ســــــــــــــــؤال مهم في الطفاية ... !!!

**ahmedsrs** · 13-08-2008 08:53 PM

ياباشا متملاش الطفاية غيرها احسن الملو مبينفعش مش هتلاقيها فى المواقف الصعبة ده نمرة واحد نمرة اثنين الطفاية لها صلاحية محفورة عليها لمل بتنتهى حتى لو ماليها مبيرضوش بيها وهى فعلا فى حدود 120 جنيه وهتها من غير عداد عشان لو بعداد هيقعد يبصلك على العداد فى كل حملة

**dr_abooody** · 13-08-2008 11:40 PM

اصل الطفاية الجديدة غليت بقت ب 122 ج استغلال و الله و كمان دة طفاية صغيرة اخرها 50 ج

**Dr.Tarek** · 14-08-2008 01:35 AM

شارع الجمهوريه من ميدان رمسيس ألي مبدان الأوبرا

**drhaytham** · 14-08-2008 05:48 PM

المشاركة الأصلية كتبت بواسطة ahmedsrs

ياباشا متملاش الطفاية غيرها احسن الملو مبينفعش مش هتلاقيها فى المواقف الصعبة ده نمرة واحد نمرة اثنين الطفاية لها صلاحية محفورة عليها لمل بتنتهى حتى لو ماليها مبيرضوش بيها وهى فعلا فى حدود 120 جنيه وهتها من غير عداد عشان لو بعداد هيقعد يبصلك على العداد فى كل حملة

معلش الكلام دة مش صحيح لان الملو بيرجعها جديدة عن طريق :
1- تغيير جسم الطفاية اذا كان فات علية اكتر من 5 سنين وبيكون علية تاريخ السنة2008 مثلا
2-ملوها بالبودره وتتغيير الخرطوشة الداخلية
ودا كله في حدود خمسين جنية في بافاريا في شارع عماد الدين
وكدة ارخص من شراء واحدة جديدة وبتكون كانها جديدة

**chihab18** · 14-08-2008 05:54 PM

اعاده ملي الطفايه يكون في اقرب مركز دفاع مدني ( وحده مطافي رئيسيه ) بمنطقتك والرسم 20 جنيه
او شراء طفايه بافريا جديده من التوكيل ب 95 جنيه
ولو الطفايه سليمه خلاص خايف من ايه

**hazem_khidr** · 14-08-2008 06:30 PM

لو حتشتري طفايه خدها معاك قبل ما تروح المرور
علشان ما تتعرضش للاستغلال من بائعي الطفايات و يزود في تمنها 10 ولا 20 جنيه
انت احق بيهم.
و هات طفايه بافاريا لانها المعتمده من المرور!!!!
ليه بقي ما اعرفش!!!!

**ahmedsrs** · 14-08-2008 09:06 PM

احنا ليه بنبص للحاجات دى على انها كماليات او اجراءات عملها القانون عشان يخنق علينا؟؟

ليه اروح املأ طفاية بخمسين جنيه وهى كلها ب 100 جنيه يعنى الفرق 50 جنيه هتضمن منين ان الى هيملى الطفاية عندوا ضمير وهيملاها فعلا احنا فى بلاد الفهلوة
انا جربت موضوع الملو فى طفاية عندى بمؤشر بعد شهر ببص عليها بالصدفة ملقيتش فيها ضغط واحد جارى عربيته اتحرقت قدام عينيه وجبنا طفايات 6 عربيات ولا واحدة شغالة

**drhaytham** · 15-08-2008 11:30 AM

المشاركة الأصلية كتبت بواسطة ahmedsrs

احنا ليه بنبص للحاجات دى على انها كماليات او اجراءات عملها القانون عشان يخنق علينا؟؟

ليه اروح املأ طفاية بخمسين جنيه وهى كلها ب 100 جنيه يعنى الفرق 50 جنيه هتضمن منين ان الى هيملى الطفاية عندوا ضمير وهيملاها فعلا احنا فى بلاد الفهلوة
انا جربت موضوع الملو فى طفاية عندى بمؤشر بعد شهر ببص عليها بالصدفة ملقيتش فيها ضغط واحد جارى عربيته اتحرقت قدام عينيه وجبنا طفايات 6 عربيات ولا واحدة شغالة

اولا حضرتك انا مش باقول انها كماليات انا باقول املاها في بافريا اللي هوه توكيلها اللي هوه محترم جدا مش باقوله املاها تحت السلم وبعدين انا عندي سؤال هوه لما البنزين بيخلص من عربية حضرتك بتجيب عربية جديدة واللا بتمونها هي الطفاية كدة بالضبط

**Adham** · 15-08-2008 12:29 PM

يا جماعه

انا شاري الطفاية جديدة من بافاريا اللي في عماد الدين (من منفذ بيع بفاريا نفسة مش حد تاني) من 9 ايام بالضبط ب 121 جنية

و الطفاية تتملي عادي

مافيش حد في الدنيا أفتى ان ملو الطفاية ماينفعش

الطفاية دي لازم تتملي تاني بمجرد استعماله
يعني لو شاريها امبارح و استعملتها النهاردة يبقى لازم خرطوشة و ملو بودرة

طالما الجسم سليم

و الخرطوشة دي بتبقى زي عود الكبريت تشتغل مرة واحدة و بس

مش طفايات مملية هواء مضغوط زي بتاعه البيوت او الامن الصناعي الكبيرة

و بالتالي لازم تغير الخرطوشة بعد الاستعمال و ماينفعش تجربها

و زمان اخر مرة جبت خرطوشة ب 12 جنية ماعرفش بكان النهاردة

و البودرة مفروض تتغير كل فترة

اعتقد 3 او 5 سنين

حيث انها بتتلف بعد فترة او بترطب ربما

و البودرة بتتباع في بافاريا او اي كان بالكيلو

يعني الطفاية لو بتغير بودرتها بعد 5 سنين بتاخد 1 كجم خيث انها طفاية سيارة

لكن لو استعملتها (لا قدر الله) يبقى بتغير الخرطوش و بتتزود البودرة بس
حيث بييبقى فية شوية جوة الطفاية ممكن نصف كيلو ممكن امتر او اقل (حسب الاستخدام)