بالرغم من كل اللي سمعته عن عز العرب وبرتون والمشاكل اللي تخلي اي حد بيفكر في العربيه يغير رائيه مهما كان بيحبها بس نويت اشتري برتون بيرسونا 2013هاي ﻻين وياريت ياجماعه اللي عنده نصيحه اخيره ليا يقولها ليا سواء كانت نصيحه باﻻيجاب باني اشتري العربيه او نصيحه بالسلب اني ابعد عنها ولكم جزيل الشكر واﻻحترام
هي العربية حلوة بس توكيل وحش انت عارف أهه....لو نفسك فيها أتكل على الله
انا بقلك نصيحة وانت على البر
اشترى التوكيل قبل ما تشترى العربية
انت مش عارف ممكن يحصل ايه بعد ما تشترى سواء عيوب صناعة او غيره
انا نصحتك وانت حر
القرار ليك
واستخير ربنا
زمان كنا بنقول عربية جميلة مع توكيل سئ
حاليا وبعيدا عن التوكيل سعر العربية والفئة الي دخلت فيها العربية
تخليني كرأي شخصي اشوف انها مبقتش ثفقة زي زمان ..
لو حضرتك درست العربية كويس جدًا وعرفت عيوبها قبل ميزاتها، ولسه عايز تجيبها، توكل على الله.
عيب العربية الأساسي التوكيل، قطع غيارها الأصلية غالية، وغير متوفرة أحيانًا. طبعًا طالما أنها مع عز العرب، فلا يُؤمل في توافر قطع الغيار أو انخفاض سعرها، أو انتشارها خارج التوكيل كما هو الحال بالنسبة للسيارات الكورية واليابانية!
العربية في حد ذاتها بصرف النظر عن التوكيل السيء، ممتازة، ولها طابع خاص.
وربنا يقدر لك الخير.
اعتقد انها مدخلتش في فئة مختلفة ولا حاجة , لان كل العربيات اسعارها غليت جامد ( متوسط 20000 جنيه ! )اقتباس:
زمان كنا بنقول عربية جميلة مع توكيل سئ
حاليا وبعيدا عن التوكيل سعر العربية والفئة الي دخلت فيها العربية
تخليني كرأي شخصي اشوف انها مبقتش ثفقة زي زمان ..
اتكل على الله بعد ما تصلى استخارة ، عربية ممتازة مع توكيل سئ فعلاً بس كده كده التوكيل أخرك معاه نهاية الضمان و بعد كده شكراً هتعيش حياتك بره ، و كده كده انت ممكن تتعامل مع مركز عصام صفا فى فترة الضمان ، كله بيشكر فيه و هيريحك بإذن الله ، المهم تصلى استخارة و لو ما فيهاش خير ربنا هيوقفهالك و لو فيها خير هيسهرهالك ان شاء الله..
توكل على الله مادام حابب العربية ، اغلب التوكيلات سيئة ، و عز العرب ليس الاسوء ولكنه متميز فى سوء خدمة ماركة بروتون رغم ذلك.
ربنا يوفقك وان شاء الله تفرح بيها ، وبمجرد ما تطلع من الضمان "3 سنوات او 100 الف كيلو" هتستريح منه ،
هتلاقي بدائل لقطع غيار معينة متوافقة مع العربية برة قصة التوكيل.
وان شاء الله تكون اضافة لنا ، ونكون اضافة لك.
تحذير ابعد تماما عن البروتون الجين 2 و البيرسونا
انا عربيتي عامله 800 كم
و اسوأ من ما تتخيل انا اتخدعت في العربية دي خدعة عمري
1 من اسوأ تقفيل السيارات اللي ممكن تشوفها لدرجة ان اي عربية تقفيل مصري احسن منها.
*ملحوظة انا رفضت استلام عربيتين عشان عيوب التقفيل دي
2سيئة جدا جدا في الفرامل انا لسه مكملتش 800 كم ولا عملت صيانة 1000 و روحت التوكيل 3 مرات
3 استهلاك بنزين بشع لدرجة ان في 800 كم 3 تفويلات بنزين
4 بتنزل فيها عيب في الزوايا و مش بيعرفوا يضبطوها
5 لما تشغل التكييف تحس ان العربية تحول صوتها الي غسالة فول اوتوماتيك من صوت مروحة التكييف.
6 حرام فيها الفلوس اللي بتدفعها في تمنها و قطع غيارها حيث انها ليست في مستوي الجودة التي تستحق هذه المبالغ.
عزيزى/ timo_crosswind
إليك رأيى المتواضع فى السيارة .. لقد اشتريتها فى 25 ديسمبر 2011 .. ولا زالت معى حتى الآن :-
1- السيارة علشان تشتريها يجب أن تتأكد من أشياء هامة جداً مثل : وسائل الأمان (فرامل ABS/AED) ، وسائد هوائية ، إتزان فى السرعات العالية ، استجابة الموتور السريعة لتغيير السرعات .
وأنا أقول لك بكل ثقة .. أن السيارة البروتون (ساجا/جين تو/بيرسونا) لديها كافة وسائل الأمان التى تجعلك .. بعد ثقتك فى ربنا واتكالك عليه .. أنك وأفراد أسرتك فى أمان ...
2- من يتحدث عن سوء التقفيل بتاع السيارة .. يا ريت يتحدث بموضوعية وحيادية .. يعنى يحدد أى جزء فى السيارة سىء فى تقفيله .. وهل إنطباعه سماعى ؟ .. أم من واقع تجربة ؟
ولو كل واحد فينا يريد أن يظهر مساوىء التقفيل فى أى سيارة .. لن يغلب .. فالعملية من الأول إلى النهاية .. مسألة نسبية .. بمعنى .. أن ما أراه أنا سوء تقفيل .. لا يراه غيرى .. العبرة دائماُ فى المجمل .
3- لو حضرتك بيهمك السرعة والبرستيج ولا يهمك المال .. فبالطبع لن ترضيك البروتون .. لإنها فى الأساس سيارة تعتمد بصفة أساسية على وسائل الأمان وحماية من بداخلها .. بالإضافة إلى الإعتمادية عليها كأى سيارة أخرى .
ولمعلومية السادة الزملاء .. فالسيارة استهلاكها للوقود عادى جداً وأقل من العادى ... (أغلب السيارات كذلك) ولكن أستهلاك الوقود المتزايد يعتمد أساساً على طريقة قيادتك للسيارة (حرق غيارات/الشد على الموتور بأقصى قوة/عدم صيانة دورة الوقود/ ... إلخ)
4- السيارة فى المجمل ممتازة من ناحية : السعر / الأمان / المظهر الداخلى / المظهر الخارجى / الإتساع ... وخد بالك كويس .. أى سيارة أخرى فى السوق المصرى بمثل المواصفات والمميزات الموجودة فى السيارة البروتون .. سيزيد سعرها بمتوسط من 20000 إلى 50000 ألف على الأقل .. وبرضة لن تكون فيها كل المواصفات الموجودة فى البروتون .. راجع حضرتك أسعار الهيونداى (أكسنت أر.بى. / الإلنترا) والكيا سيراتو والشيفروليه أوبترا ..
5- من قال لك أن جميع التوكيلات ممتازة ما عدا توكيل عز العرب ... حضرتك عارف كويس أن أسعار قطع الغيار والصيانة فى التوكيل نار .. نار .. نار ... الكل متساوون .. ولكن الفيصل بينهم هو .. قطعة الغيار المطلوبة موجود أم لا .. وأصلية أم لا .. هنا يكمن قوة الوكيل وقوة العلامة التجارية .
عزيزى .. عندما اتحدث إليك .. أو إلى أحد الزملاء .. ليس الغرض أن أقنعك بوجهة نظرى .. فلولا اختلاف الأذواق لبارت البضائع .. ولكنى أتحدث عن تجربة عايشتها منذ 25 ديسمبر 2011 وحتى الآن .. ومقتنع بالسيارة .. ومقتنع أننى حصلت على أعلى قيمة مقايل النقود التى استريتها بها .
مع أطيب تمنياتى للجميع بالصحة والسعادة والسلامة ،،،
حسين ظاظا
بروتون بيرسونا 2012 أتوماتيك
حضرتك حظك غريب شويه ما فيش اى حد فى مصر اشترى العربيه وقال فيها كل الى انت بتقوله ده وعلى فكره ده مش رايي لوحدى ده راى كل الناس وحضرتك هاتشوف الردود على موضوعكاقتباس:
المشاركة الأصلية كتبت بواسطة dramrmostafa
وياريت كمان حضرتك تقولنا كان معاك عربيه ايه لان ممكن تكون عربيتك الى فاتت المانى مثلا وانت بتقارن بيها وساعتها هاتبقى مقارنه ظالمه للبروتون
شوف الموضوع ده الاول
http://www.nilemotors.net/Nile/349313-2-2013-a.html
واهم حاجه صلاة الاستخاره
مش عارف اقول لحضرتك ايه بس بيبقى فى تخفيضات فى رمضان وكمان سمعت ان الدولار ابتدى ينزل
بص انا كان معاى جين 2 2008
العربيه حلوه بس بكل صراحه التوكيل زباله وده من الاخر يعنى ؛ تسوى ايه انك عربيتك ممكن تقف شهرين مستنى قطع غيار
انا كنت فكرت اشتريها تانى السنه دى بس بصراحه بعد ما شوفت كام مشاركه لغيت الفكره
نصيحه اخر لو انت عجباك العربيه يبقى تخدها على عيبها و متجيش بعد كده تزعل
لو قررت تشترى افحص العربيه الى حتستلمها كويسسسسسس قوىيييي و حك تحتها 30 خد و خد 3 4 اصحاب معاك فاهمين يفلو العربيه عشان بيكون فى عيوب فيها
اقتباس:
المشاركة الأصلية كتبت بواسطة Zazoksh
+1
اعتذر عن تاخيري في الرد...موضوع التوكيل للاسف عارفه بس ان شاء الله بمجرد اني اتاكد ان العربيه مفيهاش عيوب تحتاج الضمان هشوف حد تاني يكون ثقه اتابع معاه الصيانات الدوريه علي سبيل المثال مركز عصام صفا والبحث مازال جاري عن مراكز تانيهاقتباس:
المشاركة الأصلية كتبت بواسطة fares_311
بس فعلا بعد عمل مقارنات كتير لقيت ان مش قدامي غير عربيتن بس البرتون والنيسان صني الشكل القديم..وبالرغم من كرهي للنيسان بس حاولت اقنع نفسي بيها ولقيت الاتي
العربيه غير متوفره في التوكيل بتاعها وكمان موقفين الحجز ولو هشتريها من اي معرض عامل اوفر برايس مش اقل من 10 الالف جنيه يعني حرام بصراحه
اعتذر عن تاخير في الرداقتباس:
المشاركة الأصلية كتبت بواسطة wael30003
اتا عارف ان توكيل العربيه في الطرواه بس دي معناه ان اشتري عربيه مش مقتنع بيها عشان توكيلها كويس بس؟؟؟؟؟؟؟؟
اعتذر عن تاخيري في الرداقتباس:
المشاركة الأصلية كتبت بواسطة s o p h o s
ممكن حضرتك ترشحلي عربيه تكون زيرو مش مستعمله ولا كسر زيرو لحد 110 الف جنيه تكون احسن منها ؟؟؟انا منتظر رد حضرتك علي فكره مش هقدر ازود جنيه عن المبلغ دا
اعتذر عن تاخيري في الرداقتباس:
المشاركة الأصلية كتبت بواسطة motarjim
المفروض اني فعلا درست العربيه كويس ومعايا اتنين من اصدقائي ملاك جين 2 واحد فيهم مش مستاء من التوكيل والتاني ماسك فرفر وواقف لصاحب التوكيل عشان يضربه بالنار من كتر كرهه ليه وانا قولتله لو قتلته اديني رنه...بس الاتنين دلواقتي تعاملهم كله مبقاش مع التوكيل واكدو ليا ان قطع الغيار بدءت تنتشر بره وفي اماكن كتير ومنها استيراد كمان...
متفق مع حضرتك في الكلام دااقتباس:
المشاركة الأصلية كتبت بواسطة ayman12345
اعتذر عن تاخيري في الرداقتباس:
المشاركة الأصلية كتبت بواسطة hamaka
انا الحمد الله فعلا صليت استخاره كذا مره واستقر بيا الحال اني روحت حجزت العربيه من عز العرب وهستلم في اول شهر 5
ومن هنا لحد اول الشهر لو حصل اي حاجه يبقي ربنا مش رايد ليها فيها خير وهسحب الحجز بتاعي
ودا فعلا تفكيري التعامل مع اي مركز معتمد بعيد عن عز العرب ومتشكر لحضرتك
اعتذر عن تاخيري في الرداقتباس:
المشاركة الأصلية كتبت بواسطة al-farooq
انا فعلا بعد الاستخاره توكلت علي الله وحجزت البيرسونا اتوماتيك وبالرغم من حبي للعربيه بس كرهت التوكيل من قبل حتي ما اتعامل معاه ..ان اشء فعلا دي اللي في تفكيري التعامل مع مراكز بعيده عن التوكيل نفسه
شرف ليا يافندم تكونو اضافه ليا وان اشاء الله ولو استلمت العربيه علي خير هتابع معاكم هنا وهعمل تقرير بكل كبيره صغيره فيها ان شاء الله
اعتذر عن تاخيري في الرداقتباس:
المشاركة الأصلية كتبت بواسطة dramrmostafa
انا قريت موضوعك المنفصل وشوفت ردود الاعضاء الافاضل وان اشاء الله كل حاجه هتتظبط وترجع احسن من الاول بس اسمحلي ليا كام ملحوظه صغيره لو تسمحلي
1-من خلال معينتي البسيطه للعربيه من الداخل والخارج عيوب التقفيل فيها مش سيئه بس لاحظت الخامات المستخدمه تتراوح من مقبول لبعض القطع لجيد في قطع اخري للممتاز ايضا في اخري وهكون دقيق اكتر لما استلم عربيتي وافصصها اكتر
2-مش هقدر اقيم الفرامل طبعا لاني مجربتش الموديلات الجديده بس جربت جين 2 2008 وكان ادائها بالنسبه لنوعيه قيادتي مرضي بس مش ممتاز فعلا بس ادي العربيه فرصتها تاخد عليك وتاخد عليها انا واحد من الناس مبعتبرش العربيه قطعه من الحديد او البلاستيك العربيه كيان لازم تاخد وقتك عشان تعرفه اكتر
3-مع ان في كتير اختلفو في استهلاك البنزين بس في قالو استهلاكها بشع وفي قالو استهلاكها مقبول وفي قال استهلاكها هايل بس اللي فهمته واتاكدت منه شوف انت عاوز ايه من العربيه لو عاوز جري وشد وكيكات بقي والجو دا يبقي مينفعش خالص تسئل علي استهلاك البنزين لو ماشيك هادي وفي المعقول يبقي حقك فعلا تقلق لو استهلاكها بس اللي عاوز اقوله ان مستحيل حد يقدر يقيم استهلاك البنزين الحقيقي والفعلي للسياره في اول 5000 كيلو الاولي مع احترامي لاي حد
ان شاء الله المفروض ان دي تالت عربيه من الزيرو اركبها واللي اقدر ااكدو ليك ان العربيتن اللي فاتو كان كل حاجه فيهم متلخبطه من اداء وفرامل واستهلاك بنزين غير ثابت بس بعد 10 الف كيلو الاولي حسيت بالميلاد الحقيقي للسياره في كل حاجه...بالمناسبه راعي جدا جدا اول الف كيلو في العربيه لانها اهم واخطر مرحله ليها وعلي اساسها بيتحدد العربيه هيكون سلوكها معاك ايه طول مده وجودها معاك
4-بالنسبه للتكييف اشهد وبكل ثقه ان تكييف العربيه دي فعلا مميز جدا جدا وعن كذا تجربه لو الموضوع صوت بس انا هتقبله مقابل اني اخد اداء جيد ومرضي من التكييف ..مينفعش تاخد كل حاجه من غير عيوب حتي الانسان اللي بتختاره يكون صديق ليك او انسانه تكون زوجه ليك لازم يكون فيها عيوب بس فيها مميزات تانيه تخليك تتغاضي او تتقبل العيوب دي
5-موضوع الزوايا اكيد ليه حل ولو ملوش حل انا لو مكانك هروح اقلعلهم بلبوص في قلب التوكيل لحد ما يلاقولي حل او يغيرو العربيه لو الذوق والادب مش نافع يبقي قله الادب سهله اوي بس اللي يستحمل
6-بالنسبه ان العربيه مش جيده مقابل السعر مش متفق مع حضرتك لو حتتطها في مقارنات مع عربيات تانيه كسعر وامكانيات واوبشن وامان تكسب وبدون منازع
هقول علي حاجه اخيره انا واحد من الناس ماشي بيها واعتقد فيها الخلاصه
لو انت عاوز عربيه ليك لوحدك يبقي هتخترها لو زي كتير من المصريين بيفكرو في بيع العربيه قبل حتي ما يشتروها يبقي حضرتك اخطاءت الاختيار كان لازم تفكر في عربيه ليك وللسوق بغض النظر انت حابب العربيه ولا لا المهم تعجب اللي هيشتريها منك
اسف لاطالتي وبشكر حضرتك جدا علي التوضيح والنصيحه وربنا يباركلك فيها ويكفيك شرها
عزيزي حسيناقتباس:
المشاركة الأصلية كتبت بواسطة zazoksh
اولا اعتذر عن تاخيري في الرد
ثانيا انا بتفق مع حضرتك في كل الكلام اللي حضرتك كتبته ومقتنع بيه جدا
ولكن شايف ان فعلا الموضوع بيكون حظوظ الي حد كبير ودا مش في بروتون بس في عربيات كتير تانيه وانا ونصيبي ياما ربنا يكرمني بعربيه تريحني او عربيه توريني النجوم في عز الضهر انا سيبها علي الله واللي فيه الخير ربنا يقدمه
انا بالفعل حجزت بيرسونا اتوماتيك وهستلم اول الشهر ان شاء الله دعواتكم معايا ان حظي ونصيبي يطلع في عربيه تكون كويسه مش عربيه توريني النجوم في عز الضهر وشاكر لحضرتك جدا
ان شاء الله كل مشاكله هتتحل وربنا يباركله فيها ويكفيه شرهااقتباس:
المشاركة الأصلية كتبت بواسطة gadieb
ان شاء الله مشاكله كلها هتتحل وربنا يباركله فيها ويكفيه شرهااقتباس:
المشاركة الأصلية كتبت بواسطة gadieb
اعتذر عن تاخيري في الرداقتباس:
المشاركة الأصلية كتبت بواسطة speed_magnum
اكيد طبعا صلاه الاستخاره اهم شي واللي فيه الخير ربنا يقدمه ان شاء الله
اعتذر عن تاخيري في الرداقتباس:
المشاركة الأصلية كتبت بواسطة speed_magnum
اكيد طبعا صلاه الاستخاره اهم شي واللي فيه الخير ربنا يقدمه ان شاء الله
انا شوفت الموضوع ورديت عليه هنا في المشاركات
اعتذر عن تاخيري في الرداقتباس:
المشاركة الأصلية كتبت بواسطة aliabdo
شكرا لحضرتك علي النصيحه واللي فيه الخير ربنا يقدمه ان شاء الله
انا صليت استخاره وسائل كتير اوي عن العربيه دي وبدعي ربنا لو فيها خير ليا تكون من نصيبي
شكرا لمرورك ومشاركتك دكتور ايمن واللي فيه الخير بنا يقدمه ان شاء الله
السلام عليكم
البروتون عربيه هايله ......جدا .......
من حيث أدائها ...... الرياضي ........
صاجهأ متين جدا
الاعتماد يه فى الاداء والمواصله ......
بمعنى انك ممكن تركبهأ 24 ساعه فى اليوم مش هتقول لاء
البنزين ...... على حسب سواقتك .....
هتقرس على ألا ر بى أم هتاكل ....
أنا مشيت على سرعة 200ك.م فى طريق الجيش أسيوط
نزلت من الوصله كانت المسافه 80 ك.م كلت 17لتر بنزين
ومره قطعت 100ك.م على سرعته 90ك.م ار بى أم 2.5 عملت 8.5 لتر ومكنت مصدق
كله على حسب القيادة
وقطع الغيار يعني عربيت كتير أسعارها بقت زى بعضها
عيبها
ناشفه جدا علشان العفشه ممكن تحس انك راكب لا دا
ضيقه بالنسبه لاسره جدا
توكيلها بيقرف
ملحوظه : كان معايا جين 2 2007
وكنت متابع هنا مع الناس
بس فى اخ اشتغلنى .... فى كاوتش
يلا الله يسامحه ...............
أ
حاليا :- معايا نيسان 2013 نيو وأكيد طبعا فيها مشاكل
ومشاكلها والله أكبر من بروتون بكثير وأنا بشتريها وعارف
بس وراها توكيل محترم بيحل وبيسمع الناس وبياخد الشكاوى ويرد ويحل
وطبعا هى اريح العمود الفقرى طبعا واسعة بحر بحر ومروحة تكيف خلفيه للمقصوره الخلفية شنطه واسعة .........
من الاخر
بروتون عاوه شاب
نيسان أسره كبيره
السلام عليكمانا زي حضرتك بالظبط كنت ناوي اشتري ال ار بي بس لما لقيت سعرها وصل 129000 واحد صاحبي نصحني ب البيرسونا فكنت عايز اعرف من حضرتك كلفتك كام توتال بالظبط علشان بفكر فيها ان شاء الله خاصه ان وسائل الامان احسن بكتير من الهيونداي.
و ربنا يباركلك فيها ان شاء الله.
رأيى و نصيحه منى بلاش ... أنا فى الآول كنت طاير بالعربيه بس بعد كده بقى نفس أبيعها بأى شكل بسبب التوكيل وسوء خدمه مابعد البيع ... التوكيل قادر بكفاءه انه يخليك تكره العربيه .. بلاش واشترى دماغك .. علشان متندمش بعدين .. انا ندمان انى متدبس مع التوكيل ده ونفسى يتغير النهارده قبل بكره