ندمان انك اشتريت النوبيرا اوتوماتيك؟؟

**CaptaiN-AhmeD** · 27-04-2013 06:33 AM

يعني ايه طريقة القياده بتحدد عمر الفيتيس اسف دي مش فهمتها ارجو التوضيح

انا من ملاك نوبيرا 2007 اوتوماتيك وراضي جداً عنها والحمد لله زي الفل الا موضوع استهلاك البنزين مضايقني شويه ولكني اتأكدت بنسبة مليون % انه عيب رشاشات لان العربيه بتتأخر ف الدواره مبتدورش من اول مره بتدور عالتانيه او التالته

وساعات والله هي ومزاجها بتدور من المره الاولى عادي ف ده الي ملغبطني شويه دي رشاشات ولاايه ياجدعان

**CaptaiN-AhmeD** · 27-04-2013 06:40 AM

اما موضوع الحفاظ ع الفيتيس
ف دا الي اعرفه عنه والله اعلم صح ولا غلط
-التعامل مع الكيك داون باسلوب عنيف وتجيب اخر الدواسه ف الكيـك او انك بعد ما تحس بطلعة العربيه وحرق الغيار بتشيل رجلك بسرعه من عالبنزين بعد الكيك
-اهمال صيانة وتغيير الزيت بصفه دورية كل 20000 كيلو
-عند الوجود مثلا في وضـع الـ d والعربيه ماشيه بالقصور الذاتي بتاعها لقدام تقوم فجأه مـدي r
الي اعرفه متنقلش من r لـ d والعكس الا في حالة التوقف التام ومعاهم بردو وضع الـ p
انا شفت واحد صحبي قدامي كان بيعمل حركة النقل بين الار والدي حركه يعني زي الي بتتعمل ف العربيات العاده ويطلع بفركه جي بيعمل الحركه دي قضاااا عالفيتيس ف ثواني

من الاخر ياجماعه التعامل الحنين مع العربيه حتى فالشد بيفرق وعمرها ماهتكسفك لو انت محافظ عليها
حتى العربيات الرياضيه او البي امات متفتكرش انهم كل يوم بينزلو يشدو ويخمسوا ويلعبو بالعربيات ع كدا كل يوم

بيخلص الحركه من هنا وتاني يوم بتلاقيه قاعد ف الحرفيين مونس الصنايعيه عادي يعني

واي سلعه عندك ف الدنيا كتر استهلاكها بطريقه غلط اكيد هتبوظ واكيد يعني الخواجه مش عاملها اوتوماتيك عشان تبوظ لوحدها كله من سوء استخدام البشر

**CaptaiN-AhmeD** · 27-04-2013 06:42 AM

سؤالي بقى كيفية تنفيذ الـ كيك داون بطريقه مظبوطه منغير ماخرب حاجه ؟؟؟ اسف ممكن يكون ملوش علاقه بالموضوع بس نفسي اعرف, اغلب المعلومات بتاعتي ف العربيات بستمدها من خبراتكم يا شباب وشكرا للجميع :) :)

**Ahmed Nasser** · 27-04-2013 02:26 PM

المشاركة الأصلية كتبت بواسطة amr anwar

كنت عاوز اسأل ايه وظيفه زر الهولد والباور

زر باور المفروض انة يزودلك قوة الموتور وبياخر النقلات بدون كيك داون
اما هولد دة بتشغلة لما تدخل صحراء مثلا عشان العربية تهدى ومتعملش امركانى وتخلى العجعل يرغز

**Ahmed Nasser** · 27-04-2013 02:31 PM

المشاركة الأصلية كتبت بواسطة captain-ahmed

سؤالي بقى كيفية تنفيذ الـ كيك داون بطريقه مظبوطه منغير ماخرب حاجه ؟؟؟ اسف ممكن يكون ملوش علاقه بالموضوع بس نفسي اعرف, اغلب المعلومات بتاعتي ف العربيات بستمدها من خبراتكم يا شباب وشكرا للجميع :) :)

الكيك داون انك بدوس على دواسة البنزين للاخر لو كل حاجة عندك مظبوطة
المفروض العربية تنقل على 6500 ار بى ام
الاول معاك هيكون اخر 60 والتانى 120 والثالث 160 والرابع بيقفل الامبير 220
بس عشان تحافظ على الفتيس متبقاش على بطال شغال كيك داون

**AshrafMakki** · 27-04-2013 09:52 PM

انا معايا نوبيرا 2 مانيول حولتها لي اوتو بي فتيس نوبيرا 1 سلك وماشية ذي الفل...

**MoMohsen** · 28-04-2013 11:33 AM

المشاركة الأصلية كتبت بواسطة ashrafmakki

انا معايا نوبيرا 2 مانيول حولتها لي اوتو بي فتيس نوبيرا 1 سلك وماشية ذي الفل...

طيب ايه الاختلافات اللى عدلتها زيادة عن الفتيس الاتوماتيك بتاع النوبيرا2 و ايه نظام استهلاك البنزين؟؟

**Ahmed Nasser** · 28-04-2013 01:47 PM

هو هو الفتيس مفيش فرق

**MoMohsen** · 30-04-2013 11:33 AM

المشاركة الأصلية كتبت بواسطة ahmed nasser

هو هو الفتيس مفيش فرق

لا طبعا فيه فرق و المشكله انه لصالح نوبيرا 1 . الفتيس فى النوبيرا 1 فيه تكنولوجيا اكتر و اكنه ليه كنترولر لكن فى نوبيرا 2 الفتيس عادى جدا زى بتاع اى عربيه اتوماتيك من التمانينات

**Ahmed Nasser** · 30-04-2013 01:48 PM

المشاركة الأصلية كتبت بواسطة momohsen

لا طبعا فيه فرق و المشكله انه لصالح نوبيرا 1 . الفتيس فى النوبيرا 1 فيه تكنولوجيا اكتر و اكنه ليه كنترولر لكن فى نوبيرا 2 الفتيس عادى جدا زى بتاع اى عربيه اتوماتيك من التمانينات

معلهش اصلى ماركبتش الا النوبيرا اللى بتيجى من برة بس
اما النوبيرا التقفيل المصرى ماركبتهاش

بالنسبة للفتيس النوبيرا 1 والـ 2 هو هو نفس الفتيس
وطبعا الفتيس لية كنترول وحساسات غير كنترول الموتور
دة بالنسبة لاى نوبيرا بتيجى من برة سواء 1 او 2
بس فية عربيات نوبيرا نزلت الفتيس بتاعها واير عادى جدا زى بتاع النوبيرا التقفيل المصرى

اما الفرق بين فتيس النوبيرا 1 والـ 2
مفيش اى اختلافات نهائى الا النوبيرا 1 ليها ضفيرة للغيارات
بتبين الغيارات فى الطابلوه امامك
اما النوبيرا 2 مافيهاش الكلام دة