اقتباس المشاركة الأصلية كتبت بواسطة muslim_nsb مشاهدة المشاركة
انا من سنتين اشتريت العربيه النترا 2005 وعلى فكره بيقولو قطع غيارها زي الماتركس ، كان في مشكله في الكوبلن الشمال ناحية السائق وبيعمل صوت التقطقه المعروف في الملفات وطبعا علشان انا من قنا قعدت ادور مفيش غير الصيني وسألت الراجل قلي بص هو كله اللي بينزل صيني مكتوب عليه الماني كوري ياباني كله صيني يا بيه
المهم قلت اعمل ايه ياعني صيني صيني اجيبه واجربه ، اشتريت واحد مش فاكر سعر بصراحه 150 او 180 جنيه مش فاكر وهو عباره عن رأس كوبلن خارجي مش كوبلن كامل ومعاه القفيز بتاعه والشحم والكاوتشه بتاعته
وانا ليا سنتين مركبه والحمد لله مفيش مشاكل
ركبت الكوبلن الصيني و ماشاء الله طالع زي الفل و عشرة على عشرة :)

العربية ماشاء الله حاسس انها وضع بلادها ... لكن المشكلة فقط عند البائع
اللي حط الكبالن في علبة اورجينال و بيبيعه على انه اصلي من الشركة الام !!!!

و لكن من كلام العفشجي و خبرته المحترمة جدا قالي واضح انه باكورة انتاج
الصين في الكوبلن الداخلي و اللي راح الصين علشان يصنعه ماكنش معاه الا
كوبلن داخلي اصلي محمل في الخامة فتم تصنيع الصيني بكفاءة الاصلي :)

يبقى انا ليا الجودة و الكفاءة في الاستخدام .. و هذا ما شهد به العفشجي
و ما شعرت به انا في الاستخدام مقارنة بالاستيراد اللي كان راكب من قبل :)

الشكر لله و لكل من شاركني في النصيحة ... ربنا يبارك ان شاء الله