كنت عاوز اعرف استهلاك البنزين فى ام 11 وايه العيوب والمميزات
عرض للطباعة
كنت عاوز اعرف استهلاك البنزين فى ام 11 وايه العيوب والمميزات
هو مفيش حد بيرد ليه يارجالة
انا معايا الام 11 وبسافر مسافات كبيرة معظم الوقت وبيكون استهلاكها حوالى 180 ل 200 كيلو فى الصفيحة تقريبا اما داخل البلد محسبتهاش الصراحة انا مش عارف كمان هل المعدل دة طبيعى ولا اية بس انا مش حاسس ان استهلاكها كبير وشايفها عادية جدا اما عيوبها اكيد قطع غيارها مش هتلاقيها زى اللانوس مثلا وسعر اعادة بيعها بردة اقل من زميلاتها فى نفس الفئة رغم ان الانظار بدات تتجه اليها الفترة الاخيرة وتفوقت حتى فى معدل الشراء بدليل ان كتير كانوا بيسالونى عليها فى الشارع , اما المميزات حدث ولا حرج عالية عن الارض ثابته صاجها ماشاء الله متين شكلها شياكة الاوبشن بتاعها عالى الصالون الداخلى شياكة , ولحد الان لم اعانى من مشاكل بفضل الله غير المشاكل العادية فى اى عربية وهيا معايا بقالها سنتين
معدل استهلاكها علي السفر لو ماشي علي الخامس لحد 120-130 لا يزيد عن 7 لتر لكل 100 كيلو و مجربها تريليون مرة بالتنك مش بالعداد علشان اتأكد ...
لو بتحرق بقي و بتجيب ال200 كيلو في الساعة زيي مش هتعمل اقل من 20 لتر لكل 100 كيلو و بتوصل 23 لتر كمان
طبعا جوة البلد مفيش مقياس ... مستحيل
الف شكر ليكم يارجالة انا الحمد الله جبت ام 11 موديل 2012 ياريت تساعدونى فيها انا بكرة هوديها عند المهندس محمد رشاد علشان اظبط شوية حجات فيها
العربية وزنها كبير حوالى طن و نص بالسائق و لو بتحب تشد هتلاقى استهلاك البنزين عالى. اكبر عيوبها هو قلة قطع الغيار حتى فى التوكيل زى علبة الباور و اربة المية خامتها وحشة و مكنة الازاز الخلفى و دراعات فتح تانك البنزين و الشنطة خامتها ضعيفة. بس فى المجمل هى عربية جميلة و ركوبة حلوة و صفقة جيدة.
قطع الغيار انتشرت و موجودة جديد و استيراد في الحرفيين ...انا اشتريت قربة مياه ب 160 علي ما افتكر زيرو اصلي من الملك في الحرفيين....