و الله ياباشا ربنا يخليك
انت طمنتنى كتيييير و ريحتنى
و ا شاء الله هابقى ابعتلك على طول لو فيه اى حاجه بس يا رب الاقيك ساعتها
عرض للطباعة
الف مبروك يا باشا وربنا يباركلك فيها
ابقي انفل لينا تجربتك وشعورك بعد اسبوع وقلنا اخبار السحب والبنزين والاستهلاك ايه بالظبط علشان انا بفكر اعمل العمله بتاعتك وأبيع ال a5 وأجيب باسات بس مقلق من بنزين ٩٢
الف مبروك .
ربنا يديك خيرها و يكفيك شرها .
اخيراً ،، الف مبروك وربنا يديلك خيرها ويكفيك شرها.
اخدتها على كام وعاملة كام كيلو؟ وايه الاوبشنز اللى فيها؟
و الله يا جماعه انا مبسوط بيكم لان انا حسيت فعلا ان الواحد ليه ناس ممكن يستشيرهم فى كل حاجه مش علشان العربيه بس لا اى حاجه تانيه غير العربيات
بصراحه لغاية دلوقت العربيه مافيهاش مشاكل فى موضوع البنزين خالص هى بقى ليها معايا اسبوع بنزين 92
سحبها حلو مش وحش خالص عكس ما سمعت فى المنتدى بصراحه ( او يمكن انا اتعودت على السحب الضعيف )
العربيه الحمد لله تمام مافيهاش رعشه ولا فى الطلعه ولا اى حاجه ( و يا رب تكمل على كده على طول )
مقارنه باسكودا انا مش عرف اقارن لان العربيتين حلوين جدا
بس هى ممكن تكون الباسات اكبر شويه من الفانتازيا ( مش عارف هو ده احساس ولا حقيقه انا ماقارنتش ابعاد انما انا بحس لما بركب فيها انها اوسع )
كمالياتها كتير بصراحه و انا حاولت اقراا الكتالوج و فضلت اقرا ... اقرا ... و فى الاخر عرفت انه مكتوب بالانجليزى
المهم انا الحمد لله عرفت اعمل قفل الابواب اتوماتيك لما العربيه تمشى
بس فيه مشكله
انا مش بحب اربط حزام الامان و هى بصراحه بتاكل دماغى ويك ويك ويك ويك و علامه الحزام على التابلوه
مش عارف اعمل ايه فيه
تانى حاجه مزعلانى فعلا انها مافيهاش بلوتوث تليفون بس لما سالت فى التوكيل و عرفت انه ممكن يركبلها وحده للتليفون بتتكلف 3200 جم بتركيبها
العربيه بعد اسبوع معايا حلوه بس انا لسه مش بعمل بيها حاجه غير انى باروح بيها الشغل و ارجع من الشغل و خلاص
بس ان شاء الله ناوى اعمل بيها مشوار سفر مش بطال يوم السبت ان شاء الله و يا رب تفضل كده تمام