السلام عليكم
الموضوع ده لتوضيح خطورة تركيب فلتر زيت مضروب في عربيتك ايا ما كان نوعها بس الصور لعربية باجيرو
اولا العربية كانت عاملة 150 الف كيلو فقط و عربية زيرو بمعني الكلمة و نضيفة جدا جدا جدا
رايح في يوم لورشة المتخصصون لقيت الونش بينزلها و اول ما نزلت لقيت تحتها بركة زيت !!!!
خالد راح يشوف الموضوع لقيته وشه احمر و سكت !!!
بقولة في ايه بس ياعم قالي استني اتأكد و اقولك
نزل تحت العربية و طلع و قام فاكك المروحة و شوية حاجات كده و طلع بيقول لا حول ولا قوة إلا بالله (حسسني ان في حد مات )
بقولة في ايه ؟ قالي الموتور اتكسر !!! بقولة نعم !! قالي والله العظيم و منغير ما افك هتلاقي الدنيا متكسرة جوة !!!
صاحب العربية طبعا واقف في قمة الحزن و عمال يقول انا سمعت وت امبارح و روحت لميكانيكي قالي لا ده صوت سيور و نضف الموتور و سابني امشي و الصوت فضل يروح و يجي لحد ما سمعت صوت جامد و العربية وقفت !!!!
الراجل سأل علي سعر الموتور قالولة من 20 الي 30 الف لاننا مش متابعين الاسعار و الاسعار بتتغير و ياريت تجيبه انت من تاجر تعرفة او اي مكان
المهم الراجل قال انا هتصرف و قال لهم فكوا برضة نتأكد و كانت النتيحة كالتالي :
دي صورة الكراسي بتاعة الموتور و المكان اللي انا حاطط ايدي فيه ده مكسور المفروض يبقي حته واحدة (خلي بالكم ده موتور باجييييييييييييييييرو مش اي عربية !!)
[IMG][/IMG]
و دي صورة لبستم مكسور!!
[IMG][/IMG]
و دي صورة البييل (العمود اللي بيربط بين البستم و عمود الكرنك) و المفروض يكون عدل زي اللي في الصورة جنبة
[IMG][/IMG]
و ده مكان الكسر في الفارغة بس للأسف صورته قبل الفك فمش باين غير الانعكاس بتاعه
[IMG][/IMG]
طيب عرفوا منين انه الفلتر:
طرمبة الزيت سليمة و كل قطع الغيار سليمة الحاجة الوحيدة المضروبة في العربية هي فلتر الزيت و طلع تقيل جدا جدا.
نصيحة لوجه الله: بلاش فلتر الزيت المضروب والله الفرق مش كبير في الفلوس بس النتيجة قدامكم اهه و انا مش اول مرة اشوف موتور باظ بسبب فلتر الزيت المضروب كذا لانسر شوفتها قبل كده الكرنك قفش بسبب نفس الموضوع
والله اعلي و اعلم
المفضلات