الحل ايه بقي...؟
عرض للطباعة
الحل ايه بقي...؟
مع احترامي لحضرتك كلامك غلط
افرض انك اشتريت جنيه دهب من ١٥ سنه ب ٣٠٠ جنيه و هتبيعه النهارده في الصاغه تبيعه بكام ؟
يا ترى هتبيعه على اساس تمنه القديم ولا الجديد
هتقولي العربيات تفرق على اساس الاستهلاك ماشي بس اقرض انك انت معاك الالنترا 2010 و هتبيع و هتجيب النترا تاني نفس الكماليات الشكل الجديد طب ما انت لسه هتحط مش اقل من ٤٥ الف جنيه بعكس لو كان الزيرو على الاسعار القديمه كانت هترسى على 20 ولا ٢٥ الف بالكتير يعني البيع بالسعر المبالغ فيه في رايك خساره كبيره للبايع
حضرتك متقارنش سلعة مستهلكة بالدهب ... لان حتي الدهب لما بيتباع بيتباع مستهلك وقيمته بتقل ولا يعاد بيعه الا بعد اعادة تصنيعه لانه بيتباع علي اعتبار انو مادة خام ... غير كدا ان الدهب نوع والسلع الاستهلاكية دا نوع تاني
حضرتك اللى رديت على كلامك فى الرد اللى بعده : ما ينفعش تقارن الجنيه الدهب بالدهب المستهلك علشان ده اسطمبة ... يبقى مينفعش تحسب ان العربية ثمنها بقى ايه دلوقتى لان ببساطة العربية مستهلكة مش ذى الجنيه الذهب اسطمبة واحدة .. حقيقى من غير ما اكون بتريق علشان متفهنيش غلط : مش فاهم وجهة نظرك ايه بالظبط!!!!
ما العربية مش اسطمبة برضه و لا ايه رأيك!!!!!
انا اللى شايفه صح و مينفعش ان واحد اشترى سلعة مستهلكة بسعر و عايز يبيعها بعد ماستهليكها بسعر أعلى من اللى اشترى بيه ... مع احترامى لرأيك غير كده يكون جشع..
مش هيا دى الفكرة افرض ان عربية مستعملة توبها من كام شهر كان 100 الف حلو النهاردة الجنيه نزل من قيمته 30الميه و دا الرسمى مش الواقع يعنى لو هاتدى لنفس الراجل ده 100 الف يبقى انت بتديله مبلغ بقوة شرائية 70 الف مش اكتر قوم هو بيعوض دا بزيادة ال 30ف الميه طيب هايكون بيبيع ب 130 الف مثلا و ده ع كلامنا سعر العربية زيرو حلو قولوه روح اشترى نفس موديل عربيتك زيرو بالسعر ده مش هايعرف لانها زادت يبقى بالتالى القيم الشرائية اللى بنتكلم عليها قيمتها مختلفة خالص عن رقم المبلغ اللى بنتكلم عليه دا الموضوع ببساطة و الموضوع ده واقع عليك زى ما واقع عاللى بيبيع و ربنا يستر الدهب وضعه مختلف دا استثمار و ليه عواقبه و مميزاته
المشكلة كمان ان القوة الشرائية للفلوس بتقل بس الفلوس ما بتقلش يعنى اه العربيات الجديدة بتزيد الناس بتشترى عادى جدا للاسف بالعكس المبيعات بتزيد الاعتراض ممكن عن البعض ان اسعار عربيات من فئات معينة قربت جدا من ماركات اعلى مش اكتر من كده انما شرا بيشتروا و دا معناه ان فيه سيولة او معدلات الاقراض عالية و بالتالى ايا كان اللى بيبيع مستعمل بالسعر الجديد بيلاقى اللى يلبى سعره
يعني انت مش معترف ان الجنيه نزل ٣٠ في الميه قدام كل العملات؟!!!!
و عايز تتعامل على السعر وقت ما كانت رخيصه مع العلم ان العربيات تعتبر سلعه مستورده
يعني لو انت لو بتبيع عربيتك المستعمله و كنت مسعرها من تلات اشهر ب ٩٠ الف و عرفت ان تمنها دلوقت ب ١١٠ حضرتك هتقول انا مش جشع و تبيعها بال ٩٠ الف مش كده برضه
حاجه من اتنين يا اما حضرتك عندك لبس في فهم الموضوع و انصحك بقرايه مداخلاتي من الاول و مش عيب كلنا بنستفاد من بعض او حضرتك مش حابب تطلع نفسك غلطان حتى لو انت غلطان و اشك في الاحتمال ده
غلطان !!!!! وجهة نظر برضه ..
عموما الموضوع ده مش بنشوف مين غلط فى كلامه و مين صح و واضح من كلامك ان انت اللى مش عايز تشوف كلام غير كلام حضرتك صح ...
انا لو شارى عربيتى ب 100000 عمرى ما هبيعها بأكتر من سعر الشراء لأن العربية سلعة مستورده اه بس مستهلكة و ده اللى حضرتك مش عايز تنظر له فى ماتور و عفشة و اجزاء ميكانيكية بتستهلك مع العمر و الاستخدام فلا تقارن سعر الموديل المستهلك بسعر نفس الموديل الجديد و الزيرو ...
و حكاية انى الاقى سعر العربية بقى ب 110 ده تسعير الناس و التجار .. و السعر فى المستعمل بيكون تسعيره من البائع .. و اللى بيبيع عارف عربيته جايبها بكام و الضمير هو اللى بيحكم فى النقطة دى...
و الجنيه نزل 30 % الأن و ليس وقت شراء العربية ... و عموما الواحد لو شايف العربيات الجديدة غليت عليه يفضل معاه عربيته مش يبيعها بأكتر من سعرها علشان يجيب عربية جديدة أغلى و يقلل الفرق عليه .. و عموما لو الواحد اللى بيبيع بالطريقة دى شايف ان ضميره مستريح كده خلاص هو حر ربنا هو اللى بيحاسب مش احنا...
تصدق انك لفت نظري اني غلطان و بقاوح
طب ايه رايك تعال نعكس الموضوع بمعنى انك شاري عربيه ب ١٠٠ الف من سنتين اظن تمنها النهارده في حدود ٨٠ الف و ده حسب سعر السوق و حق ربنا
افرض ان موديل ٢٠١٣ تمنه زيرو بقى ٨٠ الف نتخيل شالوا الجمارك ياترى برضه هنقول العربيه المستعمله تمنها يتقدر من ساعة الشرا ابقى قابلني لو اتباعت في سنتها
يبقى القاعده العربيه بتتمن بنسبه من تمن الزيرو بسعر اليوم لانك ببساطه بعد ما هتبيع هتشتري مش هتقضيها موتورجل
و معلش العبدلله باع و اشترى ١١ عربيه و فعلا فيه عربيتين اتباعوا باكتر من الزيرو عارف ليه عشان فيه عربيه كانت زيرو ب ٨٧ الف و اتباعت ب ٩٥ الف عشان كانت نفس الشكل و الموديل زيرو ب ١٢٠ الف بعد اربع سنين
سلام