مرور فيصل والسيستم ساقط

توجهت يوم السبت الموافق 13/4/2013 لمرور فيصل لعمل الفحص الفني والتجديد وفيما يلي اهم الاشياء التي حدثت معي :-

1. وصول الي طابور الفحص الفني 8.15 صباحا ................. ما شاء الله طابورين طوال جدا .... الناس ديه جت امتي يا عالم .....من الساعة 6.15 وقفين .
2. ابتدي الفحص في تمام الساعة 8.30 ............. ماشى الحال ، وهو عاملين نظام جديد وحلو سيارة سيارة الولد بتاع رقم الموتور والشاسية بيأخد ورقة الفحص علي الظابط ، والظابط بيشوف العربية من الشباك ............... ويختم علي الورقة ................ العربية بره علي طول 9.30 خلاص الفحص .................. معقولة ديه الحمد لله .
   
3. جري علي نيابة المرور ............ اول ملاحظة هامة ان النيابة فاضية خلاص ؟؟؟؟؟؟؟؟؟؟؟؟؟ ازي ياعم كده ، المهم علي الشباك لتسليم الرخصة ........... والانتظار ثم دفع 5 جم ومفيش مخالفات والحمد لله ......... نصف ساعة ............ فين ياعم شهادة المخلفات ...................... خدها من المرور - وده سر ان النيابة فاضية ان الناس بتنتظر الشهادة في المرور ساعة ونصف علشان شهادة المرور .
4. الساعة بقت 11 صباحا وخلصت كل حاجة .
5. تقديم الملف للشباك ودفع الضريبة في شباك بجور شباك التقديم ؟؟؟؟؟؟؟؟؟؟؟ وده جديدة وفيه اكثر من شباك للدفع وده ممتاز ............. مفيش طابور .
6. خلاص كده ............ بيقولك السيست واقع ............... يعني ايه ياعم .......... تدخد تصريح مؤقت تمشي بيه ؟؟؟؟؟؟؟؟؟؟؟؟؟؟؟ لا طبعا انا جاي بكرة الصبح ............ لا تعالي بعده ؟؟؟؟؟؟؟؟؟؟؟؟؟؟؟

ان شاء الله حروح بكرة الاربعاء 17/4/2012 اشوف حكاية السيستم ديه ايه ، يا تري حد عنده فكرة عن السيستم ده .

طمنى عملو معاك ايه فى موضوع الفحص لانى هكون هناك الاسبوع الجاى بيفحضو بضمير ولا عديها ؟

انا بحس انهم بيتعمدو يقولو موضوع السيستم واقع ده عشان ميشتغلوش

[QUOTE=ahmed air;3874931611]طمنى عملو معاك ايه فى موضوع الفحص لانى هكون هناك الاسبوع الجاى بيفحضو بضمير ولا عديها ؟[/QUOTE

بدري في الفحص كله تمااااااااااااااااااااااا اااااااام حتتأخر ......... حتتعور وانا عن نفسي مختش عشر دقائق داخل الفحص .

السلام عليكم جميعا
اولا مرو فيصل دة نفسى اعرف اذاى نفد من حرائق المرور الى فى ايام الثورة بصراحة اسوء مرور على مستوى الجيزة وبلا منازع

ثانيا انا روحت يوم الاربعاء الى فات 9/4/2013 للفحص ونقل ملكية العربية لانى تبع مرور فيصل والحمد لله الفحص تم ببساطة وسهولة ملحوظة انتشار البلطجية بخارج مكان الفحص وكل شوية واد يجى يقولك 5 جنية تنظيم طابور وشوية 5 جنية بارك واللذى منة مع انتشار المخلصتية اشخاص شكلهم غريب يخش عليك يقولك تخلص يا بية ولو عاوز تتعامل معاة بيخلصلك فعلا لانة غالبا متفق مع موظف هناك وبيقسمو اخر النهار
ثانيا نيجى بقى للمشكلة الكبرى السيستم ساقط وحسبى الله ونعم الوكيل فحصت يوم 9/4 والرخصة هتخلص 14/4 يعنى رايح قبل انتهاء الرخصة ب6 ايام وخالالتلك الفترة اروح كل يوم والسيستم بردة ساقط خرج ايمن الغريب رئيس الوحدة وهو ضابط برتبة عقيد وقال مفيش نقل ملكيو ولا ترخيص عربيات زيرو وال عاوز يجدد سنة تصريح ورقى من بتاع زمان ماشى بس ميجيش بعد كدة يقولى بدلة كمبيوتر ههههههههه البلد بتتقدم
ثالثا اشتغل السيستم يوم 15/4 وروحت وقفت طابور من الساعة 9 صباحا لحد 2 ظهرا والموظفين بيشتغلو بقرف والطابور بيزحف المهم الساعة 2 الموظف قام والناس هاجت وبصراحة موقف يحسب لرئيس الوحدة خرج وهدى الناس واجبر الموظفبن على العمل حتى 5 مساء المهم وصلت الشباك الساعة 3 يقوم اية بقى الباشا الموظف يقولى الرخصة انتهت امبارح وهات شهادة بيانات هههههههههه طيب يا باشا دة انا فاحص ومخلص كل حاجة من يوم 9/4 يعنى كانت الرخصة شغالة يقولى لاء هو كدة وانا مالى بينى وبينكم وواقف من الساعة 9 صباحا ل3 عصرا ويقولك كدة هتعمل اية روحت مزعق جامد وقولتلو هو انتم هتحملونا السيستم الى كان واقع وقلتلو مش همشى الا لما الرخصة تتطلع ولميت الناس لحد ما جيه واحد من جوة وقالو خلصهالو وفعلا استلمت الرخصة واللوحات الجديدة الساعة 4 عصرا

ملحوظة بقى مهمة جدا الباشا الموظف الى بيقولى الرخصة انتهت دة كان شغال مع واحد سمسار كل شوية بيجبلو رخص خارج الطابور والشباك

اخيرا حسبى الله ونعم الوكيل فى مرور فيصل شوفت فية يوم من اصعب الايام

رأيكم اتعامل مع البلطجيه اللى بيخلصو من برا دول ولا ايه

السلام عليكم ايها الاخوة الاعزاء

اليوم الاربعاء 17/4/2013 روحت مرور فيصل في تمام الساعة 8 صباحا ؟؟؟؟؟؟؟؟؟ طبعا لقيت طبور الفحص صفين كل صف 10 عربية .
المهم الباب بيفتح امتي 8.30 ص طيب ............... علي 8.20 فتح الباب والساعة 8.45 اشتغلت الشبابيك ، انا كنت مخلص كل حاجة سلمت الملف وقعدت .
علي الساعة 9.15 كنت واخد الرخصة وخارج بره المرور والحمد لله علي اي حال .

عقبالى يارب ومبرووووك