دلوقتي تقدر توفر حوالي 65% من مصاريفك اليومية

**tiba2008** · 11-08-2008 09:00 PM

اخيرا تحقق الحلم الذي طال أنتظاره السيارات تعمل بالمياه المختلط بالبنزين او الجاز ...... انا كنت زيكم مش مصدق لكن لما دخلت في الموضوع وشوفت كلام الناس دي والتجارب اللي شوفتها بصراحة صدقت
همة أطلقوا علي المشروع دة Water Power او قوة المياه وصدق الله العظيم في قوله " وجعلنا من الماء كل شيء حي " وركز علي كل شيء في الآية وشوف قوة المعني فيها سبحان الله .
المهم انك دلوقتي تقدر توفر حوالي 65% من مصاريفك اليومية علي البنزين شوف الفرق كبير إزاي يالله بأة مع بعض نشوف الفيديو علشان تصدقو أول فيديو بتاع المخترع وخوة بيشرح تجربته
ودة فيديو بيوريك تحويل المياه الي هيدروجين ومدي قوتها في الحرق
http://www.sokkarya.com/showthread.php?p=2388
يا جماعة الموضوع كبير أوي بس هايجي واحد ويقولي يا عم حتي لو بالمياه دة محتاج نوع معين من المياه ولازم تكون مياه مقطرة ومعقمة وبردة هاتبقي صعبة !! هارد عليه وأقوله أنسي كل الكلام دة لأنك بتستخدم مياه من الحنفية مباشرة وإظن الفيديو باين وواضح بس يا جماعة انا كان نفسي تكون مياه وبس مش معاها شوية بنزين هههههههه
الموضوع منقول ارجو الافاده

**Defender** · 13-08-2008 12:56 AM

الف الف شكر عليالموضوع ياريت العربيات دي تنزل مصر بسرعه بسساعتها هيغلوا الميه ولا ايه
ويقللك متر الميه بكذا ما احنا حشحن من محططات ميه فيها بنزين

**tiba2008** · 13-08-2008 09:19 PM

على فكرة ده جهاز تتم اضافته للسيارةتحول المياه الى هيدروجين + اوكسجين
فى صورة غاز يضاف يخلط بالبنزين ويحسن من اداء السيارة
حسب كلامهم وممكن تكونه بنفسك لو عندك فكرة عن ميكانيكا السيارات

**theking2690** · 13-08-2008 09:47 PM

والله يا باشا انا عمرى ما هنفذ الفكره ديه حتى لو بالرخص التراب الميه اهم مليييييييييييييييييون مره من البترول البترول من غيره نقدر نعيش انما ما نقدرش

**Ahmed Samy** · 13-08-2008 10:10 PM

المشاركة الأصلية كتبت بواسطة theking2690

والله يا باشا انا عمرى ما هنفذ الفكره ديه حتى لو بالرخص التراب الميه اهم مليييييييييييييييييون مره من البترول البترول من غيره نقدر نعيش انما ما نقدرش

و ما تنساش التراب برضه يا كينج :)

هانمشي على ايه

**2hmed_7osam** · 13-08-2008 10:27 PM

المشاركة الأصلية كتبت بواسطة Ahmed Samy

و ما تنساش التراب برضه يا كينج :)

هانمشي على ايه

انتو فاكرين لو الواحد مون بميةمية هتروح وتختفي زي البنزين

ما الميا هتتبخر
وهتطلع ف السما تتجمع وتبقا سحاب
لحد ميتكثف وتمطر والمية تنزل تاني عشان كدا المية هتبقا فكرة جامدة جدااا

ويوم متتزنق والعربية تبقا عال E هات اي خرطوم من اللي بيشرو بيهم الشوارع دا
ومون التنك

**hazem_khidr** · 13-08-2008 11:22 PM

انا مستعد اضحي بنص سحب العربيه و اني امون بالميه
يا سلاااااااااااااااام
انزل من البيت و اخد الخرطوم من الحوش و املاء العربيه
واحد صاحبي يعدي عليا يقولي ما عندكش شويه ميه لحسن انا مسافر و الطريق طويل
...
طب لو حصل كده
حنحط ايه في الردياتير بقي ؟؟بنزين؟؟ههههههه

**theking2690** · 13-08-2008 11:43 PM

المشاركة الأصلية كتبت بواسطة hazem_khidr

انا مستعد اضحي بنص سحب العربيه و اني امون بالميه

يا سلاااااااااااااااام
انزل من البيت و اخد الخرطوم من الحوش و املاء العربيه
واحد صاحبي يعدي عليا يقولي ما عندكش شويه ميه لحسن انا مسافر و الطريق طويل
...
طب لو حصل كده
حنحط ايه في الردياتير بقي ؟؟بنزين؟؟

ههههههه

والله موتنى من الضحك يا حازم باشا بس رده يا جماعه الواحد مجلوش قلب يمون ميه طيب ده احنا بنستحرم نغسل العربيه بالخرطوم و بنغسلها بالجردل علشان بنقول حرام الميه اللى بتترمى على الارض ديه اجى بقى و افول بيها التانك الصراحه مش هيجيلى قلب هحس انى بهدر نعمه ربنا مديهانى