الموضوع: هسافر الغردقه ان شاء الله

المشاركة الأصلية كتبت بواسطة bebeto dakiky

توصل بالسلامة ان شاء الله ... متقلقش خااااالص انا مسافر بالعربية من سنتين الغردقة و طالع من اسكندرية كمان و العربية لانوس 2000 ! بس اهم حاجة اتأكد من العجل و اتأكد ان الاستبن سليم و غير زيت يبقي افضل و توكل علي الله و اجازة سعيدة ان شاء الله :)

ربنا يبارك فى حضرتك و متشكر جدا لردك

المشاركة الأصلية كتبت بواسطة msobhy

نصيحه من سواق انا باثق فيه جدااااااااااااااااااااااا ااااااااااااااااااااااااا ا
لو مش واثق فى عربيتك
1- أقصى سرعه تمشى عليها هيه 100 كيلو
2- لو مشوار أزيد من 200 كيلو يبقى تريح كل ساعه ونصف لمدة 15 دقيقه
3- لما تيجى تريح العربيه لازم تسيبها على السلانسيه لمدة 30 ثانيه قبل ما تبطل (خاصه للعربيات السولار)
4- بعد ما تسيب العربيه تهدأ بالراحه جداااااااااااااااااااا افتح غطا القربه حاجه بسيطه وخرج الهوا واقفل تانى على طول - وخلى بالك من البخار انه يحرق ايدك
5- قبل السفر أتأكد ان الميه فى العربيه مظبوطه - ومهم جدا انها ما تكونش زياده
6- يفضل قبل ما تسافر تراجع على كل سوائل العربيه وبعد كده تركن العربيه على مكان نظيف وبعد ساعتين تلاته تبص تحت العربيه وتشوف هل فيه اى تسريب للسوائل على الارض ولا لأ
7- الكاوتش لازم يتظبط هوا او نيتروجين والعربيه بارده
8- دعاء السفر

بصراحه مش لاقى حاجه ازودها
تسلم ايدك يا باشا
و بالنسبه لصاحب الموضوع
فى التأنى السلامه و فى العجله الندامه
امشى براحتك و متتشغلش بغير الطريق و ان شاء الله ترجع بالف سلامه و اجازه و رحله سعيدع بأذن الله

الف الف الف شكر يا شباب
ان شاء الله هعمل بنصايحكم و ربنا يسترها ان شاء الله