعها لطلبه الطب ويمون بتمنها ميه مدى الحياه

مائة سنة ضوئيه الفرق بين مصر والعالم المتقدم لم تات من فراغ
شبابها رايح على فين
دى مش احلام
وده جهاز صغير بيركب ع الموتور
بتعديلات بسيطة جدا
ولو حد شاف العربية مش هيعرف دى ايه اصلا
وبعدين مش هنستغنى عن البنزين
ده بيوفر منه بس
تعبتونى والله قصدى المصلحة العامة بس

إحنا أول ناس عملنا الفكره دى لأن معظم محطات البنزين بتضيف الميه من زمان

معلش يا جماعه ....هافسد عليكم فرحتكم...

الفيديو دة ملفق واي واحد متخصص بيشوفة هايعرف كدة كويس قوي..
اولا:
اول فيديو...جايب شوية اسطوانات معدينة في علبة بلاستيك مفتوحة للهواء..(مش عارف هايجمع الهيدروجين ازاي )...وموصلها بالكهرباء...
الفيديو التاني:
مكنة جز حشائش...بيعبي في علبة متثبتة فوقيها ..شوية مية وشوية بنزين ولا اي وقود...والمكنة بتشتغل...اية الحلاوة دي...
ثالثا:
الفيديو بتاع موتور هوندا..(العلامة واضحه علي الموتور) ودة معمل اختبارات هوندا F1 اية علاقتهم بية مش عارف....

يعني من الاخر دة فيديو نصب ..علشان تشتري الكتالوج ...ويقولك فية شكرا لتعاونكم معا ...

------------------------------------------------

نيجي بقي لابحاث خلايا الوقود..والوقود البديل والطاقة المتجددة والنظيفة....
دي بقي قصة طويلة قوي......واليابان وامريكا والمانيا ...عاملين ماراثون في الحكاية دي..حتي انجلترا بدأت تشارك بابحاث..

المهم انة الي الآن لم يستطيع احد فصل الهيدروجين من المياة من غير ما يحتاج مصدر خارجي للطاقة ايلي هاتقوم بعملية الفصل...
واول سيارة تعمل بالماء (اتعرضت في اليابان وكانت رويتر مغطية الحدث) موتورها نص حجم السيارة...(دة بس علشان تقارنوها بالصفيحة السودة ايلي فوق مكنة جز الحشائش) وفي دكاترة في معامل ابحاث في انجلترا وفي امريكا كدبوا وصول اليابان لعملية الفصل المباشر دون الاحتياج لمصدر خارجي...وطلبوا منهم ادلة...واليابانين طنشوا...لانها برضة كانت تجربة تمت من خلال مجموعه من الشباب ..وليست من معهد ابحاث متخصص...

يعني من الاخر مش كل واحد عامل فيديو علي اليوتيب يبقي حقيقة علمية...الاكتشافات والاختراعات دي بتتذاع في مؤتمرات ودوريات علمية ومجلات متخصصة...وساعتها الكون كلة هايعرف....مش واحد جايبلي علبة بلاستيك ويقولك تعمل خلية وقود هيدروجينية في بيتك..اية السخافة دي...دي استخفاف بعقلية البشر...

ما هوا سر تفوق الالمان فى مجال الصناعة بالرغم من خروجهم بهزيمة كاسحة فى الحرب العالمية الثانية والمانيا اتساوت بالارض واحتلت من امريكا !!!!!!!!!!
مش ملاحظين ان بردة نفس الموضوع مشترك مع اليابان !!!!!!!
ايه دا واحنا فين من كل دا
دا احنا مبنعرفش نصنع قلم رصاص
حاجة تحرق الدم
اللى يخرب بيت اللى جابنا ورا كدا
حتى حتت حريق حدث فى مجلس الشورى معرفوش يطفوة الا بطلوع الروح فى 8 ساعات وكان ناقص يحرق وسط البلد كلها
ايه الكوارث دى
هوا فيه ايه
لما الواحد بيسرح شوية يفكر فى البلد ويبص على اى بلد تانى بيحس ان عرق هيطق فى المخ وضغطة يعلى

ياباشا المانيا دي حكاية لواحدها ....
انت تعرف ان كليات الهندسة هناك متخصصة...حتي النخاع...
يعني اقسام زي الكهرباء والميكانيكا ...بيطلع منها يجي 20 كلية هندسة..يعني في ناس بتاخد بكالويوس في هندسة التربينات..بس...يفضل 5 سنين يدح في التربينة لحد ما يبقي كانة عايش جواها...
ودة نوع من التخصص علشان يوفر وقت في الابحاث...

لو حبيت تتعقد من الالمان دور علي مؤسسات الـ " ماكس بلانك" دي مؤسسات بحثية متطورة ...بتاخد اوائل الجامعات وتمدهم بكل ايلي هم عايزينة علشان تطوير الابحاث فقط...يعني مش بيدرس في الجامعه ..ويضيع وقتة...باقي الاوائل ..يعني من الثالت وانت نازل دة ايلي ممكن يشتغل مدرس ..بجانب ابحاثة ايلي علي قدة...لكن الفلتات..دول ليهم معاملة تانية....

وكلنا فاكرين لما هتلر كان بيفكر يعمل شعب كامل خالي من العاهات والامراض الجينية الوراثية ...(طبعا فكرة مجنونة...) بس القصد ان المانيا ..زيها زي اليابان...لو اخدوا الفرصة مش هاتشوفهم معانا علي الارض.....

علي فكرة المسلمين الاوائل كانوا احسن من كدة بكتير وينسب اليهم الفضل في اكتشافات اصل كل العلوم الحديثة بس للاسف..."فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا"

الأفكار كتيرة ، والأبحاث كتيرة ، بس من اللى هيصرف على الأبحاث دى ، وبعدين هى الشركات البترول هتسيب الأبحاث دى شغالة كده على طول ، ده بيتهم يتخرب.
وبعدين كان فيه سيارات كهربائية شركة جنرال موتورز صنعتها فى أمريكا وبعد كده سحبتها تانى

اقتباس:

---

المشاركة الأصلية كتبت بواسطة محمد ابراهيم 1

إحنا أول ناس عملنا الفكره دى لأن معظم محطات البنزين بتضيف الميه من زمان

---

ههههههههههههههههههههههههه ههههههههههههههههههههههههه ههههههههه

حتى لو حصل كدا هيرتفع تمن ليتر الميه بتاع الحنفية وممكن يوصل ل 2 جنية
دحنا فى مصر يا جماعة
ام الدنيا
يعنى ام البنزين وام السولا وام المية

المستقبل للسيارات الهجين