السلام عليكم
كنت عاوز اعرف هل التأمين ممكن يوافق ان حد يجيب قطع غيار بدل التالفه بقطع غيار من محلات الاكسسوارات ؟ زي الفوانيس المعدله وكده ولا بيرفض ؟ بحيث تكون ارخص من الاصليه.
عرض للطباعة
السلام عليكم
كنت عاوز اعرف هل التأمين ممكن يوافق ان حد يجيب قطع غيار بدل التالفه بقطع غيار من محلات الاكسسوارات ؟ زي الفوانيس المعدله وكده ولا بيرفض ؟ بحيث تكون ارخص من الاصليه.
على حسب انت اللي بتصلح وتوديلهم فاتورة تحاسبهم ولا بتديهم العربية وهما بيصلحوا ؟؟؟
لو بتديهم العربية وهما يصلحوها مستحيل يعملوا حاجة زي دي
لو انت اللي بتصلح وتوديلهم الفاتورة يبقا اشتري اللي يعجبك طالما أرخص م الأصلي وتوديلهم فاتورة ضريبية مختومة وهما بيوافقوا عليها ويعتمدوها آه بس بأقل من المبلغ اللي فيها بحجات بسيطة..
كمثال هاتوديلهم فاتورة تغيير فانوس بـ1000 جنيه ممكن تلاقيهم اعتمدوا 850 أو 900 بس وقالولك تشيل انت الباقي وده مش مشكلة في مقابل انك جبت حاجة على مزاجك
من غير ما تكلم حد خد الكلام على ضمانتي :)
اللي انت بتعمله ده أساسا مصلحة ليهم لأنك هاتقلل عليهم تكلفة التعويض اللي هايتصرف..
المنفعة مشتركة وهما يتمنوا كل الناس تعمل زيك
ههههههههههههه اكيد طبعا يا باشا كلامك ثقه وعشان كده بسأل في المنتدى عشان مش محتاج اسأل بعديهم حد :)
بصراحه الفكره هايله وياريت الناس تعملها لأنها بتجيب حاجه على مزاجها ويبقى نفسه اتفتحت تاني على العربيه بعد الحادثه (ربنا يحفظنا جميعا).
وانا متشكر ليك جدا يا باشا :)
ههههههههههههههه على فكره كلامك صح جدا وصاحبي النهارده اتصل بمهندس التأمين وقاله نفس كلامك بالظبط :d ان مفيش مشكله بس اهم حاجه مايلعبش في سعر الفواتير :d بس طبعا من غير ما يلف ولا يدور ههههههههههه
شكرا يا باشا على مساعدتك :)
الخلاصه في سطرين:
1- لو انت مأمن وعاوز تجيب قطع غيار بدل الاصليه لازم تصلح في مكان بره التوكيل وتجيب القطع بنفسك وطبعا بفواتير مختومه.
2- تجيب من مكان معروف عشان لو المهندس حب يتأكد من سعر الحاجه الي انت اشتريتها ومايعرفش يقص من السعر (على عكس الاستيراد بيقص من سعر الحاجه عشان عارفين انك ممكن تكون مفاصل في سعرها وجايبها بسعر رخيص).
تحياتي