تغطية عيد ميلاد نايل موتورز السادس 12/4/2013

**Ahmed Selim** · 18-04-2013 11:06 AM

اولا انا بشكر إدارة المنتدى على الكلام الجميل اللي انا مستحقوش ده و على التكريم..........بجد كان نفسي اكون معاكم لولا الشغل اللعين :-(

و ثانيا بشكر الحاج احمد مشعل على الهدية القيمة دي اللي فعلا غيرت العربية كتير للاحسن......ربنا يبارك فيك و يباركلك في أولادك و شغلك اللي زي الفل.

كريم بلغني بالهدية قبل عيد الميلاد بأسبوع تقريبا و روحت اخترت نوعية الجلد و اللون و الخياطة و اتفقنا على التركيب يوم السبت اللي فات بعد عيد ميلاد المنتدى بيوم نظراً لظروف شغلي و روحت ركبته فعلا و ان شاء الله برفع صوره.

الناس عند الحاج احمد في المحل من غير ما يعرفوا انا مين و جاي من طرف مين......معاملة زي الفل و امانة مطلقة.

مرة تانية شكرًا للادارة و الحاج احمد مشعل.

**Samir Elshahawy** · 21-04-2013 12:58 AM

حقيقي كان يوم رائع كعادة مقابلات المنتدي و لو أني لم أكن في حالة طبيعية هذا اليوم نظرا لأصابتي بدور برد شديد أزدادت حدته بعد عودتي من هذا اللقاء الجميل

لكن كما قلت سابقا .. لو بأموت .. هأزحف و أحضر مقابلات المنتدي و لايمكن اتأخر عنكم أبدا

**الغزالى** · 21-04-2013 01:34 AM

تسلم ايدك يا بسكوته على الموضوع والفيديو ...
وشكرا لكريم منير على اليوم ده
وشكرا لكل فرد حضر اليوم ده ... بجد كان يوم جميل جدا على الرغم من ان العدد الى جه مكنتش كتير
بس الى حضروا انبسطوا جدا جدا .. وفى نفس الوقت كريم منير أتنفخ فى التحضير لليوم ده
بس كل سنه ونايل موتورز وكل اعضائه بخير وصحه وان شاء الله نتقابل قريب

**alaa74** · 21-04-2013 11:47 AM

كان يوم مميز وتجمع رائع كعاده مقابلات نايل موتورز
الحضور الكريم لمجموعه من صفوه المجتمع وإن كنا
قد إفتقدنا الكثير من الشخصيات المؤثره والعزيزه على قلوبنا جميعا
ممن منعتهم ظروفهم من الحضور ورغم تأكيدهم حضورهم من قبل
وهم أسماء كثيره لن أستطيع حصرها أو كتابتها حتى لا تخوننى الذاكره .

شكر خاص وجزيل لإداره المنتدى الكرام بصفتهم وشخصهم على تنظيم هذا
اليوم الجميل والمعتاد منهم بصراحه واخص بالذكر قائد السفينه .

اخى العزيز والكريم كريم منير
شكر خاص لشخصك وصفتك على مجهودك الكبير انت وكل طاقم
الإداره الكرام فى العمل على إخراج هذة الإحتفاليه بهذا الشكل المميز
وده مش جديد عليكم وشكر جزيل على أن جعلك الله عز وجل
سببا فى تجمع وتعارف هذة الكوكبه من صفوه المجتمع
على إختلاف ميولهم وتوجهاتهم لكن إجتمعوا على شئ واحد
هو حب المكان ده ربنا يديم المعروف دايما ما بين كل الأعضاء الكرام .
ويارب الروح الموجوده هنا داخل هذا البيت تدوم وتدوم
وتخرج على نطاق اوسع لتشملنا جميعا كمجتمع
على أمل بتغير بلدنا للأفضل والأحسن
لأننا نستحق أفضل من كده بكتير .

شكر جزيل للحاج أحمد مشعل (جينز كار لفرش السيارات )
وشكر جزيل للأستاذ/ محمد سعيد
وللأستاذ/ محمد سعيد (ديتالرز كار كير سنتر )
وشكر جزيل لشركه ولف للزيوت
على هداياهم القيمه لكل الحضور .
وكل عام وكل أعضاء نايل موتورز بكل خير وفى أحسن
صحه وأفضل حال ومن نجاح إلى نجاح دائما بإذن الله ...
تقبلوا جميعا خالص تحياتى

**AlGazar2** · 21-04-2013 09:53 PM

يوم جميل جدا اتعرفت فيه على احسن ناس بجد
و قابلت الشيخ خالد و الحاج احمد مشعل لاول مره
و كل سنه و المنتدى و اعضاء المنتدى و اداره المنتدى بخير و فى انتظار عيد ميلاد المنتدى للسنه السابعه ان شاء الله

و طبعا كل الشكر للحاج احمد مشعل على الهدايا القيمة الى كل الموجودين خدوها
و مبروك لكل الاعضاء الى اتكرموا

شنورى كومنتاتك على الصور تموت من الضحك

العربيه الى على التورتايه دى عامله حادثه و ده زيت الفتيس على فكره بعد ما الكارتيره اتكسرت

**Karim_Monir** · 22-04-2013 12:09 AM

السلام عليكم ورحمه الله
كعادة نايل موتورز بيتنا التاني كان يوم الاحتفال بميلاده يوم ولا اروع
صاحبته العديد من الترتيبات العنيفة كالعادة عشان يخرج في اجمل صورة زي ما متعودين
واحب اشكر فعلا كل واحد ساهم في اخراج اليوم ده بالشكل الرائع ده
وده اليوم اللي بعرف فيه لسه في ناس بتحب نايل موتورز قد ايه
ولو فضلت اشكر فيهم من هنا لبكرة مش هاوفيهم حقهم
لكن كمان بصفة عامة حابب اشكر اكبر 3 اسماء ا زالت تعطي نايل موتوز الكثير جدا من وقتها وجهدها
نادر الطرابيشي
المدير العام لمجموعه مواقع ومنتديات نايل موتورز
حابب اقوله شكرا جزيلا لانك في خلال سنة واحدة هي عمر موقع نايل موتورز
قدرت توصل بيه للمكانة والصدارة دي في عالم مواقع العربيات المتخصصة في مصر
بحيث ان موقع نايل موتورز بقي الموقع الثاني على مستوي مصر في الترتيب والزيارات ومعدل التواجد وقدر يوصل بيه في خلال سنة انه يكون افضل من مواقع كتير جدا بقالها سنين طويل
وتتصدر نتائجه محركات البحث المختلفة
مجهود رائع استحق عليه تكريم بسيط مننا

الاستاذة سما
وهنا حابب اطول شوية لانها عشان هي اللي كتبت موضوع التغطية شالت اسمها وانكار الذات صفة قليلة في الزمن ده
حابب اقول ان المنتدي وادارته كرموها السنادي على دورها الكبير جدا في منتدي نايل موتورز
وكمان دورها اللي مايعرفوش الكتير في موقع نايل موتورز وخاصة الاشراف على قسم المستعمل
ودورها ايضا في الاشراف على محتوي اخبار السيارت بالمنتدي
غير دورها التنسيقي مع منسقين ومشرفين المنتدي وكونها حلقة الوصل بين مجلس الادارة والاعضاء
غير متابعتها لاقسام كتير جدا في المنتدي بنفسها
فحابب اشكرها كتير جدا على دورها اللي دايما بتنكره
حابب اقولها شكرا مرة تانية
اما ياسر طلعت مدير الدعم الفني وحلقة الوصل بين المنتدي وشركة الدعم الفني حابب اقوله شكرا ايضا على مجهودة الظاهر جدا

اخيرا وليس اخرا
لكل الاصدقاء الحقيقيين :
علاء الشناوي-وائل ابو ليلي- شنوري- سمير الشهاوي- محمد ممدوح- هاني رزيني - احمد عبدالمقصود - سما
حابب اقول لكل اصدقائي اللي شاركوا في تكريمي بالكريستالة الاكثر من رائعه
واللي اخدت مجهود انا متاكد قد ايه هو متعب
بداية من اختيارها للتصميم للصورة لعشرات التفاصيل
حابب اقولهم كلهم بالاسم
شكرا جزيلا فعلا قدرتوا تسعدوني

اخوكم
كريم منير