معلش يا باشا اشرحلي الجمله دي تقصد بيها ايه ؟ ويعني ايه محترمة واخدين فيها مقلب
عرض للطباعة
العربية بالمواصفات دي سعرها كويس جدا بالنسبة لاسعار المستعمل حاليا والناس اللى داخله تقول غالية وكتير مش عارف بيقولوا على اي اساس ومحدش فيهم معاه كريستالة ولا يعرف سعرها كام بس حضرتك تتاكد من موضوع التكييف ده عن طريق تشغيله وتلاحظ ان الكباس شغال دي اهم حاجة وبيفصل وبيشتغل وبعد كده كل حاجة تانية سهلة ومقدور عليها وبالنسبه للفتيس محدش اشتكى منه ابدا فتيس الكريستالة الاوتو ماشاء الله معمر طول ما الصيانة فيه وتغيير الزيت والفلتر بس السحب مش هيكون اد كده وخصوصا مع التكييف
شكرا استاذ جرجاوى وبارك الله فيك وزادك من فضلة وانا شاء الله بكرة هشوف السيارة وارفعها فى بنزينة واتاكد من كل الملاحظات السابقة
طبعا الفتيس لا يوجد منه جديد وهناك فقط استعمال الخارج أو الخلع من مواتير قديمة ويتراوح سعر الفتيس كاملا من 900 جنيه إلى 1200 جنيه
شكرا دكتور |ابو نضال وجزاك الله كل خير وفعلنا منتدى رائع واعضاء اروع
ده كلام سليم ..الفتيس بتاعي باظ من شهرين ثلاثة كده فجأة لقيته ما بيحركش العربية خالص وكأن الغيارات كلها n فشديت العربية للعفشجي وكانت المشكلة في قطعة اسمها "قربة الفتيس" وهي تقابل الديسك والاسطوانة والبلية في الفتيس اليدوي عمرها الافتراضي انتهى والمشرشر بتاعها أصبح ناعم فاشتريتها استيراد وطبعا مع حل الفتيس تم تغيير القواعد والجلب التالفة والحمد لله العربية اتصلحت في نفس اليوم ودي ميزة كبيرة جدا في العربية دي إن ما شاء الله قطع غيارها متوفرة في كل مكان.
انا عاجز عن شكركم وبارك الله فيكم جميعا وللاسف رفعت السيارة اليوم مع ميكانيكى واكتشفنا ان العفشة مهلوكة ومحتاج تغيير كامل وايضا كباس التكييف بايظ لذا قررت عدم الشراء .................... وهذا للعلم شكر.......................على مشاركاتكم
خيرها في غيرها يا ريس ... عموما ما فيش كريستالة أوتوماتيك نضيفة أقل من 50 ألف