برجلة العربية والفار

**shur3000** · 16-04-2013 02:18 PM

الوضوع الرخم وهو الربجلة صباحا وراخمتة مش فى كدة انه مش دايما يعنى ساعات اة وساعات لاة.
يعنى العربية اركنها يومين واجى ادور ساعات تبرجل وساعات لاة.
ساعات ابقى لسة راكنها الساعة 12باليل واجى ادور الصبح الساعة 8 تبرجل. مع العم ان البرجلة فى الغالب دقيقة بالكتير وتظبط لوحدها والموضوع دة فى الغالب فى اول تدوير العربية لكن بعد كدة ادور وامشى طبيعى

غيرت سلوك بوجيهات فلتر زيت وزيت وفلتر بنزين . ونظفت البوابةوالايدل وجوان غطا تاكيهات لانة كان بينشع
كنت مغير البوجيهات من فترة ومكملتش الف كيلو

فلتر الهوا عمرة ما غيرتة من ساعة ما جبت العربية وعلى طول اى ميكانيكى يقولى اللى عندك كويس المهم طقت فى دماغى جبت فلتر ب25ج ماكنش فى غيرة كورى
وفكيت العمة تحت الفلتر لقيت حاجة زى زبل فيران نظفتة. وركب والموضوع طبيعى ربنا يسهل
بس هل فى فار لو عرسة ممكن يخش من الفتحة دى.
وكمان ساعات اللاقى عضم فرخةجنب البطاحة بس مش دايما.
رأيكوا اية

**shur3000** · 16-04-2013 02:29 PM

انا شاكك فى البوجيهات انها تكون كانت مركونة عو ان اللى ركبها بطيخة لان الميكانيكى اللى ركبها كان بن ....................................... ربنا يسامحة.
الميكانيكة الباشا دة كانت شكوتى بعد ما غيرت المية من حنفية الى مة خضرا ان المية بتنقص. والعربية طرمبة المية خرفشت غيرتها واستمر نقص المية
رحت للبة قالة جوان وش قلتلة مفيش طحينة قالى هو الجوان وعشان يأكدلى فك سلك من سلوك الوجيهات طبعا العربية تلتت. قالى شوفت ( عمل كدة لانه عارف انى جديد) رحت لواحد تانى قالى ولا وش ولا حاجة المشكلة فى الطبب وفعلا طلعت هى السبب. لانة العربية كانت بتنقط مية من تحت اول لما امشى بيا واقف

**ahmedteam** · 16-04-2013 02:32 PM

موضوع البرجله ده عباره عن البوجيه بيكون فاصل بس من البرد و الركنه و بتبقى العربيه متلته و بمجرد الدواره بتسخن و كله تمام ماتقلقش

**Abo Yasso** · 16-04-2013 02:46 PM

البوجيه

**shur3000** · 17-04-2013 01:06 AM

يعنى اغير بوجيهات وهى مكملتش ولا اطنش

**shur3000** · 17-04-2013 01:19 AM

ومزضوع الزبل دة اية ولا العربيات عادى فيها الفيران

**islamnasser10** · 17-04-2013 11:35 PM

انا برضة بلاقي عضم فراخ ههههههههه الموضوع منتشر بقي
ممكن شرح بس يعني ايه العربية متلته لاني سمعت المصطلح ده كتير وكان ليه علاقه بالبوجيهات

**shur3000** · 18-04-2013 11:19 AM

المفروض انك لو شيلت سلك من سلوك البوجيهات او كان فى بوجية فاصل او مش راكب الموتور يتهز جامد ويبقى فى صوت جامد دة معنى التتليت او البرجلة

**shur3000** · 18-04-2013 11:20 AM

بس لسة ماوصلناش لحل فى موضوع العضم والفيران والعرس دى

**ZOoOoMA** · 19-04-2013 02:27 AM

انا معايا لانوس 99 لما فتحت الشنطه لقيت حاجة زى زبل فران نضفته و بعد كده لم شيلت الاستبن من مكانه عشان انضف الشنطه لقيت في فتحه تحت الاستبن اشك ان الفيران كانت بتخش منها سدتهم بلوحين خشب رفيعين و فوقيهم الاستبن