الموضوع: حد عنده نصيحه اخيره قبل ما اشتريها انا هروح احجز بكره ان شاء الله

مش عارف اقول لحضرتك ايه بس بيبقى فى تخفيضات فى رمضان وكمان سمعت ان الدولار ابتدى ينزل

المشاركة الأصلية كتبت بواسطة Zazoksh

عزيزى/ timo_crosswind

إليك رأيى المتواضع فى السيارة .. لقد اشتريتها فى 25 ديسمبر 2011 .. ولا زالت معى حتى الآن :-

1- السيارة علشان تشتريها يجب أن تتأكد من أشياء هامة جداً مثل : وسائل الأمان (فرامل ABS/AED) ، وسائد هوائية ، إتزان فى السرعات العالية ، استجابة الموتور السريعة لتغيير السرعات .

وأنا أقول لك بكل ثقة .. أن السيارة البروتون (ساجا/جين تو/بيرسونا) لديها كافة وسائل الأمان التى تجعلك .. بعد ثقتك فى ربنا واتكالك عليه .. أنك وأفراد أسرتك فى أمان ...

2- من يتحدث عن سوء التقفيل بتاع السيارة .. يا ريت يتحدث بموضوعية وحيادية .. يعنى يحدد أى جزء فى السيارة سىء فى تقفيله .. وهل إنطباعه سماعى ؟ .. أم من واقع تجربة ؟
ولو كل واحد فينا يريد أن يظهر مساوىء التقفيل فى أى سيارة .. لن يغلب .. فالعملية من الأول إلى النهاية .. مسألة نسبية .. بمعنى .. أن ما أراه أنا سوء تقفيل .. لا يراه غيرى .. العبرة دائماُ فى المجمل .

3- لو حضرتك بيهمك السرعة والبرستيج ولا يهمك المال .. فبالطبع لن ترضيك البروتون .. لإنها فى الأساس سيارة تعتمد بصفة أساسية على وسائل الأمان وحماية من بداخلها .. بالإضافة إلى الإعتمادية عليها كأى سيارة أخرى .
ولمعلومية السادة الزملاء .. فالسيارة استهلاكها للوقود عادى جداً وأقل من العادى ... (أغلب السيارات كذلك) ولكن أستهلاك الوقود المتزايد يعتمد أساساً على طريقة قيادتك للسيارة (حرق غيارات/الشد على الموتور بأقصى قوة/عدم صيانة دورة الوقود/ ... إلخ)

4- السيارة فى المجمل ممتازة من ناحية : السعر / الأمان / المظهر الداخلى / المظهر الخارجى / الإتساع ... وخد بالك كويس .. أى سيارة أخرى فى السوق المصرى بمثل المواصفات والمميزات الموجودة فى السيارة البروتون .. سيزيد سعرها بمتوسط من 20000 إلى 50000 ألف على الأقل .. وبرضة لن تكون فيها كل المواصفات الموجودة فى البروتون .. راجع حضرتك أسعار الهيونداى (أكسنت أر.بى. / الإلنترا) والكيا سيراتو والشيفروليه أوبترا ..

5- من قال لك أن جميع التوكيلات ممتازة ما عدا توكيل عز العرب ... حضرتك عارف كويس أن أسعار قطع الغيار والصيانة فى التوكيل نار .. نار .. نار ... الكل متساوون .. ولكن الفيصل بينهم هو .. قطعة الغيار المطلوبة موجود أم لا .. وأصلية أم لا .. هنا يكمن قوة الوكيل وقوة العلامة التجارية .

عزيزى .. عندما اتحدث إليك .. أو إلى أحد الزملاء .. ليس الغرض أن أقنعك بوجهة نظرى .. فلولا اختلاف الأذواق لبارت البضائع .. ولكنى أتحدث عن تجربة عايشتها منذ 25 ديسمبر 2011 وحتى الآن .. ومقتنع بالسيارة .. ومقتنع أننى حصلت على أعلى قيمة مقايل النقود التى استريتها بها .

مع أطيب تمنياتى للجميع بالصحة والسعادة والسلامة ،،،

حسين ظاظا

بروتون بيرسونا 2012 أتوماتيك

+1

المشاركة الأصلية كتبت بواسطة fares_311

هي العربية حلوة بس توكيل وحش انت عارف أهه....لو نفسك فيها أتكل على الله

اعتذر عن تاخيري في الرد...موضوع التوكيل للاسف عارفه بس ان شاء الله بمجرد اني اتاكد ان العربيه مفيهاش عيوب تحتاج الضمان هشوف حد تاني يكون ثقه اتابع معاه الصيانات الدوريه علي سبيل المثال مركز عصام صفا والبحث مازال جاري عن مراكز تانيه
بس فعلا بعد عمل مقارنات كتير لقيت ان مش قدامي غير عربيتن بس البرتون والنيسان صني الشكل القديم..وبالرغم من كرهي للنيسان بس حاولت اقنع نفسي بيها ولقيت الاتي
العربيه غير متوفره في التوكيل بتاعها وكمان موقفين الحجز ولو هشتريها من اي معرض عامل اوفر برايس مش اقل من 10 الالف جنيه يعني حرام بصراحه

المشاركة الأصلية كتبت بواسطة wael30003

انا بقلك نصيحة وانت على البر

اشترى التوكيل قبل ما تشترى العربية

انت مش عارف ممكن يحصل ايه بعد ما تشترى سواء عيوب صناعة او غيره

انا نصحتك وانت حر

القرار ليك

واستخير ربنا

اعتذر عن تاخير في الرد
اتا عارف ان توكيل العربيه في الطرواه بس دي معناه ان اشتري عربيه مش مقتنع بيها عشان توكيلها كويس بس؟؟؟؟؟؟؟؟

المشاركة الأصلية كتبت بواسطة s o p h o s

زمان كنا بنقول عربية جميلة مع توكيل سئ
حاليا وبعيدا عن التوكيل سعر العربية والفئة الي دخلت فيها العربية
تخليني كرأي شخصي اشوف انها مبقتش ثفقة زي زمان ..

اعتذر عن تاخيري في الرد
ممكن حضرتك ترشحلي عربيه تكون زيرو مش مستعمله ولا كسر زيرو لحد 110 الف جنيه تكون احسن منها ؟؟؟انا منتظر رد حضرتك علي فكره مش هقدر ازود جنيه عن المبلغ دا

المشاركة الأصلية كتبت بواسطة motarjim

لو حضرتك درست العربية كويس جدًا وعرفت عيوبها قبل ميزاتها، ولسه عايز تجيبها، توكل على الله.

عيب العربية الأساسي التوكيل، قطع غيارها الأصلية غالية، وغير متوفرة أحيانًا. طبعًا طالما أنها مع عز العرب، فلا يُؤمل في توافر قطع الغيار أو انخفاض سعرها، أو انتشارها خارج التوكيل كما هو الحال بالنسبة للسيارات الكورية واليابانية!

العربية في حد ذاتها بصرف النظر عن التوكيل السيء، ممتازة، ولها طابع خاص.

وربنا يقدر لك الخير.

اعتذر عن تاخيري في الرد
المفروض اني فعلا درست العربيه كويس ومعايا اتنين من اصدقائي ملاك جين 2 واحد فيهم مش مستاء من التوكيل والتاني ماسك فرفر وواقف لصاحب التوكيل عشان يضربه بالنار من كتر كرهه ليه وانا قولتله لو قتلته اديني رنه...بس الاتنين دلواقتي تعاملهم كله مبقاش مع التوكيل واكدو ليا ان قطع الغيار بدءت تنتشر بره وفي اماكن كتير ومنها استيراد كمان...