عرض للطباعة
السلام عليكم ورحمة الله وبركاتة .....
الأخوة الكرام مرفق تصوير فيدية لسرقة سيارة النترا من امام كوك دور فى شارع شعراوى طبقا لوصف السيدة صاحبة السيارة ....
يا ترى نقدر نستفيد اية من الفيديو دة ؟؟؟؟
خصوصا ان السيدة المحترمة ذكرت انها ركبت جهاز مانع السرقة وفصل طرمبة البنزين فى توكيل هيونداى ....
https://www.facebook.com/photo.php?v...type=2&theater
تحياتى للجميع
سوئال واحد بس ازاى دورو العربية مش العربية المفروض فيها امبليزر ولا اية
انا شفت الفيديو وفعلا استغربت جدا وبردو الكاميرا مكنتش موضحة قفل الدكسيون نظامه ايه ؟وفعلا النترا انتشرت سرقتها بشكل غريب وهنا ف المنتدى قريت بردو عن سرقة النترا
تقريبا تصميم العربية اتسرق او حاجه زي كدا
لان وانا ف المعرض بسال عن الكيا سيرراتوا قالي ابعد عنها لان التصميم بتاعها اتسرب من المصنع !!!!
واتسرقت ف كارفوا ف 3 دقايق
لو اعتبرنا انها مفيهاش امبليزر انا عندي ف الفيرنا موجود اللى ف الفابريكا مجرد ما تفتح الباب والسنتر مقفول بيضرب كلاكس هتاخد بالك انه مفتحش الباب اصلا !!!!!!!!!!!!!!!!!!!!!!!!اقتباس:
المشاركة الأصلية كتبت بواسطة kokowasfy
ودخل من مكان الازاز !!! يعنى اكيد عارف ان فيها حاجات زي كدا
لا يا كوكو الالنترا مفيهاش ايموبليزر في اي فئة حتى اعلى فئه مفيهاش ايموبلايزراقتباس:
المشاركة الأصلية كتبت بواسطة kokowasfy
كيا عملت الايموبلايزر اساسي في كل الفئات حتى في اقل الفئات للسيارات تم اضافة الايموبلايزر ستاندرد لكل الموديلات بعد انتشار سرقة السيارات
انا مش لاقي كلمة تتقال
غير ربنا يصلح حال البلد وتتعافي
وتكون قوة القانون فوق الكل
لانها مش هتتصلح غير لما القانون يمشي علي الجميع والبلطجه تختفي
حسبي الله ونعم الوكيل
اللي بيسرق عربيه بيبقي دارسها كويس قوي و عارف أزاي يعرف يفتحها لكن الغريب هنا ان العربيه متأمنه بحاجات زياده و مع ذلك ما فرقتش مع الحرامي و عرف يدورها برضه. ربنا يسترها علينا جميعا
يا ريت حد من الأخوة البروفيشنال ( زى الصياد وابو مصطفى وفورميولاتر وابوليلى و......) يشرح لنا اية اللى حصل وأزاى نقدر نتلافى حدوث ذلك ...
ويا ترى معنى كدة ان موضوع مفتاح فصل طلمبة البنزين دة مش فعال ؟؟؟