تقرير 2 عن نصبايه تاكسي العاصمه ( تم الترخيص )

**no2nn** · 16-04-2013 03:49 PM

السلام عليكم ورحمة الله وبركاته
إخواني أهل المنتدى الكرام ...
النهارده أنا جاي أحكي كل حاجه حصلت معايا بالتفصيل مع موضوع تاكسي العاصمه والنصب اللي حصل لي ولعائلتي والمرمطه في المشاوير انا ووالدتي وابدا موضوعي بــ (حسبي الله ونعم الوكيل ) في اياً كان السبب ...
والموضوع هيبقا مكتوب في نقط للتسهيل على القارئ ..
نبدأ بسم الله ..
1.والدي اشتري العربيه في 21-3-2012
2.والدي اشتري العربية من تاجر وليس من جراجات الشركه ..
3.العربيه واقفه علينا باغلى من سعرها الحالي ف السوق !!
4.تم وعدنا من قبل الشركه انها في خلال 15 يوم سوف يتم اعطائنا شهادة بيانات للسياره بالاضافه الي شهاده مخالفات لكي نستطيع الترخيص على اساسهم ..

5.تم الانتظار لاول 15 يوم والاتصال بالمختص !
6.لما يتم الرد
7.تم الانتظار لتاني 15 يوم مع تغيير الموظف المسئول من قٍبل الشركه ..
8.لم يتم الرد !
9.تم الانتظار لتالت 15 يوم مع تغير الموظف المسئول من قبل الشركه للمره التانيه
وهكذا لحاااااااااااااااااااااااااا ااااااااااااااااااااد شهر 9-2012 !!!!!
يعني اكتر من 6 اشهر !
10.بصراحه انا والدي كان بيتحرك بالعربيه عادي خالص ولم يتم ايقافه ولا مره !
11.سمعنا في شهر 9 ان في ناس رفعت قضيه ع الشركه !
12.بعديها بشهر والدي سافر واتدبست انا ف العربيه
13.تم الحصول على جواب للمرور من النائب العام لترخيص السياره !
14.اغمرتني السعاده لوهله .. ولكنها اختفت سريعا
15.اخدنا جواب المرور ده في شهر 1-2013 ومن هنا تبدا المأساه
16.تم الذهاب لمرور الجيزه
17.دخل خالي ووالدتي يسالو على الورق المطلوب لترخيص السياره !
18.الموظف اللي جوه قالهم روحو شوفو ملف العربيه اللي معاكو فين !
19.قدامنا 3 مرورات ! نبحث فيهم !
20 .مرور نكله ! ومرور السلام ومرور شبرا !
21.طيب هاندور على الملف ازاي يا عم الحج ! انا معييش نمر للعربيه
22.قالك مليش دعوه اتصرف
23.تم الذهاب لمرور نكله وهو قريب من شبين القناطر
24.كل ما نكلم موظف يقولك لا يا عم انا مليش دعوه بتاكسي العاصمه
25.امال مين اللي ليه دعوه يا عمي ! مش انت الموظف ولا انت كوز دره !
وجعتو اوي دي !
26.بعد محايله ساعه ونصف اخد رقم الشاسيه ورقم الهاتف عشان يدور في الملفات اللي جوه عن طريق رقم الشاسيه وليس رقم اللوحه !
27.اتصل بينا العسكري بعد يومين وتمت افادتنا انو يا جماعه ملفكو مش عندنا !
28.ملفكو يا اما في مرور السلام يا اما مرور شبرا !
29.طلعنا على مرور السلام وكلنا امل وتفاؤل :D :D
30.مع العلم اني ساكن في الهرم يعني مشوار نكله ده مرمطه ليا ومشوار السلام ده سحوله بالنسبه ليا !
31.مش مهم كلو يهون عشان نرخص العربيه
32.تم الذهاب اللي مرور السلام
33.انا كنت سمعت كلام كتير اوي ف المنتدى هنا عن حجر الكلب ده (مرور السلام) ف كنت عامل احتياطاتي ومتجهز بالسنجه والمطوه والالي
بهزر وربنا
33.دخلنا الجزء الخاص بالتاكسي !
34.ودخلنا على موظف بطريقه عشوائيه واول ما قولت تاكسي العاصمه لقيتو اتعصب واتنرفز ولا لا لا مش هشتغل في تاكسي العاصمه
35.يا سيدي الفاضل لو حضرتك مش هتشتغل مين يشتغل !
36.ام سحلول !!
وجعتو دي كمان
37.المهم بعد عذاب اخد رقم الشاسيه وراح كتبه على الكمبيوتر وجه مبسوط وسعيد وبوجه بشوش قالي العربيه مرخصه ف شبرا وقام راميلي الجواب بتاع النائب العام ومشي !
38.يابن الــــــــــــــــــ
39.للاسف والدتي معايا ف مسكت لساني وروحت للظابط اللي كل مهمته يختم الورق ده !
40.وعرفتو الموضوع نده للموظف وادالو كلمتين وف الاخر بردو الموظف مرديش يجيبلي الملف بتاعي !
41.اصل بالذكاء كده ازاي العربيه مرخصه في شبرا وهي معايا بره
42.جالنا موظف تاني ابن حلال كان واقف يتفرج واخد رقم الشاسيه ودخل اتاكد على الكمبيوتر وطلعت فعلا مرخصه ف شبرا !!!!!!!!!!!!1
43.قالنا طالما العربيه معاكو برا اطلعو ارفعوا بصمه عشان تتاكدو لحسن تكون العربيه اللي معاكو مسروقه ولا حاجه
44.هو قال كده وانا حسيت اني بليت نفسي
45.طلعت جري ع مكان الفحص ورفعت بصمه والحمد لله عربيتي نفس الارقام في الشاسيه والموتور !!
46.امال مين بقا اللي مرخص ده !
47.كان في امين كده واقف وشكلو محترم واسمو عصام !
بجد الراجل ده محترم جدا وساعدنا كتير
48.المهم بعد ساعتين كده ولا حاجه جبنا الملفين اللي مشبوه فيهم !!
49.وطلعنا على المباحث الملحقه بمرور السلام عشان نعمل استعلام عن العربيه التانيه
50.وهما ف المباحث اتصلوا بمرور شبرا وجابو الملف بتاع العربيه اللي رخصت على ورقي !!
51.كل ما في الامر ان رقم الشاسيه بتاعي مشابه لرقم الشاسيه بتاعو ف كل الارقام ما عدا رقم واحد فقط هو 8 وانا 6 !
52.المهم بعد ما اتاكدنا ان فعلا العربيه دي مرخصه ف شبرا قمنا طالعين على الاستاذ عمرو رئيس الوحده ! 53.نكمل في المشاركه الجايه

**no2nn** · 16-04-2013 04:01 PM

مش فاكر انا وصلت رقم كام
51.وهما ف المباحث اتصلو بشبرا واتاكدو فعلا ان العربيه مرخصه هناك !!
52.طبعا طلعت بالملفين وبوالدتي وبخالي وبعصام لرئيس الوحده واسمو عمرو !!
53.بصراحه الرجال ده قمه ف الاحترام
54.اخدنا ساعه كمان عشان نفهم الموضوع كلو لعمرو بيه ده !
55.ببساطه كده انا والعربيه التانيه ارقام الشاسيهات بتاعتنا زي بعض بالظبط ما عدا رقم واحد بس انا عندي 6 وهو عندو 8 !!
56.طبعا احنا فهمنا ده بعد ساعه وبعد ما عمرو بيه كلم مهندس الفحص اللي فحص العربيه وطلع ان الفني بتاع الفحص قرا ال 8 وخلاها 6 !!!
ازاي متعرفش يا جدع !
57.تقول بهايم بتشتغل
58.طبعا عمرو بيه طلع حل خوزعبلي !
59.قالك نبدل الملفات لان الورق ف الملفات متلخبط جداااا
60.انا عندي ورقه الفحص بتاعتو وهو عندو الافراج بتاعي
61.طبعا هو دافعلي تامينات وضرايب
62.عمرو بيه قالك زي ما هو دفعلك تامينات وضرايب ادفعلو انت كمان ونبدل الملفات والدنيا زي الفل
63.طبعا في اي بلد موظفينها بيفهموا .. المفروض اللي يحصل دلوقتي ان الشخص التاني يتجاب هو وعربيتو واذا اثبت ان العربيه اللي ف ايدو مش نفس العربيه اللي ف الورق يبقا يتسحب منو الترخيص ويتعاقب ويتغرم ويرخص من جديد ده لو فعلا المووضوع محض صدفه .. انما انا اشك واكاد اجزم ان الموضوع مزور ومدفوع فيه كتير اووووي !
وكما قال المثل أبجني تجدني :D
64.طبعا احنا ع نياتنا قولنا ماشي ومشينا ع اساس نروح ندفع تامينات وضرايب للتاني ونبدل الملفات واخد انا شهاده البيانات بتاعتي !
نكمل في التعليق القادم

**no2nn** · 16-04-2013 04:21 PM

65.راح خالي ووالدتي مصلحه التامينات عشان يدفعو تامينات للحج التاني !!
66.دفعنا التامينات وكل حاجه واخدنا وصولات بالكلام ده وفاضل بس اطلع شهاده التامينات
67.جه المراقب يراجع الكلام عشان يطلعلي الشهاده قالي اوبا انت معاك جواب برقم شاسيه مختلف عن الملف
68.قولتلو ايون ما انا كيت وكيت وكيت وفهمتو الموضوع كلو من اولو لاخرو وخليتو يكلم رئيس وحده مرور السلام !
69.بعد ساعتين محايله مقتنعش وقالي مينفعش !
70 . قمت راجع السلام متنرفز جدا ولاحظو كميه المشاوير اللي انا بعملها انا ووالدتي وخالي انا والله خالي كان بيروح شغلو الساعه 3 !!! لكم ان تتخيلو
71.طبعا قمنا خدنا بعضنا وطلعنا على الاداره العامه للمرور وعملنا شكوي وبلاغ في كل من ...... و ...... و .... !!
72 . طبعا الموظفه اللي هناك على ما فهمت الموضوع كنا قضينا جنبيها يومين !!
73 .الفول والطعميه بياثرو برضو
74.عملت مذكره وطلبت ان الملفات تجيلها من مرور السلام !
75 .طبعا الملفات اخدت اسبوعين عشان توصل للاداره !!
76.توفيرا للكتابه انو قعدنا شهرين كاملين كل يوم نروح الاداره العامه للمرور عشان نتابع الموضوع والمفروض انها تحول كل الموظفين البهايم دول للتحقيق بس اللي انا شاكك فيه ان الشخص اللي رخص مكاني معروف ف المرور ف محدش عايز يئذيه !
77.اخخخخخخخخخخخخخخخخخيرا بعد الشهرين وكل يوم اروح وارجع خالي الوفاض :D
خدت بالك من خالي الوفاض دي
78. المهم كتبت اكتر من مذكره ع الملفات عشان اخد شهاده البيانات
79.المفات رجعت تاني المرور بعد اسبوع
80.كان في موظف كده عسول وامور اسمو ماهر الباجوري
ده بقا اللي مهبب كل حااااااااااااااااااااجه ومرخص للبني ادم التاني وانا مش خايف اني اكتب اسامي بالعكس انا معايه صوره البطاقه بتاعت الشخص التاني ولو انا عايز ائذيه كنت عملت بلاوي بس بردو اللي مرضاهوش عليا مرضاهوش ع غيري !!
.اصل انا ببساطه متربي
81.المهم دخلنا المرور بابتسامه جميله عشان نرخص قالك لا مش هشتغل .. !!!
82.قولتلو لا يا حبيبي هاتشتغل يعني هتشتغل وقام خالي داخل مزعق جامد جوه عند الموظفين وكنا واقفين عن الكبير بتاع الموظفين
83.لما حس اننا ع حق قام شاتم ماهر الباجوري ده بالام قدام الناس كلها وروح يابن المت........* خلص الشغل ...
روح يا بن الع........ صلح الشغل .. ما انت امك كذا وكذا !!!
84.المهم اخدلو كام زعيقه محترمه وبعد ساعتين تلاته كده وكميه طلبات غريبه عشان اجيبهالو واتمشور للقسم كتير عشان اعمل مذكره فقد نموذج 105 وفقد لوحات وفقد رخص وفقد حاجات كتير كده كاني بسرق معاهم عربيه !!!
منهم لله
85..المهم قالي روح ادفع ضرايب ومخالفات قمت رايح جايب ضرايب والمخالفات قمت طالع ع عمرو بيه كتبلي واسطه عشان يمشي الموضوع بالوصل !
86.اخدهم على مضض وطلب مني ادفع المخالفات !
87.طيب انا عربيتي معاليهاش اي مخالفات قالي لا تدفع عن العربيه التانيه زي ما هو دفعلك !!!
88.قومت قايلو ش7ش بصوت عالي !!
وطلعت ع عمرو بيه قالي لا تدفع مخالفاتك انت :D :D
89.رجعت وحرقت دمو وجبت مخالفاتي انا اللي هيا مفيش اصلا
90.وكتبلي شهاده البيانات والحمد لله
91.روحت مرور فيصل بقا عشان ارخص
92.طلبو مني جواب من المباحث بالموافقه ع الترخيص وجواب من الماليه مش عارف ليه !ّ
93.روحت عملت جواب المباحث وجبت للمباحث جواب ضريبه مبيعات عشان مش عارف ايه كده !!
94 .كميه طلبات متخلفه وغبيه وعقيمه وملهاش لازمه
95.كميه ورق ع الفاااااااااااااااااااااا اااااااااضي
96.المهم رجعت المرور قالك تجبلي شهاده تامينات !
97.قولتلوما الوصل معاه قالي ارجع السلام خليه يكتبلي غير مطالب بالتامينات
98.خلصتها وفحصت ورفعت البصمه ورجعت السلام طابقتها
99
نمككلبصمهم

**no2nn** · 16-04-2013 04:25 PM

94.كميه طلبات متخلفه وعقيمه وملهاش لازمه
95.كميه ورق تحس احنا بهاااااااااااايم
96.حافظين مش فاهمين !!
97 .المهم رفعت بصمه وطابقتها ف السلام ولكم ان تتخيلو اني نسيت اختم الورقه وروحت طابقتها من غير ما يبص ع الختم !!!
98.رجعت فحصت وعملت الطفايه وهيا منتهيه !!! من 2006 !
99.كميه تخلف واشتريت الشنطه والمثلث ..
100 .روحت النهارده سجلت العربيه واخدت ترخيص سنه !!!!
101.الحمد لله استلمت النمر والرخصه بس الغريبه اني مدفعتش تمن النمر !!!!!!!!
والحمد لله يا جماعه
انا كتبت الموضوع ده عشان تعرفو كميه الجهل اللي احنا بقينا عايشين فيه !!
اسف ع الاطاله وشكرا ع المتابعه