فعلياً الزيت ده بيقعد في "بعض" المحركات 40 ألف كيلومتر ...بس حسب إمكانية الموتور لتقبل الحكاية دي
يعني فيه كذا عامل بيفرقوا في توقيت غيار الزيت, زي العوامل دي:
1- أسلوب قيادتك , بتحرق وتجري ولا لأ
2- درجة حرارة الجو , الجو شديد الحرارة ولا بارد
3- مدة تسخين العربية قبل التحرك
4- طبيعة الطرق اللي بتسوق فيها, طرق طوالي سريعة ولا سرعات غير منتظمة, ولا زحمة وقرف مرور
وفي النهاية المفروض انك بتشوف تباطؤ في أداء العربية وارتفاع في صوت المحرك ووقت ماتيجي تنزل الزيت بتلاقي لونه متغير
انما في حالة ليكوي مولي الزيت بيفضل لونه زي ماهو , وبقالي دلوقتي 11 ألف كيلومتر ماغيرتهوش, بصراحة علشان نكون منصفين, الزيت خلى صوت العربية يختفي...لكن الصوت بدأ يرجع من ألف كيلو فاتوا ... بدأت احس بصوت الموتور بشكل خفيف على السرعات العالية واحس بشوية زمجرة في الموتور, وقررت اغيره في معاده لما ربنا يكرمني والاقيلي اتنين كيلو زيادة عاللي عندي ... عندي اتنين كيلو إلا ربع علشان فيه ربع اتدلق :)
مش ضروري يبقى عندك زي عندي ...موتور عربيتك ممكن يكون مختلف ونمط قيادتك مختلف...انما عربيات الركوب في مصر والجو بتاعها وطبيعة طرقها ومرورها لا يمكن تتحمل أكتر من 15 ألف كيلومتر بدون تغيير زيوت ... إلا لو زيت عبقري غالي أو مش بيحصل له تكسير على الإطلاق !
وياريت لو خبير زيوت يدخل يدينا رأيه - بشرط طبعاً مايكونش صاحب توكيل زيوت :) - لأن فيه "علماء" قالوا ان الزيت المفروض مايتغيرش غير بعد مش عارف كام ألف كيلومتر زيادة عن اللي مكتوب ...وانا بصراحة مش أي دراسة باصدقها
المفضلات