الغيار الخامس ....محجر تماما

**hesham70** · 11-08-2008 09:18 PM

علي خلفية رسالتي السابقه...... بشان تغيير الفيتيس او شراء واحد جديد ....
بسبب الظروف الاقتصاديه الحاليه ...ودخول المداراس وكذلك شهر رمضان المعظم اعاده الله علينا باليمن والبركات قررت اصلاح الفتيس ...وساعدني علي ذلك ان عندي في شغلي ميكانيكي اظنه امين...والله اعلم.... اينعم هو مش متخصص فيتيس.... المهم اخذ العربيه لميكانيكي اخر في شبرا.... ونزل الفيتيس وفكه وعمل جوان ...لحله الفتيس.. ووجد شرخ بسيط فلحمه وهو قال لي انه غسل الفتيس ..المهم انه ركبه تاني والحمد لله الظاهر حتي الان انه منع نزول الزيت...ولكن هناك بعض الملاحظات
1-الميكانيكي قال لي اني سوف اجد الغيرات تقيله شويه ومش ناعمه بس ذلك
لفتره موقته لغايه التروس ...تتطبع... مره اخري وفعلا الغيارات بدات تقيله وبدات تنعم
2-الغيار الخامس محجر تماما.... ومش راضي يجي معايا خالص!!!!!! خالص!!!!! لدرجة اني خايف اذا ضغطت زيادة عصاية الفتيس تتكسر مني علشان كده مش عارف ممكن الغيار يلين بعد فتره ولا الميكانيكي عمل حاجه وبيقول كده وبس؟؟؟؟؟؟؟

**MOHAMED ABD EL SHAFY** · 13-08-2008 01:35 PM

بص يا باشا
ممكن دا ميكونش من الفتيس وخصوصا انك اكيد جربة قبل التركيب
دا ممكن يكون عيب من لقمة العصايا اللى بتربط بين العصايا والفتيس
لما مبتتركبش صح او كاوتشها الداخلى بيبوز بتبدأ تعلق اما فى الغيار الاول والثانى (اقصى الشمال ) او فى الخامس (اقصى اليمين)
وغالبا هيا عفرتته وهوا بيركبها فاختار الحل انها تعلق فى اليمين اكثر من الاول والثانى
دى حلها انك تشترى واحدة اصلية وتتركب (دا طبعا بعد ما تتاكد من تخمينى اللى غالبا هيكون صح بنسبة 80%)
بس ممكن متلاقيش الاصلى يبقى تشترى التركى ودى ممكن تقعد من 6 شهور الى سنة ( حسب استخادمك)
وفى ناس تانيى بتعمل حشو جديد للكاوتش الدخلى عشان مشكلتها بتكون من الكاوتش
هيا عبارة عن قطعة من الاومنيوم فى حدود 10 سم طولى