تيل فرامل الساجا

**manchie** · 17-04-2013 11:24 AM

السلام عليكم
عندى سؤال يا شباب
هو تيل الفرامل بتاع الساجا المفروض فى المتوسط يقعد كام كيلو
علشان انا فى الصيانة النهارده بيقولى المفروض أغيره و انا صلن لسه مغيره من 10000 كيلو يبقى أزاى لحق يخلص أنا عربيتى ساجا أتوماتيك
وكمان هو ملناش الحق اننا نعترض على الزيت المعفن اللى بيحتوه فى الماتور بتاع توتال المعفن ده
انا أصلن كنت بحط موبيل وان أو زيت فيسيكو ال5000 وكانت العربية كويسه طلعولنا فى أختراع بتاع توتال المنيل ده من ساعيتها وصوت العربية عالى وسحبها ضعيف
والكلام ده فى توكيل أبو رواش
وانا بعمل النهارده صيانة ال60000 هما أستلموا العربية الساعه 9:45 وقالى هيسلمهالى الساعه 4:00 مش عارف ليه هقعد 6 ساعاتبعمل صيانه للعربيهوكمان هتتكلف 2450 علشان الزيت اللى طاله 10000 كيلو
ياريت النصيحه يا شباب

**marsguy** · 17-04-2013 02:48 PM

حضرتك غيرت تيل الفرامل بكام؟

أنا غيرته أول مره في صيانة الـ 40 ألف عند عصام صفا وقالولي التيل سعره 400 و حاجه

قلت مش مشكله طالما أصلي يبقى هايعد 40 ألف برضه وهاريح دماغي

التيل ما طلعش حلو خالص وواضح إنه مختلف عن الفابريكه

اللي إكتشفته بعد كده إن في تيل أصلي ماليزي وفي تيل أصلي بوش, البوش ده بـ 700 وحاجه وهو ده المفروض أحسن تيل

دلوقت في التوكيل عاوزين يغيروا التيل بعد حوالي 13 ألف كيلو وبيقولولي كمان الطنابير عاوزه تتخرط مع إنهم غيروهالي المفروض من 5000 كيلو بس.

أنا ما فهمتش طنابير إيه دي اللي تبوظ في 5000 كيلو بس

قلتلهم لأ مش عاوز أغير ومش هاخرط الطنابير عندكم

أنا دلوقت طالما كده كده الطنابير باظت أنا هادور على تيل بره التوكيل وهاخرط الطنابير بره.

كن قرأت هنا إن في تيل مش بتاع بروتون بس كويس جداً وهو هو نفس الشكل والمقاس، تقريباً بتاع الأفيو.

يا ريت حد يفيدنا في الموضوع ده