الموضوع: انا محتاااااااااااااااااااااا اااااااار جدا .....................

السلام عليكم اولا
انا شاب مصري و اريد سيارة جميلة و شيك و محتار ومش قادر اخد قرار انا ممكن اجيب سيارة في حدود 110.000 بس في اكثر من حاجة قدامي و مش عارف اقرر وانا هأقولك انا سوقت عربيات كتيرة بتاعت صحابي و لقيت في كل عربية ميزة انا عاوزها فمثلا :
اللانسر 1600 الشكل بوما اوتوماتيك حلوة اوي و التسارغ بتاعها حاو اوي بس انا عاوز عربية عالية عن الارض فجربت الماتريكس جميلة اوي بس الاوتو بتاعها مش حلو خالص و خاصة مع التكييف و النيسان صني حلوه اوي بردو بس ضيقة من ورا اوي فا فكرت في تيريوس 2 بس مش عارف الموتور بتاعها ازاي 1500 على الحجم ده كله و الوزن ده كله و ايه اخبار التسارع بتاعها و لما احمل فيها شنط و عائلتي وزنها هيزيد ايه الوضع مع 1500 بتاعها و ايه الفرق بين 2*4 ، 4*4 هايفرق كتير في التسارع و اخبار الثبات ايه عاشان انا بحب السرعه
علشان كده عاجباني اللانسر 1600 ثبات و تسارع بس مش زي التيريوس في علوها
انا محتار اوي ارجو من اهل الخبرة افادتي و لكم جزيل الشكر و مع الاسف للاطالة علشان دي اول مرة اكتب فيها لـــnile Motor

فعلا الموتور ال 1500 ضعيف على عربية بالحجم و الوزن دة
و مايستحملش كمان صحراء و لا تعشيق رباعي

ال 4*4 يعني الدفع عالاربع عجلات
الكردان بيدي العجل الخلفي و الامامي كمان معشق على كبالن

ال 4*2 يعني الدفع على غجلتين بس, و العجلتين التانيين ممورين

و ال 4*4 ميزتة في حالة السواقة عالرمل Off Road
وفي المطرة و الطرق المبتلة او الجليد بيدي ثبات رهيب للسيارة عالطريق

بس في التريوس مكاتفكرش في تسارع
العربيةو موتورها مش قوي على وزنها

و كمان الثبات بتاع العربيات ال SUV مش عالي , يعني اللانسر و التويوتا من حيث السرعه و التسارع و الثبات بيبقوا افضل منها

و الله اعلم

شكرا يا ادهم باشا بس محتاج رأيك في قدامك عربية تبقى زي التيريوس و فلوسها ما تزيدش عن 150.000
و يكون فيها ثبات و تسارع و واسعة
ولا افكر في اللانسر 1600

المشاركة الأصلية كتبت بواسطة haitham98

شكرا يا ادهم باشا بس محتاج رأيك في قدامك عربية تبقى زي التيريوس و فلوسها ما تزيدش عن 150.000
و يكون فيها ثبات و تسارع و واسعة
ولا افكر في اللانسر 1600

شكلك ناوي على حاجة Suv 4x4 لو كدة فية عربية بتجمعها الهيئة العربية للتصنيع اللي هوة Aav اسمها كومودو
ناس كتير شكرت فيها و بصراحه برغم انها صيني (الاسم صيني) بس كونها تتجمع في المصانع اللي بتجمع الشيروكيي من 15 سنة و قبلها عربيات كتير زي الواجونيير و الجيب الرانجلر يقول ان العربية مضمونة و مجمعها ناس فاهمة

بص عالعربية في صفحة الصيني العام فية كذا موضوع عنها و لينكات لموقع الشركة الأم لصور و مواصفات العربية بالضبط

المشاركة الأصلية كتبت بواسطة HAITHAM98

شكرا يا ادهم باشا بس محتاج رأيك في قدامك عربية تبقى زي التيريوس و فلوسها ما تزيدش عن 150.000
و يكون فيها ثبات و تسارع و واسعة
ولا افكر في اللانسر 1600

ثبات وتسارع ,وستبترونيك واوبشن رائع وكل اللى انت عايزه هتلاقيه فى المازدا3 بس يعيبها انها مالهاش توكيل وبتجيبها من المستوردين سونستا او سمارت كار بس فعلا العربيه دى انا شايف انها الافضل لحد150000




..mokhtar..

شكرا يا محمد باشا بس انا اقصد قعدة العربية التيريوس و الماتريكس تحس انك قاعد فوق في العالي
بس اللانسر لا غبار عليها طبعا بس زي اي عربية تانية في مستواك كنت عاوز اعلى شويا

بص هات ياريس فول اوبشن اتوماتيك ب 104 الف و ريح دماغك
عربيه ياباني و عاليه و واسعه و تسارعها ممتاز و تكييفها قوي و عربيه بتستحمل

شكرا يا حازم باشا بس هوا الموضوع ازواق الياريس عربية جميلة جدا بس انا مش بحب العدادات اللي في النص بحب الخصوصية شوية
انا عارف ان الماتريكس كده برده بس اللي كان هايعوض ده علوها عن الارض و ان مش حد هايبئى معايا في العربية من اللي حواليا

هيا اذواق طبعا
و محدش يقدر يقول حاجه
اللي يعجبني مش شرط يعجبك و العكس
:)
طب ايه رايك بص كده علي السيراتو اسعارها بتبدأ من 90 الف فول اوبشن مانيوال
عربيه جميله جدا برضه